Iruñeak Udaletxe Plazan sartzea mugatuko du uztailaren 6an
Bigarren urtez jarraian, Iruñeko Udaletxe eta Gaztelu plazetarako sarbidea mugatuta egongo da zaintza, kontrol eta segurtasun polizia-dispositibo bate bidez. Hala, uztailaren 6an, 7an, 9an eta 10ean covid-19agatik ezarritako egungo osasun-araudiaren aurkakoak diren jende pilaketa posibleak saihestea espero da.
Iruñeko Udalak antolatu du polizia-dispositibo hori eta hala eman du jakitera Sanferminak ospatzen ez diren bigarren urtean. Aurten, Udaltzaingoaren, Foruzaingoaren, Polizia Nazionalaren eta Guardia Zibilaren laguntza eta koordinazioa izango du.
Iaz bezala, uztailaren 6ko goizean 12 kontrol-gune ezarriko dira jende pilaketak ekiditeko Udaletxe Plazako eta Gaztelu Plazako sarbideetan, sei puntu bakoitzeko. Eremu horietako bakoitzaren gehieneko edukiera une horretan indarrean dagoen araudiak zehaztuko du.
Bi plazetako erdialdeak hesitu egingo dira jendea bertan gera ez dadin eta igarobideak soilik izan daitezen. Horrez gain, edariak, elikagaiak, pankartak, puxikak edo antzekoak daramatzaten pertsonei ez zaie pasatzen utziko. Aginte-postu aurreratua, bestalde, udaletxean jarriko da, eta hilaren 6az gain, 7an, 9an eta 19ean ere aktibatu ahal izango da, egoerak hala eskatzen badu.
Halaber, hiriguneko kalerik ohikoenetan jende-pilaketak ekiditeko kontrol bat ezarriko da, eta polizia agenteek Jarauta, San Nikolas – San Gregorio, Navarreria, Estafeta, Caldereria, Garcia Castañon, Orreaga hiribidea – Zezen plaza eta Gaztelu Plaza bezalako kaleak zainduko dituzte.
Eremu horien inguruko beste kale batzuk ere kontrolatuko dituzte, hala nola Espoz eta Mina, Comedias, Garcia Castañon eta Tejeria, eta etilometria eta droga kontrolak egingo dituzte hirira sartzeko bide nagusietan eta Iruñeko hiriguneko etorbideetan.
Iruñeko Udalak "benetan garrantzitsua dena, osasuna eta pertsonak lehenestea" gogorarazi nahi izan du, 2021eko San Fermin jaiak bertan behera utzi ziren egunean aurkeztutako bideoak azpimarratzen zuen bezala.
Albiste gehiago gizartea
Auto erakustaldi bateko hainbat zaletu harrapatuak izan dira Galdakaon
Ezbeharra Urreta auzoko San Juan jaietan gertatu da. Zaurituak Galdakaoko ospitalera eraman dituzte baina gehienak arin zaurituta daude, lehen informazioen arabera.
Oraindik ere ikusten da ostiraleko sutearen ke arrastoa Gasteizko LEA-Lascaray enpresan
Gasteizko LEA-Lascaray enpresaren atarian hau da gaurko irudia. Oraindik ke arrastoa ikus daiteke, ostiraleko zoritxarreko sutearen ondorioz. Sugarrak kontrolpean dituzte, baina guztiz amatatu gabe daude oraindik. Enpresa erabat suntsituta geratu da, baina jabeek berreraiki egingo dutela jakinarazi dute.
Nico Williamsen irudia ezabatu dute ezezagunek, Barakaldon margotu zieten muraletik
Pintaketa bat agertu da Athleticeko jokalaria agertzen zen espazioaren gainean: "Joan edo geratu, errespetua galdu duzu". Bartzelona Futbol Klubaren balizko fitxaketarekin lotuta egon daiteke erasoa. Muralaren egilea oso haserre agertu da eta Athleticetik adierazi dute "Carlos Lopezen muraletik Nico Williamsen irudia ezabatu dutenek" ez dutela "Athletic ordezkatzen".
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.