Erkidegoek erabakiko dituzte tabernei eta diskotekei ezarriko zaizkien neurriak
Espainiako Osasun Ministerioak atzera egin du eta proposamen berri bat helarazi die erkidegoei ostalaritzari eta gaueko aisialdiari ezarri beharreko neurrien harira. Oraingoan, baina, gomendioak direla zehaztu du eta, beraz, gobernu autonomikoen esku utzi du lurralde bakoitzean hartu beharreko neurriak erabakitzeko ahalmena.
Dokumentu berria aho batez onartu dute arratsalde honetan egin dute Lurraldeen arteko Osasun Kontseiluaren bileran. Eusko Jaurlaritzak, baina, ez du batzarrean parte hartu, pandemiaren kudeaketarako irizpide eta neurri propioak biltzen Bizi Berri 3 plana indarrean dagoela azpimarratuta.
Duela astebete, ostalaritzari eta gaueko aisialdiari ezarri beharreko neurriak adostu zituzten Lurraldeen arteko Osasun Kontseiluan. Alabaina, orduan ez zen aho bateko erabakirik izan eta hainbat erkidego Osasun Ministerioaren aurka agertu ziren, tartean Euskal Autonomia Erkidegoa, dokumentu hartan bildutako irizpideak derrigorrez bete behar zirela agindu zuelako.
Orain, Osasun Ministerioak atzera egin du eta dokumentu berrian ez dira aipatzen tabernei eta jatetxeei zuzendutako neurri murriztaileak zeintzuk diren, eta gaueko aisialdiari eta jende asko pilatzen den ekitaldiei buruzko irizpideak gomendioak dira, eta ez aginduak.
Aurreko aginduaren arabera, koronabirusaren intzidentzia-tasa baxua den lurraldeetan, tabernak eta jatetxeak 01:00ak arte irekitzea ahalbidetzen zen; eta gaueko aisialdiaren kasuan, itxiera ordutegia 02:00etan ezarri zuten.
Bestalde, Carolina Darias Osasun ministroak esan du ahalik eta azkarren argitaratuko dutela agiri berria Estatuko Buletin Ofizialean. "Bihar bertan izatea saiatuko gara", erantsi du.
Zure interesekoa izan daiteke
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
3,5 kilometroko auto-ilarak AP-8an, Orioko zubian izandako istripu baten ondorioz
Kamioi baten eta auto baten arteko talkak ilarak eragin ditu AP-8an, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Ia 28.000 korrikalarik hartuko dute parte eta milaka izango dira ikustera hurbiltzen direnak ere. Donostiako Udalak garraio publikoa erabiltzeko gomendatu du. 09:45etik aurrera, ETB1en eta eitb.eus-en jarraitu ahal izango da zuzenean.
"Irabazi arte", "Generación Click" eta "Los Williams" saioek Telebista Akademiaren Iris sarietako izendapena jaso dute
Sariak banatzeko ekitaldia 2026ko otsailaren 16an egingo dute, Madrilen, Teatro Real antzokian.