"Nahasmen eta eskumenen inbasioaren aurrean" bere planari eutsiko dio Jaurlaritzak
Iñigo Urkullu lehendakariak salatu duenez, asteazkenean Osasun Ministerioak pandemiaren aurkako prebentzio neurrien katalogoan egin zituen aldaketek "eskumenen inbasioa" ekarri dute, eta agerian utzi dute "erabateko nahasmena" dagoela Espainiako Gobernuaren osasun krisiaren kudeaketan.
Ildo horretan, Euskadik "bere bide orria" jarraituko duela eta erakundeek astelehenean eguneratutako neurriak mantenduko dituela baieztatu du.
Legebiltzarrera iritsi denean, Osasun Ministerioak Osasun Sistema Nazionalaren Lurraldearteko Kontseiluak ostegunean egindako bileran izan zuen jarrera gaitzetsi du Urkulluk.
Lehendakariak esan duenez, Jaurlaritzako Osasun Sailak ez zuen Ministerioak aurkeztutako dokumentuari buruzko eztabaidan eta bozketan parte hartu; izan ere, dokumentu horrek ostalaritzako, aisialdiko, ekitaldietako edo baheketetako ordutegiekin lotutako neurriak jasotzen zituen, eta horrek Euskadiko erakundeen eskumenei eragiten die.
Espainiako Gobernuak asteazken honetan azpimarratu duenaren arabera, autonomia erkidegoek nahitaez bete behar dituzte neurri horiek, eta horrek, lehendakariaren arabera, "eskumenen inbasioa" dakar.
"Euskadin gure bide orria dugula jakin beharko luke Espainiako Gobernuak, hau da, Bizi Berri Plana", adierazi du, Jaurlaritzak osasun krisiaren aurrean duen estrategia jasotzen duen dokumentuari erreferentzia eginez.
Urkulluk gogorarazi du dokumentu hori "Espainiako Gobernuarekin" partekatu zela, eta Bizi Berri Plana tresna "eraginkorra" dela. "Euskadin dugun bide orria da eta jarraituko duguna", gaineratu du.
Hori dela eta, lehendakariak Espainiako Gobernuak duen jokabidea agerian uzten duen "erabateko nahasmena" salatu du, eta egoera honen aurrean "ordena" pixka bat eskatu du. Osasun Ministerioak dokumentu hori "alde bakarrekoa" eta "inposaketa" gisa aurkeztu izanaren aurka azaldu da lehendakaria, aurretik ez baita inongo planteamendurik izan, eta ez baita adostasunik bilatu.
Era berean, Euskadik pandemiari aurre egiteko lege autonomiko bat onartuko duela gogorarazi du lehendakariak, eta astelehenean eguneratutako prebentzio neurriak mantenduko direla baieztatu du.
Patxi Lopezen ustez, ez da eskumenen inbasiorik egon
Patxi Lopezek uste du ez dela eskumenen inbasiorik izan, eta autonomia erkidego guztiei irizpide berberak ezarri dizkiela ostalaritzako edo gaueko aisialdiko lokalak irekitzeko, besteak beste.
Radio Euskadin egindako elkarrizketan, Lopezek esan du logikoa iruditzen zaiola adostutako erabakiak betetzea, "herri honetan ez dugulako zertan denetarik egin", eta galdetu du ea "zergatik egon behar dugun une oro eskumenen inguruan borrokan".
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.