DBHko eta Batxilergoko ikasleak txertatzea aztertzen ari dira Hezkuntza arduradunak
Espainiako Osasun Ministerioak eta Hezkuntza Ministerioak eta erkidegoetako arduradunek batzarra egin dute gaur datorren ikasturtearen antolaketari buruz hitz egiteko, eta irakasleen txertaketari buruz hitz egiteaz gain, ikasturte hasierari begira DBHko eta Batxilergoko ikasleak txertatzea aztertzen ari dira.
Carolina Darias Espainiako Osasun ministroak aurreratu du aukera hori aztertu behar dutela; hurrengo ikasturtea hasi baino lehen 12 eta 16 urte arteko ikasleak txertatzea, alegia.
Isabel Celaa Hezkuntza ministroarekin batera egindako agerraldian, Dariasek azpimarratu du txertaketa estrategiaren barruan sartu beharko dela neurria, Lurraldearteko Kontseiluak erabakiz gero.
Dena den, gogorarazi du oraindik Europako Sendagaien Agentziak adin tarte horretarako txertoen inguruan zer esaten duen jakin behar dela.
Celaaren hitzetan, "besoak zabal-zabal" dituela jaso du aukera hori, "mugimendu eta urrats garrantzitsua" dela uste baitu.
Antolaketa propioa
Bestalde, Jokin Bildarratz Hezkuntza sailburuak iragarri du Eusko Jaurlaritzak antolaketa propioa egingo duela datorren ikasturterako, eta eskolekin koordinatzen ari dela. Dena den, aitortu du Espainiako Hezkuntza Ministerioak helarazitako txostenean jasotako neurri batzuk interesgarriak direla eta bere egin ditzakeela.
Bildarratzek Hezkuntza Sektoreko Konferentzian parte hartu du gaur, telematikoki, Espainiako Estatuko gainerako erkidegoekin batera 2021-2022 ikasturtearen antolaketari buruz hitz egiteko, koronabirusaren pandemia dela eta.
Sailburuak azpimarratu du ikasturteari buruzko erabaki guztiak Eusko Jaurlaritzari dagozkiola, eskumen osoa baitu, are gehiago alarma-egoera indargabetuta dagoela.
Bildarratzek aitortu duenez, pandemiaren gorabeherek galarazi egiten dute aurreikustea irailean, ikasturte hasieran, zein izango den egoera, baina Eusko Jaurlaritza "egoera desberdinei aurre egiteko" prestatzen ari omen da.
Horren esanetan, Hezkuntza Sailak eskolei egokitutako protokoloak izan ditu ikasturte honetan, eta hiru egoera aurreikusten ziren: aurrez aurrekoa erabat, aurrez aurrekoa eta telematikoa uztartuta, eta eskola guztiak telematikoak.
Sailburuaren arabera, hiru aukera horiek oinarri hartuta eguneratzen ari dira protokoloa hurrengo ikasturteari begira, eta "ahal bezain laster" emango dizkiete erabakien berri hezkuntza zentroei.
Albiste gehiago gizartea
Sutea Gizateriaren Ondare den Kordobako meskitan
Sua 21:00ak pasatxo zirenean hasi da, eta, batez ere, eraikinaren alde garaienari eragin dio. Meskitaren milaka urteko historian, aurretik bi sute baino ez ditu jasan: 1910ean, duela 115 urte, eta 2001ean, bigarrena.
Algen inbasioa Nojako Trengandin hondartzan
Kaltegarria ez den Asiako alga bat da, eta itsasoaren tenperatura altuagatik Kantauri itsasoan areagotzen ari da. Bizilagunen eta turisten arteko disgustua agerikoa da, eta batzuek uretara ez sartzea ere erabaki dute.
Kanibalismo arrastoak topatu dituzte Atapuercan
Ikertzaile talde batek beste kanibalismo kasu berri bat aurkitu du El Mirador kobazuloan, Atapuercako aztarnategian (Burgos). Duela 5.700 urte gertatu omen zen, Neolito amaieran, tokiko gatazken ondorioz, zeremonia edo erritualekin zerikusia duen zantzurik atzeman gabe. Lehen nekazari taldeen arteko liskarrak ohikoak ziren, eta oso bortitzak gainera. Beste tribuetakoak hiltzeaz gain, kanibalismoa praktikatzen zuten. Hala ere, badira kanibalismoaren ebidentziak beste aztarnategi askotan; adibidez, Isturitzen (Nafarroa Beherea).
Orain Jumillan edo lehenago Torre Pachecon gertatutakoaren atzean "asmo politiko garbia" ikusten du Othmanek
Zornotzan bizi den musulman honek ETBri esan dionez, baldintza soziekonomiko apaleko tokiak dira, baliabide gutxikoa bertako jendea, kanpotik lanera doana, "ia esklabutza egoeran" bada ere. Horren hitzetan, osagai horiek baliatzen dituzte "sumindura eragin eta etekin politikoa ateratzeko".
Elkartasun kanoikada batek piztuko du larunbat honetan Donostiako Aste Nagusiaren metxa
Udaletxetik jaurti ohi duten kanoikadak Elikagaien Bankua eta Amara Berriko Auzo Elkartea izango ditu protagonista aurten. Donostia Festak elkarteko ordezkariek prentsaurrekoa eskaini dute Aste Nagusiaren hasierari buruzko xehetasunak emateko.
Arantzazura eraman dituzte jada Donostian kalean bizitzen egon diren Maliko 50 migratzaileak
Gurutze Gorriak Oñatira eraman ditu gaua Donostian igarotzen zuten Maliko migratzaileak, aldi baterako ostatu batera. Amara auzoan kalean zeuden 50 afrikarrei Arantzazuko aterpean eman diete ostatu, asilo eskaria bideratu bitartean. Ostiral honetan eraman dituzte Amara Berri ikastetxe publikotik, Donostiako Kofradien plaza ondotik.
Joxe Mari Kortaren Bidetik Fundazioak amaiera eman dio bere ibilbideari, enpresaburua hil eta 25 urtera
Gaur 25 urte bete dira ETAk Joxe Mari Korta enpresari zumaiarra hil zuenetik. Haren familiak eta lagunek omenaldi xume bat egingo diote Arroako hilerrian. Urteurren borobil honekin bat eginez, bukatutzat emango da berak ordezkatzen zituen balioetatik abiatuta sortutako fundazioaren lana.
Bidarten chikungunya bigarren kasu autoktonoa antzeman dute, tigre-eltxoek transmititzen duten gaixotasuna
Ipar Euskal Herriko autoritateek herria fumigatuko dute larunbat goizaldean, abuztuaren 9an, 03:00etan.
Gizon bat atxilotu dute Bilbon, Atxuri auzoko eraikin bateko fatxadari su emateagatik
Suak ez du inor zauritu. Sutea telefono mugikor batekin grabatzen topatu dute inguru horretan atxilotutako gizona.
Aner Uriarte Bilboko epaile dekanoak ukatu egin du euskararen aurkako epailerik dagoenik: "Asmakeria bat da"
Lan-eskaintza publiko batzuetan euskararen ezagutzaren inguruan ezarritako baldintzak aldatu dituzten azken epaiei dagokienez, Aner Uriarte Bilboko epaile dekanoak ukatu egin du justizia-administrazioan euskararen aurkako jarrera "hitzartua" egotea.