Hainbat pertsonak eraso homofoboa egin diote gazte bati Basaurin
Hainbat pertsonak eraso homofoboa egin zioten gizon gazte bati igande goizaldean Basauriko Bizkotxalde parkean, Ertzaintzak jakinarazi duenez.
Erasoa ekainaren 6an gertatu zen, 02:30ean. Ertzaintza eraso homofoboa ikertzen ari da, Basauriko polizia-etxean lesioengatik jarritako salaketaren ostean. Biktima ospitalera eraman zuten.
Ikerketa horren baitan, Ertzaintzak eta Basauriko Udaltzaingoak 18 eta 27 urte arteko bederatzi gazte identifikatu dituzte erasoaren ustezko egile gisa, eta izapideak ireki dituzte haien kontra, eta epailearen esku utzi.
"Jipoitu egin zuten, eta, oihuka, 'marikoi zikina' deitu"
Biktimaren mutil-lagunak sare sozialetan azaldu duenez, "jipoitu egin zuten, eta, oihuka, 'marikoi zikina' deitu zioten". 13 laguneko talde batek biktima irainduz hasi zuen erasoa, "nazka" ematen zuela eta "ospa egiteko" esanez.
"Enbarazu egiten badizue, zuek joan", erantzun zien biktimak. Ondoren, haietako batek bizkarretik jo zuen, eta era guztietako kolpeak eman zizkion (ukabilkadak, ostikoak, bultzadak), eta gainerako 12ek ere jipoitu zuten, "lurrean konorterik gabe utzi arte, larri zaurituta, ahotik eta sudurretik odola zeriola".
Bikotekidearen arabera, bertan zeudenak jipoi bortitzaren lekuko izan ziren eta laguntzen saiatu ziren. Azkenean, biktimak ospitalean amaitu zuen, "begi bat more, aurpegia handituta eta gorputz osoan ubeldurak" zituela.
"Lotsagarria da horrelako egoerak bizitzen jarraitu behar izatea", deitoratu du.
Udalaren gaitzespena
Basauriko Udalak gertatutakoa gaitzetsi, eta eraso homofoboa "irmo" salatu du.
Udal talde guztiek sinatutako adierazpen instituzional batean, Udalak adierazi du pertsonen askatasuna murriztu nahi duten "horrelako ekintza matxistak guztiz onartezinak" direla.
Era berean, Udalak elkartasuna adierazi die erasoa jasan duen gazteari eta haren ingurukoei, eta haien esku jarri ditu "Udalaren baliabideak".
Azkenik, horren arabera, "askatasun sexuala oinarrizko konkista da" giza eskubideen alorrean aurrera egiteko, "eta gure gizartean de facto dagoen aniztasunaren adierazle da", gaineratu du.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.