Pfizer eta AstraZeneca txertoak konbinatzeko ikerketa abian da Gurutzetako Ospitalean
Gurutzetako Ospitalean abian jarri dute AstraZenecaren lehen dosia hartu duten pertsonei Pfizerren edo Modernaren txertoak -RNA mezularia oinarri dutenak- jartzea segurua eta eraginkorra den argitzeko ikerketa. Entsegu klinikoan 120 boluntariok hartuko dute parte.
Sendagaien Europako Agentziak AstraZenecaren txertoaren bigarren dosia ematea beharrezkoa dela berretsi badu ere, agintariek 60 urtetik beherakoei ez ematea erabaki dute, zenbait tronbosi kasu izan direlako.
Bitartean, Espainiako Carlos III Osasun Institutuaren zuzendaritzapean, txertoak konbinatzea segurua ote den argitzeko ikerketa bat abiatu dute. Entsegu klinikoak Estatuko bost erietxeetan egingo dituzte: Gurutzetan, Madrilgo La Paz eta San Carlos ospitaleetan eta Bartzelonako Vall d’Hebron eta Clinic erietxeetan.
Guztira, 600 boluntariok hartuko dute parte, ospitale bakoitzeko 120k. Entseguetan parte hartzeko baldintzak hiru dira: 60 urtetik beherakoa izatea, AstraZenecaren lehen dosia hartuta izatea eta lehen txertaketa gutxienez duela zortzi aste hartu izana.
Boluntarioak bi taldetan banatuko dituzte: 400i Pfizerren dosia jarriko diete eta gainerakoek ez dute inolako txertorik jasoko. Entseguaren eraginkortasuna pazienteek bigarren dosia hartu ostean sortuko dituzten antigorputz kopuruaren arabera neurtuko dute. Ikerketaren emaitzak maiatza bukaerarako jakinaraziko dituztela espero da.
Alemanian eta Erresuma Batuan ere antzeko ikerketak hasi dituzte txertoak konbinatzeko aukera aztertzeko.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.