Gaztelugatxerako sarbidearen zati bat, zabalik jada
Bizkaiko Foru aldundiak Gaztelugatxerako sarbidearen zati bat zabalduko du gaur. Irekiera partzial horri esker, Biotopo Babestua bisitatzen duten pertsonek ibilbide zirkular bat egin ahal izango dute Urizarreta eta Ermu artean, urtarrilean sarbideak ixtea eragin zuen luizia gertatu zen gunera iritsi gabe.
Bisitarien fluxua erregulatzeko luizia gertatu aurretik funtzionatzen zuten online erreserba sistema eta sarrera kontrolak mantenduko dira. Ildo beretik, eta osasun-agintariek ezarritako COVID-19aren aurkako babes-neurriak betetzen direla bermatzeko, egunean 960 pertsonako muga mantenduko da, noranzko bakarreko ibilbidearekin.
Teknikariek egindako aurreikuspenen arabera, eta eremu horretan egin beharreko jarduketak kontuan hartuta, uztailaren amaieran Ermu-Lurgorri tartea berriro ireki ahal izango da, eta udazkenaren hasieran bisitatu ahal izango dira berriro uhartetxoa eta ermita berriro.
Egindako azterketak lur-jausiaren arrazoi gisa jasotzen ditu mendi-mazelaren izaera bera eta aurreko hilabete eta asteetan izandako prezipitazio handiak. Gainera, Biotopo Babestu osoa sektoreka banatu dute, esparru horiek duten ezegonkortasun-maila kontuan hartuta; horrela, publikoarentzako berrirekitze progresiboa egin daiteke, arrisku gutxien dagoen eremuetatik hasita eta, era berean, egin beharreko jarduketak plantea daitezke, sektore bakoitzaren problematika kontuan hartuta.
Teknikariek sektore horietako bakoitzean behar diren neurriak ezarri dituzte bisitarien segurtasuna bermatu ahal izateko: hesiak instalatzea dago, higadura-eremuak babestea edo, luizia gertatu zen eremuan, kabailoi egonkortzaile bat eta hiru metroko altuerako hesiak jartzea aurreikusten da, kabailoiaren gainean sare elektrosoldatuz indartuta.
Jarduketa horien helburu nagusia Gaztelugatxeko sarbideetatik igarotzen diren pertsonen segurtasuna bermatzea da eta diseinatzerakoan kontuan hartu da paisaian integratu behar direla, hau da, bigunak edo inpaktu gutxikoak izan behar dutela, moldagarriak eta ezegonkortasunaren bilakaerara egokitzeko modukoak. Era berean, inguruko bideetatik makineria astuna ibiltzeak eragindako kalteak arintzeko irtenbideak eta jarduerak lehenetsi dira.
Neurri horiek hartzeak milioi erdi euro inguruko inbertsioa eskatuko du.
Neurri zuzentzaile horiek hartzearekin batera, Bizkaiko Foru Aldundiak Gaztelugatxeko mendi-hegal osoaren egonkortasunaren jarraipen jarraitua egitea erabaki du, lur-mugimendu berririk gertatzen den jakiteko sentsoreak jarriz.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.