Nafarroak ostalaritzaren barnealdea pixkanaka zabalduko du maiatzaren 17tik aurrera
Ekonomia eta zerbitzu ezberdinen jarduera ahalbidetzeko bide-orri bat onartu du Nafarroako Gobernuak. Maiatzean eta ekainean aplikatuko dute. Besteak beste, maiatzaren 17tik aurrera ostalaritzaren barnealdea “pixkanaka-pixkanaka eta modu ordenatuan” irekiko dute.
Exekutiboak agiri batean azpimarratu duenez, neurriak malgutzeko prozesua “pixkanaka-pixkanaka eta zuhurtziaz” egitea nahi dute, “pandemiaren eta txertaketa-prozesuaren bilakaera kontuan hartuta”.
Maiatzaren 9tik aurrera, posible izango da etxeetan eta toki pribatu zein publikoetan bizikideak ez diren bi talde biltzea, hori bai, askoz jota 6 pertsona. Era berean, etxeratze-agindua mantentzea planteatu du Gobernuak, baina Nafarroako Auzitegi Nagusiak berretsi beharko du.
Ostalaritzan, terrazak erabiltzeko ordutegia 22:00etara arte luzatuko da, eta erkidegoaren itxialdi perimetrala bukatuko da.
Ostalaritzari dagokionez, lehen fase batean neurriak malgutzea aurreikusi dute. Horrela, alde batetik, 12:00ak arte barruko mahaiak erabiltzeko baimena emango dute, eta, bestetik, aldez aurretik adierazpen arduratsu bat eta fitxa tekniko bat betez, bazkariak eta afariak eskaintzeko aukera izango da 22:00ak arte.
Bezeroen trazabilitate-sistema
Gainera, jankideen trazabilitate-sistema bat martxan jarriko dute, positibo bat izatekotan bezeroekin azkar batean harremanetan jarri ahal izateko. Bazkarietako zein afarietako jankideekin harremanetan jartzeko sistema automatiko bat martxan jartzeko gomendioa emango dute, baita aireztatze-baldintzak kontrolatzea ere.
Aforo-mugarik ez da egongo, bai, ordea, segurtasun-distantzia: bezeroen arteko eserlekuen artean metro bat, eta bi metro mahaien artean; eta mahai bakoitzeko 6 jankide.
Merkataritza-gune handien aforoa
Saltokiei dagokionez, merkataritza-gune handietako aforoa % 40koa da, eta ordutegi-murrizketak desagertuko dira.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.