Metro Bilbaok Urduliz eta Plentzia arteko tren zerbitzua berrezarri du
Metro Bilbaok Urduliz eta Plentzia arteko tren zerbitzua abiatu du berriro, urtarrilean izen zen luizi baten ondorioz lau hilabetez itxita egon ondoren.
Konpainiak gogorarazi duenez, urtarrilaren 5ean izandako euriteen ondorioz, lur jausi bat egon zen eta bi herrien arteko metro zerbitzua eten behar izan zuen. Egun horretatik aurrera, autobus zerbitzua izan zuen martxan bi geltoki horien arteko bidea egiteko, tarte horretan mugikortasuna bermatze aldera.
Ordezko zerbitzuari esker, erabiltzaileek Urduliz eta Plentzia arteko bidea egiten jarraitu ahal izan dute, autobusez, metroaren ordutegi eta maiztasun berarekin. Zerbitzuak 419.100 euroko kostua izan du.
Metro Bilbaoren arabera, zerbitzua berrezartzeko egin behar izan dituzten lanak zailak izan dira. Bizkaiko Garraio Partzuergoak lizitatutako proiektua gauzatu aurretik, azterketa geotekniko bat behar izan dute mendi hegalaren egoera aztertu eta eraikuntza proiektua horren arabera egiteko.
Proiektua lizitatu eta esleitutakoan, martxoan hasi ziren lanak. Faserik zailena 16 metroko luzerako 22 ainguraketa iraunkor instalatzea izan da; rotoperkusio bidez zulatuta sartu dituzte, lurrean zuloak egiteko ekipo bat erabiliz. Ainguraketak bertikalean (10) eta diagonalean (12) sartu dituzte mendi-hegalean, eta, ondoren, tenkatu egin dituzte, lurzorua are gehiago bermatzeko. Obrak 266.547 euroko kostua izan du.
Lanak amaitu ondoren, aste honetan hainbat tren ibili dira Urduliz eta Plentzia artean probak egiten, eta proben emaitza ona izan da. Hori dela eta, metro zerbitzua berriro martxan jartzea erabaki dute.
Zure interesekoa izan daiteke
Atharratzetik abiatu da 24. Korrika, festa giroan, pizkundearen akuilu izatea xede
AEK-ko kideek eta Zuberoako euskalgintzan erreferente den Oihana Larrandaburu Goñi atharraztarrak eman diote hasiera lasterketari. Euskal Irratiak sareko kideak izan dira lehenak lekukoa eramaten. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.
CCOO Korrikatik kanpo geratu da, AEK-k erabaki baitu sindikatuak ez duela lekukoa eramango, "euskararen aurkako jarrerak sustatzen" dituelakoan
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.