Ez da covid-19aren araudian salbuespenik egingo larunbatean
Heldu den larunbatean Athleticek eta Realak jokatuko duten Errege Kopako finalaren atarian, garaipena kalean ospatzeko batzuek zein besteek izan ditzaketen asmoak zapuztu ditu Josu Zubiaga Eusko Jaurlaritzako Segurtasun sailburuordeak. Horren arabera, neurriak ez dira laxoagoak izango larunbatean, eta ez da indarrean dagoen araudiaren salbuespenik egingo: "Ez gara beste edozein asteburutan baino permisiboagoak izango".
Batak zein besteak irabazi, "modu oso kontrolatuan ospatu beharko da". "Giza bizitza Errege Kopa baino garrantzitsuagoa da. Bizitzak daude jokoan", ohartarazi du.
Radio Euskadiko "Boulevard" saioan egin dioten elkarrizketan aurreratu duenez, Udaltzaingoekin, Udalekin, Aldundiekin eta taldeekin elkarlanean ari dira, "osasun arauak betetzen laguntzeko" beharrezkoak diren dispositiboak martxan jartzeko.
Agente gehiago egongo direla iragarri badu ere, ez du kopurua zehaztu.
Irabazleei egin ahal zaizkien harrerei buruz galdetuta, erakundeei dagokien erabakia dela erantzun du. Dena dela, "oso pribatuak" eta publikorik gabeak izatea eskatu du. Egitekotan ere, jendarteak noiz eta non egingo diren ez jakitea defendatu du, "edozein dei edo tentazio saihestu behar delako".
Hori guztia dela eta, ospakizunak etxean egitera animatu ditu herritarrak.
Errege Kopako finala zuzenean jarraitu ahalko da ETB1en.
BIDEOA: "Sentimenduz ospatu, arduraz jokatu"
Udaltzaingoaren eta Ertzaintzaren operatiboa Donostian
Eneko Goia Donostiako alkateak adierazi duenez, Udaltzaingoak eta Ertzaintzak dispositibo "koordinatua" prestatu dute larunbat gauean ere "gainerako egunetan bezala" arauak betetzen direla ziurtatzeko.
Goiak mezu argia helarazi du: "Denok gara kontziente, ez da erraza, inori ez zaigu gustatzen, baina hori da tokatzen dena eta egin behar dena: partida etxean telebistaz ikusi eta bakoitzak bere etxean ospatu".
Zure interesekoa izan daiteke
Hiru etxebizitza hustu behar izan dituzte Gazolazen, Oltza Zendean piztutako sute batengatik
Sutea piztu da arratsaldean Oltza Zendean, Nafarroan. Zereal soro batean piztu da sua, eta Gazolazko hiru etxebizitza hustu behar izan dituzte, badaezpada. Pinudi bat ere harrapatu dute sugarrek. 20:30 aldera lortu dute sutea estabilizatzea. Gauean, sua erabat itzaltzen eta ingurua freskatzen arituko da suhiltzaile talde handi bat.
USaPeko euskarazko azterketan 0 bat atera duten ikasleek protesta egin dute Bilbon
Dozenaka ikasle ez daude konforme USaPeko euskarazko azterketan lortutako emaitzarekin eta, irakasleekin batera, egoerari irtenbidea emateko eskatu dute gaur Bilboko Ingenieritza Fakultate kanpoan.
Zortzi urte eta erdiko kartzela-zigorra ezarri diote Rafa Mir futbolariari, sexu-erasoagatik eta lesioengatik
Bigarren akusatu bati 2 urteko kartzela-zigorra ezarri diote, sexu-eraso delituengatik.
Aurrera doa Tolosako ospitale berriaren esleipena, nahiz eta EH Bilduk murrizketak kritikatu dituen
Alberto Martinez Osasun sailburuak adierazi du prozesua bide onetik doala eta aste honetan bertan espero duela ospitale berria eraikitzeko proiektua esleitzea, lanak 2028an hasi eta 2031n amaitzeko asmoz. Bien bitartean, Rebeka Ubera EH Bilduren legebiltzarkideak gogor kritikatu du dokumentua, eta alternatiba guztiak ondo aztertu diren zalantzan jarri du.
Zubietako espetxearen inaugurazio ofizialak gizarteratzearekiko konpromisoa finkatu du, Martuteneko ereduaren aurrean
Pertsona erdigunean jartzen duen espetxe sistema propioa aldarrikatu du bertan Imanol Pradales lehendakariak, eta ETAk hil zituen espetxe funtzionarioei aitortza egiteko baliatu dute ekitaldia Pradalesek eta Fernando Grande-Marlaska ministroak.
EHUk gogorarazi du gauerdian amaituko dela USaPeko azterketak berrikusteko eskaria egiteko epea
Iritsi da EHUren oharra, Euskarari dagokion azterketan dozenaka ikasleri "0" jarri zien akats informatikoaren ondotik. Unibertsitateak akatsa konpondu zuela adierazi arren, egoerak egonezina sortu du kaltetutako ikasle eta familien artean, eta gaur goizean San Mamesko Ingeniaritza Fakultatearen aurrean elkarretaratzea egin dute.
Etxebizitzaren arazoak handitzen jarraitzen du, eta EAEko herritarren % 60 kezkatzen ditu dagoeneko
Politikaren arloan, herritarren % 25ek nahiago dute Pradales (EAJ) lehendakari izatea; % 11k, berriz, Otxandianoren (EH Bildu) alde egin dute. Hala jasotzen da Eusko Jaurlaritzak egindako azken soziometroaren datuetan.
Pedrosak iragarri du beroari aurre egiteko hainbat neurri ezarriko dituztela lau ikastetxetan, pilotu gisa
Begoña Pedrosa Hezkuntza sailburuak iragarri du ikastetxeak muturreko bero-boladetara egokitzeko plan bat jarriko dutela martxan. Proiektua uda honetan abian jartzea aurreikusten da, Euskal Autonomia Erkidegoko lau ikastetxetan, proba pilotu gisa, familien protestei erantzunez. Izan ere, Bilboko hainbat ikasgelatan 35 graduko tenperaturak erregistratu dira eta ikasle batzuek bero-kolpeak izan dituzte.
Milaka pertsona elkartu dira Amurrion, Araba Euskaraz jaiaz gozatzeko
"Taupadak berpiztu!" lelopean, Aresketa Ikastolak antolatu du musikaz, kulturaz eta adin guztientzako jarduerez beteriko jai jendetsua. Eguzkia eta beroa ere protagonista izan dira Arabako ikastolen festan.
Euskal Herriko lehenengo “Gazta Rolling” lehiaketa antolatu dute Urnietan
Azkorteko ermita alboko maldaren goialdean partehartzaileak kokatu ostean, hasi da ikuskizuna. 30 bat lehiakide abiatu dira gaztaren atzetik, eta Xabik ireki du lehiaketa honetako garaileen zerrenda.