AstraZenecaren txertoaren onurek nabarmen gainditzen dituzte arriskuak
Munduko Osasun Erakundeari (MOE) txertoen inguruko aholkuak ematen dizkion zientzialari-taldeak adierazi du AstraZenecaren txertoaren onurak arriskuak baino askoz gehiago direla. Adituen ustez, produktuaren eta tronbosi kasu arraroen arteko harremana "egiantzekoa" da.
MOEko zientzialari-taldeak azaldu duenez, kasu gehienak Europar Batasunean eta Erresuma Batuan atzeman dituzte. Herrialde horietatik kanpo kasuak are ezohikoagoak izan dira, txerto asko jarri arren.
Erresuma Batuan martxoaren 31n jasotako datuen arabera, milioi bat pertsonatik lau tronbosi kasu izan ziren; Europar Batasunean, berriz, kasu bat izan zen txertoa jaso zuten 100.000 pertsonako.
Adituen ondoriorik garrantzitsuena honako hau izan da: "SARS-CoV-2 koronabirusaren transmisioa duten herrialdeetan, covid-19tik babesteko txertoaren onurak arriskuak baino askoz ere gehiago dira".
Hala ere, arriskuaren eta onuraren ebaluazioa herrialdearen arabera ezberdina izan daitekeela onartu dute, eta bakoitzak bere egoera epidemiologikoa, herritarren arriskuak eta beste txerto batzuk kontuan hartu behar dituela azaldu dute.
Halaber, adierazi dutenez, "Europako datuen arabera, heldu gazteen artean arriskua handiagoa izan daiteke adinekoen artean baino", baina ez dute arrisku-faktore espezifikorik identifikatu.
Txertoaren eraginkortasuna
Iaz egindako saiakuntza klinikoen hirugarren fasean jasotako datuei esker, txertoaren eraginkortasun-tasa altuagoa dela ikusi dute. Gaur egun, % 76koa da covid-19aren infekzio sintomatikoetan; aurretik, berriz, % 63koa zen.
Adituen arabera, 65 urtetik gorakoen taldean immunitatearen eraginkortasuna % 85ekoa izan da, eta segurua dela baieztatu dute.
Urte gehien dituztenen artean txertoaren onura handiagoa dela azpimarratu du aholkularitza taldeak. Koronabirusaren aldaerak dauden herrialdeetan AstraZenecaren txertoa erabiltzeko gomendatu du MOEk.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.