Ekaitzak uholdeak eta errepide mozketak eragin ditu Gasteizen eta Iruñean
Ekaitzak uholdeak eta beste hainbat arazo eragin ditu Euskal Herriko puntu ezberdinetan. Alerta laranja ezarri dute ostegun honetan prezipitazio ugariak eta gogorrak espero direlako.
Gasteizen, adibidez, uholdeak izan dira. Ura garaje eta lokal batzuetan sartu da, eta gutxienez hiru kale itxi egin behar izan dituzte.
Euri-jasa 16:00ak inguruan izan da. Euskalmetek emandako datuen arabera, Abetxukon 21 litro pilatu dituzte metro koadroko ordu erdian, eta ia 26 litro ordubetean.
Estolda-zuloek gainezka egin dute eta uholdeak izan dira hainbat kaletan, tartean Jose Mardones kalean. Halaber, San Antonio kaleko zubipeko pasabidea itxi egin behar izan dute, baita Santiago etorbidea eta Jacinto Benavente kalea ere.
Suhiltzaileen hiru talde aritu dira lanean ekaitzak eragindako arazoak konpontzeko.
Horrez gain, Araba, Bizkaia eta Gipuzkoako beste toki batzuetan ere gogo jo du ekaitzak, Euskalmetek jakinarazi duenez.
Hala, Arrasaten 30 litro pilatu dira metro koadroko ordubetean, eta 26,8 litro Urkiolan.
Nafarroan, zaparrada bortitzak eguerdian hasi dira eta ur-putzuak sortu dira errepideetan, Foru Gobernuak eta Iruñeko Udalak azaldu dutenez.
Iruñean hamar bat intzidentzia izan dira estolda-zuloek gainezka egin dutelako, besteak beste, Zaragoza etorbidean, Landabengo industria-gunean eta Arrotxapean. Suhiltzaileek hainbat irteera egin behar izan dituzte.
Auzo horretan, adibidez, uholdeak auto bat aurretik eraman du. Alabaina, zirkulazioan arazorik izan ez dela zehaztu dute.
Halaber, Iruñeko denda batean ura sartu da eta suhiltzaileak bertaratu behar izan dira.
Horrez gain, Cintruenigon ur-putzuak sortu dira errepidean eta Azkoienen argindar zutoin behera erori da.
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.