Pentsiodunen mugimenduak manifestazioa egingo du maiatzaren 29an
Pentsiodunen mugimenduak hainbat manifestazio deitu ditu Hego Euskal Herriko lau hiriburuetan, baita herri eta eskualdeetan ere, maiatzaren 29rako, 17:00etan. Hiru urte protestak egiten eman ostean "lortutako konkistak arriskuan" daudela eta pentsio "publikoak, duinak, bidezkoak eta nahikoak" bermatzeko "urrats irmorik" ez dagoela salatu nahi dute.
Pentsiodunek beste manifestazio bat deitzea erabaki dute, "pentsioak murrizten ari diren 2011ko eta 2013ko erreformak indarrean" daudelako, eta Toledoko Itunaren azken erabakien ostean, "prekarietatea, desberdintasuna eta pobrezia" areagotuko duten "murrizketa gehiagori ateak irekitzen" zaizkielako.
Euren aldarrikapenak bermatzeko iniziatiba hartzeko arduraduna Estatuko Gobernua dela badakitela azaldu dute, baina erkidegoetako gobernuek eta parlamentuek "horrela izateko beharrezko neurriak" hartu behar dituztela ohartarazi dute.
Estatuko Gobernuko eta alderdi politikoetako hainbat ordezkariri "behin eta berriz" zuzendu zaie kolektiboa, "egindako promesak betetzeko" (horietako batzuk PSOEren eta Unidas Podemosen arteko gobernu-akordioan jasota daude). Mobilizazio honekin pentsio publikoen gainean dauden "mehatxuak" kentzeko eta "bidezkoak eta presazkoak diren eskaerak egia bihurtzeko" behar diren erabakiak hartzeko eskatu nahi dute.
Pentsiodunen mugimenduaren ustez, Gobernuak ez du erantzunik eman "agintariek eta alderdi politikoek denbora igaroko dela eta kaleak utziko ditugula uste dutelako". Hala, maiatzaren 29ko deialdiarekin "borroka hau irabaziko dugula eta gure aldarrikapenak lortzeko eta iragarritako murrizketa berriak saihesteko aukerarik onena mobilizazioa dela" erakutsi nahi dute.
Aldarrikapenen taula bete dadila eskatuko dute berriz ere; 2011ko eta 2013ko pentsio-erreformen eta 2010eko eta 2012ko lan-erreformen murrizketak indargabetzea, 2021erako iragarritako murrizketa berriei uko egitea eta gutxieneko pentsio publikoak eta gutxieneko soldata ziurtatzea, 1.080 euroko gutxieneko pentsioa eta 1.200 euroko gutxieneko soldata ezarrita.
Pentsioen Sistema Publikoa pribatizatzeko proposamenei uko egingo diete eta neurri eraginkorrak eskatuko dituzte soldatetan eta pentsioetan dagoen genero-arrakala amaitzeko. Era berean, 40 urtez kotizatuz gero erretiro aurreratua ez zigortzeko eskatuko dute.
Azkenik, pertsona gisa bizi-baldintza duinak izateko duten eskubidea aldarrikatuko dute, "kalitatezkoak, publikoak, komunitarioak eta unibertsalak" diren osasun-zerbitzuak eta zerbitzu soziosanitarioak bermatuz, mendekotasunaren zaintza eta arreta barne.
Eragile sozial eta sindikalen babesa
Kolektiboak beste kolektibo batzuei dei egin die, "pentsiodunek, langileek, emakumeek eta gazteek parte hartzeko mobilizazio irekia izango baita, eta, gainera, eragile sozial eta sindikalek ere parte hartuko dute, beren larrialdi eta aldarrikapenetatik abiatuta".
Zure interesekoa izan daiteke
Liztor asiatikoa, espezie inbaditzaile eta kezkagarria
Bi aste eskasetan hiru pertsona hil dira Galizan liztor asiatikoaren ziztadez. Horrek espezie inbaditzaile honekiko kezka areagotu egin du Euskal Herrian ere. Zer egin beharko genuke liztor asiatikoaren habia ikusten badugu? Oier Alberdi liztor beltzaren tratatzaileak zenbait aholku eman ditu gai konplexu honen aurrean.
Taldean egindako eraso faxista eta LGTBIfobiko bat salatu dute Gorraitzeko jaietan
Berhezi Berdintasun Kontsultorioak azaldu duenez, taldeak ikur frankistak eta falangistak zeramatzan. Bestalde, Kontsultorioak Eguesibko Udalaren isiltasuna kritikatu du, irailean gertatutako erasoaren aurrean.
Motor-gidari bat hil da Lemoizen gertatutako trafiko-istripu batean
Istripua gertatu den BI-3152 errepidea itxita dago, eta Ertzaintzak izapideak ireki ditu arrazoiak argitzeko.
Sarrigurenen atxilotutako gizona espetxeratu dute, adingabe bati sexu-erasoa egiteagatik
Fiskaltzak behin-behineko espetxeratzea eskatu du, komunikatua eta fidantzarik gabea, 16 urteko adingabe bati penetrazioarekin egindako sexu-eraso (bortxaketa) delitu batengatik.
Hizkuntza Ofizialen Kontseilu berria eratu da, "forma eta funtsa" aldatuta
Osaera berria izango du, eta berritasun nagusienetako da kontseilura batuko direla autonomia erkidegoetako hizkuntza politiketako ordezkariak.
Lagun bat ospitaleratu dute Gasteizen, patinetea lehertu eta kea arnasteagatik
Ibilgailuak lokal baten barruan egin zuen eztanda, eta jabeek bateria bertatik atera eta su-itzalgailu batekin busti zuten, suhiltzaileak iritsi aurretik.
Gizon bat atxilotu dute bikotekide ohia hiltzea leporatuta, Huelvan
47 urteko emakumezko biktimaren lankideek horren gorpua aurkitu zuten, indarkeria zantzuekin, lan egiten zuen eta bizi zen nekazaritza-lursailean bertan. Emakumearen alabak joan den astean Guardia Zibilari jakinarazi zionez, atxilotuak ama mehatxatu egin zuen, beste pertsona batekin ezkonduko zela iragarri ondoren.
Gabonetako trena, gaueko lasterketa eta mahai-futbol txapelketa: Bilboko metroak 30 urte bete ditu, eta ospatzen dabil
Bilboko metroak hiru hamarkada beteko ditu aurten, eta kontzertuak, zozketak eta dekorazio bereziak egingo ditu, baita Gabonetako trena, futbolin-txapelketa eta Underrun gaueko lasterketa ere.
Emakume bat San Ignazioko metro geltokian erditu da, Bilbon
Emakumea, senarrarekin batera, Lutxanako geltokian zegoen, eta zenbait bidaiarik ohartarazi dute urak egin dituela, eta, bagoirik bagoira, mediku bila aritu dira.
Bernedoko kanpalekuak antolatzen dituen elkartearen aurkako zehapen-espedientea abiatu du Arabako Aldundiak
Sarrea Euskal Udaleku Elkartearen aurkako zehapen-espedientea ireki du Aldundiak, araudiaren "bi betebehar ez betetzea" leporatuta: eskumena duen departamentuari jardueraren berri ez ematea eta eskatutako dokumentazioa Aldundiari ez helaraztea. Orain arte, 21 salaketa aurkeztu dituzte udaleku horietan parte hartu zuten adingabeen familiek, sexu-erasoak eta exhibizionismoa egitea egotzita.