Janssenen txertoa haurdunek eta bularra ematen ari direnek ere jaso ahalko dute
Europako Batzordeak Janssenen txertoa merkaturatzeko baimena eman ondotik, inmunizazioan adituak diren talde batek asteazken honetan jakinarazi du haurdun dauden emakumeek eta bularra ematen ari direnek ere txerto hori jarri ahal izango dutela.
Covid-19aren aurkako immunitatea lortzeko Janssen enpresa-farmazeutikoaren (Johnson&Johnson) txertoa, dosi bakarra behar duen lehen txertoa da.
Munduko Osasun Erakundean immunizazioetan aholkularitza estrategikoa eskaintzen duen zientzialari talde baten esanetan, Janssenen txertoa jartzeko erabili izan den plataforma teknologiko bera erabili izan da iraganean haurdun dauden emakumeentzat eta bularra ematen ari direnentzat seguruak izan diren beste txerto batzuk ekoizteko.
Adituek ez dute gomendatzen haurdun dauden emakumeek covid-19-aren aurkako testa egitea txertoa hartu aurretik, ezta txertoa hartzeagatik haurdunaldia atzeratzea ere. Gainera, Munduko Osasun Erakundeak ez du aholkatzen edoskitzea etetea txertoa jaso ondoren.
Janssenen txertoa segurua eta eraginkorra dela diote, eta, beraz, pandemiari aurre egiteko beste tresna bat dela. Gainera, adituen ustez, dosi bakarra behar duenez, jende gehiagok jaso ahal izango du txertoa, txertaketa prozesua bizkortuz.
Kontraindikazio bakarra
Adituek adierazi duten kontraindikazio bakarra osagaietako batekiko alergia da, nahiz eta txerto horrek ez duen atxikigarririk, kontserbagarririk, animalia-jatorriko materialik edo fetuaren ehunik.
Txertoak % 76,7ko eraginkortasuna erakutsi du entsegu klinikoetan covid-19 larria garatzea saihesteari dagokionez, txertoa jaso eta 14 egunera, eta % 85,4koa, berriz, jarri eta 28 egunera.
Konpainia estatubatuarraren txerto hau hozkailu normaletan gorde daiteke eta Europar Batasunean baimendutako laugarren txertoa da.
Erabiltzen ari diren gainerako txertoak bezala, Janssenena ere profesionalen ikuskaritzapean eman behar da, eta eskura izan behar da tratamendu medikoa erreakzio alergikorik agertuz gero erabiltzeko.
Zure interesekoa izan daiteke
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Ia 28.000 korrikalarik hartuko dute parte eta milaka izango dira ikustera hurbiltzen direnak ere. Donostiako Udalak garraio publikoa erabiltzeko gomendatu du. 09:45etik aurrera, ETB1en eta eitb.eus-en jarraitu ahal izango da zuzenean.
"Irabazi arte", "Generación Click" eta "Los Williams" saioek Telebista Akademiaren Iris sarietako izendapena jaso dute
Sariak banatzeko ekitaldia 2026ko otsailaren 16an egingo dute, Madrilen, Teatro Real antzokian.
"Palestinarekin bat, konpromiso bat" ekimena aurkeztu dute, Gernika-Palestina sareak deituta
Gernika-Palestina herri ekimenak euskal gizartearen konpromisoa eskatu du larunbat honetan, "Palestina babesteko eta elkartasun aktiboan urratsak emateko", bai arlo ekonomikoan, bai arlo humanitarioan. Hainbat "eragile politiko eta sozialen" babesarekin eman du konpromisoaren berri, Donostian egindako prentsaurreko batean, eta Israelekin harremanak haustea eta "nazioarteko zuzenbidea errespetatzea eta aplikatzea" eskatu du.
Xabier Agote (Albaola): "Euskaldunek mundu mailan puntako itsas teknologia garatu zuten duela 500 urte"
EITBk Albaolako presidentearekin hitz egiteko aukera izan du San Juan baleontzia uretaratu eta biharamunean. Pozik eta hunkituta agertu da, baina aurretik lan handia dutela esan du; izan ere, belak eta mastak egin behar dituzte oraindik. Astelehenetik aurrera, lanean jarraituko dute, ontzia ekipatu eta udaberrian berriz ikusgai jartzeko.
Hodi baten hausturak ur-hornidura arazoak eragin ditu Ezkerraldean
Matxura konpondu dute jada, baina txorrotak ireki eta urari isurtzen uzteko gomendatu dute, oraindik zikin egon daitekeelako.
Txalo artean ospatu dute Kanadan 'San Juan' ontziaren uretaratzea
Txalo artean ospatu dute Red Bay Kanadako Ternua eta Labrador probintziako herrian San Juan ontziaren uretaratzea. Bertako herritarrak elkarrekin bildu dira uretaratzea zuzenean ikusteko; izan ere, arrantzale herri horretako uretan aurkitu zuten hondoratuta, 1976an.
Giroa lehortuko du igandean iritsiko den hego-haizeak
Tenperatura minimoek behera egingo dute, baina maximoek, gora. Kostan, abisu horiak egongo dira, olatuen indarragatik.
Gripearen aurkako txertoa jartzeko deia egin die Osasun Sailak 60 urtetik beherakoei, bereziki haurrei
Aste honetan 889 gripe-kasu izan dira, eta horietatik % 6,2 baino ez dira ospitaleratu; aurreko astean, berriz, % 10 izan ziren. Jaitsiera horrek erakusten du txertaketak kasu larriak murriztu ditzakeela.
Bost atxilotu, horietako bi Nafarroan, adingabe batekin trafikatu eta ezkontzera behartzeagatik
Nafarroako Erriberatik Kataluniara eraman zuten 14 urteko neska, eta familia eroslearen kontrolpean egon zen, behartuta ezkontzera bultzatzeko asmoz. Gizakiak salerostea egotzi diete.
'San Juan' baleontzia Pasaiako badian da jada, historia egiteko prest
Oraindik ez dute lan guztia amaitu, mastak, oihalak eta beste xehetasun batzuk falta baitira. Asmoa da 2027an Kanadarantz abiatzea, euskaldunek bere garaian egiten zuten modura.