203 positibo berri atzeman dituzte Nafarroan
Nafarroan 203 kutsatze atzeman dituzte azken orduetan, Foru Gobernuak emandako datuen arabera. Zehazki, atzo 2.757 proba diagnostiko egin zituzten (bezperan baino 203 gehiago), eta horien % 7,4k eman zuten positibo.
Bestalde, 192 paziente zeuden atzo covid-19ak jota Foru Erkidegoko ospitaleetan, herenegun baino bederatzi gutxiago. Atzo zazpi ospitaleratze bideratu zituzten koronabirusagatik, horietako hiru ZIUn, eta hiru heriotza izan ziren: 81 urteko gizon bat eta 78 eta 85 urteko bi emakume. Guztira, gaixotasunak ofizialki 1.145 pertsona hil ditu Nafarroan.
Kutsatu berriei dagokionez, zonaldeka, Iruñean eta Iruñerrian positiboen % 48 zenbatu zituzten, Tuteran % 14 eta Lizarran % 8. Gainerako positiboak (% 30) Nafarroako beste eskualdeetan baieztatu zituzten.
Osasunbideak jakitera eman duenez, 192 pertsona daude covid-19ak jota (atzo baino bederatzi gutxiago) ospitaleetan, horietako 41 ZIUn (atzo baino bat gehiago), eta beste 18 etxean ospitaleraturik daude (atzo baino bat gutxiago). Gainerako 133 pazienteak ospitaleetako logeletan daude (atzo baino bederatzi gutxiago).
Pandemia hasi zenetik ofizialki 57.343 kasu baieztatu dituzte Nafarroan.
Txertaketa
Asteburuan txertaketa prozesuarekin aurrera jarraituko dute Foru Erkidegoan. Iruñean eta Iruñerrian bi tokitan emango dute txertoa larunbatean eta igandean: UPNAko kiroldegian eta Maristak ikastetxe zaharrean. Asteburuan, 6.500 pertsonari (4.654 larunbatean eta 1.843 igandean) hitzordua emango diete, 8:30etik 21:10era txertatzeko.
Tuterako Osasun Eremuan etxeetan txertatzeko asmoa dute asteburuan. Konkretuki, profesionalak 80 urtez gorako 54 pertsonaren etxeetara joango dira.
Azkenik, Lizarrako Osasun Eremuan, 60-65 adin tartea txertatzen jarraituko dute, Garcia Orkoien Ospitaleko bigarren solairuan, goiz zein arratsaldeko ordutegian. Asteburu honetan 1.000 pertsona inguru deituko dituzte.
Atzo 5.259 dosi eman zituzten. Guztira, 177.702 txerto jaso dituzte nafarrek, Foru Erkidegora heldu diren 196.705 dosietatik. 54.378k txertoaren bi dosiak jaso dituzte dagoeneko.
Baheketa Etxarri Aranatz, Alesbes eta Arbizun
Etxarri Aranatzen eta Alesbesen baheketak egingo dituzte larunbatean. 15 eta 29 urte bitarteko herritarrak deitu dituzte. Etxarri Aranatzen, Arbizuko adin tarte bereko biztanleei ere baheketa egingo zaie.
Euskal Autonomia Erkidegoan (EAE), bestalde, 916 kasu berri atzeman dituzte, eta 14 eguneko intzidentzia tasa metatuak gora egiten jarraitzen du (100.000 biztanleko 466 kasutan dago). Halaber, kezkatzekoa da ospitaleetako egoera, 67 pertsona erietxera eraman behar izan baitituzte eta 132 gaixo baitaude egoera kritikoan (ZIU geletan).
Albiste gehiago gizartea
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Suhiltzaileek lanean jarraitzen dute Gasteizko LEA lantegian, sutea kontrolpean baina itzali gabe baitute
Suhiltzaileek lantegira ura botatzen jarraitzen dute, su txiki gehiago izan ez dadin.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.