Janssenen txertoari buruzko ondorioak lehenago ez plazaratzea deitoratu du Sagarduik
Ameriketako Estatu Batuetan (AEB) Janssen etxeko txertoa jaso duten sei pertsonak odolbildua izan ostean banaketa gelditu dute, behin-behinean, Europan. Gotzone Sagardui Eusko Jaurlaritzako Osasun sailburuaren esanetan, "desiragarria zatekeen Osasun Publikoaren Batzordeak edo Sendagaien Europako Agentziak (EMA) Janssenen txertoari buruzko iritzia iragan astean eman izan balute". Ildo horretan, Janssenen txertoek "Madrilgo biltegi batean" bost egun daramatzatela kritikatu du.
Onda Vascan egin dioten elkarrizketa batean Sagarduik aitortu duenez, "atsekabetuta" sentitzen da EMAk Jansseni buruzko iritzia "joan den ostegun edo ostiralerako" espero zelako, eta "Carolina Darias Osasun ministroaren hitzak entzunda" txertoa "aste honetan ere" heltzea espero zutelako.
Txertoen bidalketari lotuta, gaur Pfizerren 70.000 txerto eta bihar AstraZenecaren 16.200 inguru iritsiko direla aurreratu du. Hala ere, ez dira nahikoa, Sagarduiren esanetan.
Gotzone Sagarduik onartu duenez, pandemia Euskal Autonomia Erkidegoan izaten ari den bilakaera "kezkagarria" da, kutsatzeen joera "goranzkoa" baita. Gainera, ospitaleek "tentsionatuta" jarraitzen dutela ohartarazi du.
Sagarduiren hitzetan, ez dago joera aldatzen ari dela pentsatzeko arrazoirik. EAEko intzidentzia-tasa 495koa dela eta helburua 60tik azpikoa izatea dela gogoratu du.
Neurri murriztaile berriak aplikatuko ote diren galdetuta, egun indarrean daudenak "zorrotzak eta serioak" direla eta gakoa horiek betetzea dela nabarmendu du. "Pandemiaren hasieran baino hobeto prestatuta gaude, eta une honetan ez da konfinamendurik planteatzen, birusarekin elkarbizitzea baizik", azaldu du.
Osasun sistema "tentsionatuta" dagoela onartu ostean, sare publikoaren datuak eman ditu: "Gorakada berri horretan, ospitaleratzeak beste batzuetan baino ugariagoak izaten ari dira, eta ZIUetan oheen % 43 daude beteta; gaixo guztien % 53 baino gehiago covid-19a duten gaixoak dira". Hala ere, Sagarduiren arabera, "osasun arreta bermatuta dago Osakidetzan".
Zainketa Intentsiboetako Unitateei dagokienez, 335 ohe daude beteta eta guztira 600 presta daitezke. "Arreta bermatuta dago, baina egoera serioa da", gaineratu du.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.