Aldi baterako artxibatu dute Asier Nieblaren kasuko bi lekukoren aurkako kereila
Donostiako epaitegi batek aldi baterako artxibatu du Asier Nieblaren kasuagatik kondenatuak aurkeztutako kereila. Lekukotza faltsua egin izana leporatu zien bere kontra deklaratu zuten bi lekukori, Urnietako (Gipuzkoa) gaztearen heriotza argitzeko epaiketan.
Donostiako Instrukzioko 1 zenbakiko Epaitegiak igorritako autoan azaldu dutenez, epaia ez da irmoa oraindik, eta, ondorioz, oraindik ez dago kereilatuen kontra inolako jarduketarik egiterik. Ebazpenak 12 urteko eta 11 hilabeteko kartzela-zigorra ezarri zion iazko urtarrilean akusatuari, giza hilketa delituagatik, genero-indarkeria astungarri gisa hartuta.
Asier Niebla 2018ko urriaren 11n zendu zen, Donostia ospitalean, berarekin hizketan zebilen neska baten bikotekide ohiak jipoitu eta bi hilabetera. Donostiako Aste Nagusiko lehenengo egunean gertatu zen, Parte Zaharreko taberna baten kanpoaldean.
Orain artxibatu duten kereila kasuaren atestatua egin zuen Donostiako udaltzainaren aurkakoa zen, epaimahaiaren aurrean egin zuen deklarazioa "mingarria eta asmo txarrekoa" izan zelako, defentsaren ustez, eta gertakariaren lekuko zuzen izandako taberna bateko atezainaren aurkakoa ere bai, horren bertsioa zalantzan jarri baitzen, gainerako lekukoen deklarazioarekin bat ez etortzeagatik.
Zure interesekoa izan daiteke
Sutea piztu da Pasaiako portuko hondakin-gune batean
Pasaiako portuan piztutako sute baten ondorioz, ke-zutabe handia sortu da, eta zirkulazioa eten behar izan dute GI-3440 errepidean, Lezon. Larrialdi zerbitzuak bertan daude, sugarrak kontrolatzeko eta zirkulazioa erregulatzeko.
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.