Mugikortasuna eta barruko jarduera mugatzea aztertzen ari da LABI politikoa
Iñigo Urkullu lehendakaria buru, Euskadiko Babes Zibileko Planaren (LABI) Aholku Batzordea bilduta dago une honetan, koronabirusaren zabalkundea eteteko neurri berriak hartzeko. LABI politikoak udalerriak edota lurraldeak perimetralki ixtea eta ostalaritzako lokalen barruko jarduera mugatzea erabaki dezake.
Bileraren ostean, Iñigo Urkullu lehendakariak eta Gotzone Sagardui sailburuak agerraldia egingo dute, eta zuzenean jarraitu ahal izango da eitb.eus-en. 18:00etatik aurrera izango da.
Oraingoz, ikusteko dago neurri berriak noiz sartuko diren indarrean.
Atzo LABI teknikoak itxiera perimetrala aplikatzea proposatu zuen, azken 14 egunetako intzidentzia metatua 100.000 biztanleko 400 baino handiagoa den 5.000 biztanletik gorako udalerrietan eta lurraldeetan.
Halaber, ostalaritzako establezimenduen barruko ordutegia murriztea proposatu zuen, 06:30etik 09:30era eta 13:00etatik 16:30era.
Halaber, LABI teknikoak proposatuko murrizketek ere eragina izango lukete kirolean. Barrualdean egiten diren kirol jardueren kasuan, ezingo lirateke 4 pertsona baino gehiago elkartu. Neurri horrek ez lieke eragingo talde profesionalen eta federatuen entrenamenduei eta lehiaketei.
Apustu etxeei dagokienez, ezingo lukete barrualdean ostalaritza zerbitzurik eskaini.
Gaur-gaurkoz, hauek dira 400tik gorako intzidentzia duten 5.000 biztanletik gorako udalerriak:
ARABA
- Ez dago 400etik gorako intzidentzia metatua duen udalerririk.
BIZKAIA
- Elorrio (725,03)
- Ermua (724,14)
- Muskiz (454,61)
- Ondarroa (420,22)
GIPUZKOA
- Beasain (805,93)
- Lazkao (1207,39)
- Ordizia (844,09)
5.000 biztanletik beherako udalerrien kasuan, berriz, ez dute argitu zer gertatuko den.
Egun, 35 dira 400 kasutik gorako intzidentzia-tasa metatua gainditzen duten herri txikiak: 14 Araban, 9 Bizkaian eta 12 Gipuzkoan. Araban: Arraia-Maeztu, Aiara, Berantevilla, Eltziego, Elvillar, Iruña Oka, Guardia, Leza, Moreda, Navaridas, Okondo, Urkabustaiz, Villabuena eta Zigoitia. Bizkaian: Aulesti, Fruiz, Galdames, Ibarrangelu, Izurtza, Mallabia, Nabarniz, Plentzia eta Zamudio. Gipuzkoan: Amezketa, Antzuola, Ataun, Baliarrain, Berrobi, Legorreta, Lizartza, Mutiloa, Olaberria, Orendain, Zaldibia eta Zegama.
Osasun Sailak ebazpen bat argitaratuko du asteartero udalerrien zerrenda eguneratzeko.
Murrizketa gehiago Aste Santuan
Espainiako Gobernuak eta autonomia erkidegoek Osasun Sistema Nazionaleko Lurraldearteko Kontseiluan adostutakoaren arabera, martxoaren 26tik apirilaren 9ra bitartean etxe barruetan bizikideak soilik elkartu ahalko dira. Ostalaritzari dagokionez, gehienez lau pertsonako taldeak osatuko dira, barruan zein kanpoaldean.
Gainera, Euskal Autonomia Erkidegoak perimetralki itxita jarraituko du.
Zure interesekoa izan daiteke
Meta eta Google, 2,6 milioi euro ordaintzera behartuta, gazte bati eragindako menpekotasunagatik
Antsietatea, depresioa edo gorputz-dismorfia dira gazteak pairatutako kalteetako batzuk. “Haurrentzat mendekotasuna sortzen duten eta kalte egiten duten produktuak diseinatzen dituzte”, adierazi du abokatuak.
Hondarribiak gaur onartuko du bere II. Berdintasun Plana, Alardearen inguruko gatazka bideratzeko neurriak jasoko dituena
Planak “emakumeen eskubideen defentsan jasandako indarkeria aitortzeko formulak" bilduko ditu.
Albiste izango dira: Korrika zuzenean, krisi energetikoaren aurkako neurriak eta hauteskunde sindikalak Ertzaintzan
Gaurkoan Orain-en albiste izango direnen laburpena, bi hitzetan.
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela adierazi du Amaya Zabarteren senarrak
Epaileak Amaya Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa soilik izan duela kontuan, lekukoen testigantzak eta frogak alde batera utzita. Probintzia Auzitegira begira itxaropentsu dago, justizia kasua hara heldutakoan iritsiko zaielakoan.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko du.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaerari eutsi dio adingabeei sexu-proposamenak egiteagatik epaitutako Irungo irakaslearentzat
Defentsak, bere aldetik, absoluzioa eskatu du, irakasleak ustezko biktimekin "adiskidetasun" harreman soila zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.