Ez da covid-19aren araudian salbuespenik egingo larunbatean
Heldu den larunbatean Athleticek eta Realak jokatuko duten Errege Kopako finalaren atarian, garaipena kalean ospatzeko batzuek zein besteek izan ditzaketen asmoak zapuztu ditu Josu Zubiaga Eusko Jaurlaritzako Segurtasun sailburuordeak. Horren arabera, neurriak ez dira laxoagoak izango larunbatean, eta ez da indarrean dagoen araudiaren salbuespenik egingo: "Ez gara beste edozein asteburutan baino permisiboagoak izango".
Batak zein besteak irabazi, "modu oso kontrolatuan ospatu beharko da". "Giza bizitza Errege Kopa baino garrantzitsuagoa da. Bizitzak daude jokoan", ohartarazi du.
Radio Euskadiko "Boulevard" saioan egin dioten elkarrizketan aurreratu duenez, Udaltzaingoekin, Udalekin, Aldundiekin eta taldeekin elkarlanean ari dira, "osasun arauak betetzen laguntzeko" beharrezkoak diren dispositiboak martxan jartzeko.
Agente gehiago egongo direla iragarri badu ere, ez du kopurua zehaztu.
Irabazleei egin ahal zaizkien harrerei buruz galdetuta, erakundeei dagokien erabakia dela erantzun du. Dena dela, "oso pribatuak" eta publikorik gabeak izatea eskatu du. Egitekotan ere, jendarteak noiz eta non egingo diren ez jakitea defendatu du, "edozein dei edo tentazio saihestu behar delako".
Hori guztia dela eta, ospakizunak etxean egitera animatu ditu herritarrak.
Errege Kopako finala zuzenean jarraitu ahalko da ETB1en.
BIDEOA: "Sentimenduz ospatu, arduraz jokatu"
Udaltzaingoaren eta Ertzaintzaren operatiboa Donostian
Eneko Goia Donostiako alkateak adierazi duenez, Udaltzaingoak eta Ertzaintzak dispositibo "koordinatua" prestatu dute larunbat gauean ere "gainerako egunetan bezala" arauak betetzen direla ziurtatzeko.
Goiak mezu argia helarazi du: "Denok gara kontziente, ez da erraza, inori ez zaigu gustatzen, baina hori da tokatzen dena eta egin behar dena: partida etxean telebistaz ikusi eta bakoitzak bere etxean ospatu".
Zure interesekoa izan daiteke
Bilboko Metroa: Zelan prestatzen dira trenak egunero 05:30ean abiatzeko?
Bilboko Metroko tailerrean izan gara, Basaurin. Ez dute denbora askorik trenak garbitu eta errebisatzeko, gauerditik goizeko bostak arte soilik, tarte horretan egoten baita geldi metroa. Egunero zerbitzua abiatzeko funtsezko lanak dira, segurtasuna bermatzeko.
Horrela eboluzionatu du Metro Bilbaok bere 30 urteko historian
Gaur, azaroak 11, Metro Bilbaok 30 urte bete ditu. Hiru hamarkada hauetan, metroak Bilbo Handiaren mugikortasuna eraldatu du, itsasadarraren bi aldeak lotuz eta Bizkaiko hiriburua Kabiezes, Plentzia eta Basaurirekin lotzen duen sarea ehunduz. Orain, metroa etorkizunera begira dago hedapen-proiektu berriekin, besteak beste, Usansolorako luzapenarekin, bere ospitalea metroaren gainerako eremuarekin lotzeko.
Niko Etxart, Janus Lester eta Aurora Beltran, EITB Maratoiaren soinu-bandaren ahotsak
Etxarten “Euskal Herri Rock & Roll” abestia da aurtengo EITB Maratoiari doinua jartzeko aukeratutako abestia. Nikorekin batera, Janus Lesterrek eta Aurora Beltranek hartu dute parte elkartasun kanpainarako egindako bertsioan. Adunako Elkarren estudioetan grabatu dute abestia.
Gizon bat atxilotu dute Igorren sexu-erasoa egitea egotzita
Igande arratsaldean gertatu zen erasoa, Bizkaiko udalerriko etxebizitza batean.
Urnietako elizako erlojua konpontzen ari dira Salestarretako elektromekanika ikasleak
Salestarretako elektromekanika ikasleak ari dira konpontzen Urnietako elizako erlojua. Helburua udaberria baino lehen prest egotea da. Lan honek aukera ematen die ikasleei desagertzeko zorian diren lanbideak ikasteko.
Eusko Jaurlaritzak ostegunean probatuko du herritarrei hondamendietan abisuak emateko sistema, Araban
Araban kokatutako gailuetan alerta-soinu bat entzungo da, eta, horrekin batera, mezu bat. Horretan adieraziko da proba bat dela, eta ez benetako arrisku-egoera bat.
Gasteiz eta Bilbo arteko lineako zortzi bidaia kenduko ditu La Unionek
Autobus konpainiak errefortzu horiek kendu egingo ditu, eskari txikia dela eta: Gasteiztik Bilbora (05:50, 06:45, 13:30 eta 15:30) eta Bilbotik Gasteizera (06:30, 07:45, 09:30 eta 13:30).
Vatikanoa Cadizeko eta Ceutako gotzaina ikertzen ari da, 1994-2000 artean adingabe bati abusuak egin omen zizkiolako
Gotzaindegiak iragarri du agenda eten duela, eta baieztatu du "duela ia hogeita hamar urteko gertakarien inguruan egin diren akusazioak oso larriak eta faltsuak" direla. Espainiako Gotzainen Batzarrak "justiziarekiko konfiantza" adierazi du, eta Espainiako Nuntziatura Apositolikoaren Rotako auzitegiaren lana "errespetatu egiten" duela.
EAEko jaiotza-tasak % 2,1eko igoera izan du urteko bigarren hiruhilekoan
Horrekin batera, atzerriko nazionalitatea duten amen jaiotzak totalaren % 25,3 dira Euskadin. Bereziki nabarmentzekoa da Arabako kasua, % 32,5era iristen baitira.
?fmt=webp-alpha&qlt=80)
Greenpeaceko ekintzaile batek Madrilgo zerua zeharkatu du, Brasilgo COP30 goi-bileraren atarian
Greenpeaceko ekintzaile batek 30 metroko altueran zintzilik zegoen zinta bat zeharkatu du Madrilgo erdigunean, "Planeta, hari-harian" zioen pankarta batekin batera. Ekintzaren helburua "justizia klimatikoa" eskatzea zen, gaur Brasilen hasiko den Klimaren Goi-bileraren (COP30) atarian.