Euskal Erakundeek Eurokopan inbertitutakoa berreskuratu nahi dute
Xabier Ochandiano Bilboko Garapen Ekonomikorako zinegotziak (EAJ) adierazi duenez, euskal erakundeen "lehentasuna" da Sevillan jokatuko den Eurokopan inbertitutako gastua "erabat berreskuratzea".
UEFAk apirilean kendu zion Bilbori Eurokopako egoitza izateko aukera, Sevillari emateko. Eusko Jaurlaritzak San Mameseko edukiera % 25era mugatu ondoren erabaki zuten hori, zaila baitzen baldintza horiek ekainerako bete ahal izatea, Euskadiko pandemia-egoera dela eta.
Ochandianok azaldu duenez, UEFAren eta Espainiako Futbol Federazioaren aurkako auzia jartzea aztertzen ari dira, hitzarmena "inolako argudiorik gabe" apurtzeagatik.
Zehazteko dago oraindik Bilboko Udalak, Bizkaiko Foru Aldundiak eta Eusko Jaurlaritzak eskatuko duten konpentsazio ekonomikoa. Izan ere, orain arte 1,3 milioi euro gastatu dituzte ekitaldia antolatzen, baina hornitzaileekin hitzarmenak dituzte sinatuta eta, kasu batzuetan, kalte-ordaina eman beharko diete, sinatutakoa ez betetzeagatik.
Zinegotziak zalantzan jarri du UEFAk egoitza guztiei baldintza berdinak eskatzea, Munichek egoitza izatea lortu baitu, nahiz eta bertako alkateak argi esan duen osasun-egoeraren arabera erabakiko dutela publikoa bertaratu ahalko den ala ez. Espainiako Futbol Federazioa Sevillarekin negoziaketetan ari zela ere iradoki du, Bilborekin zuen hitzarmenak indarrean jarraitzen zuenean.
Ochandianok azpimarratu duenez, euskal erakundeak une oro aritu dira lanean Eurokopa Bilbon izateko, publikorik gabe eta eragin ekonomiko "askoz urriagoarekin" egin behar bazen ere.
Bestalde, Bilboko Alderdi Popularrak esan du EAJ izan dela Eurokopa Bizkaiko hiriburuan ez egitearen arduraduna, eta Eusko Jaurlaritzaren aurkako auzia jarriko duela, "erantzukizun ekonomiko eta penalak eskatzeko".
EH Bildu eta Elkarrekin Podemos taldeek ontzat eman dute Eurokopan publikoa hartu edo ez osasun-egoeraren bilakaeraren arabera erabakitzea, baina Udalak bultzatzen duen nazioarteko ekitaldi handien politika kritikatu dute.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.