40 kutsatu berri izan dira Nafarroan beheranzko joerara itzuliz
Azken orduetan 40 koronabirus kasu hauteman dira Nafarroan, bezperako datuak hobetuz, hala; izan ere, asteartean, 59 kasu hauteman zituzten.
Kutsatzeek, beraz, azken egunotako beherazko joerari eutsi diote eta 50 kasutik behera kokatu dira berriro. Duela astebete 46 izan ziren positiboak eta 49, berriz, duela bi aste.
Nafarroako Gobernuaren datuen arabera, Tuteran izan dira positibo gehien, lau kasu izan dira bertan; Burlatan eta Iruñeko Ermitagaña eta Azpilagaña auzoetan, berriz, hiruna kasu hauteman dira.
Osasun sistema publikoak 1.423 proba egin zituen eta positibotasun tasa % 2,8koa izan zen.
Ospitale-okupazioari dagokionez, 19 paziente daude ospitaleratuta Foru Erkidegoko ospitale-sareko zentroetan, aurreko egunean baino bat gutxiago. Atzo pertsona bat ospitaleratu zuten gaixotasun horrengatik, eta ez zuten hildakorik jakinarazi; beraz, 1.192 dira covid-19aren ondorioz Nafarroan hildakoak.
Erregistratutako kasu berrien adin-tarteen araberako banaketari dagokionez, 15-29 urtekoen taldea da nagusi, % 56, eta 30-44 urtekoen taldea, % 27. Ondoren, 45 eta 59 urte bitarteko taldeak (% 12) eta 15 urtetik beherakoak (% 5). Azkenik, atzo ez zen kutsatzerik izan 60 eta 75 urte bitarteko eta 75 urtetik gorako taldeetan.
Positibo berrien batez besteko adina 29,1 urtekoa da. Generoari dagokionez, kasuen % 68 gizonezkoak dira eta % 32 emakumezkoak.
Birusak eragindako infekzioen intzidentzia metatua, eguneroko datuen arabera, 63.248 da Nafarroan.
Zure interesekoa izan daiteke
Oiartzungo AP-8ko saihesbidea obrengatik itxiko dute igande eta astelehen gauetan
Mantentze-lanak Bilborako noranzkoan izango dira, 22:00etatik 06:00etara.
GOIDIaren biktimek Mazon espetxeratzeko eskatu dute
Carlos Mazonek dimisioa eman zuenetik astebete igaro denean, goi-geruzetako depresio isolatuaren biktimek herritarren garaipentzat jo dute, baina ez dela nahikoa nabarmendu dute. Valentziako Gorteen aurrean egindako protestan, Mazon espetxeratzeko eta haren gobernu osoaren dimisioa eskatu dute, Feijooren eta Abascalen arteko negoziazioak gaitzetsi eta Valentziaren etorkizuna valentziarrek hauteskundeetan erabaki behar dutela aldarrikatzeaz gainera.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
Amaitu dira AP-8ko auto-ilarak Orioko zubian, Bilboko noranzkoan
Kamioi baten eta auto baten arteko talkak 3,5 kilometrora arteko ilarak eragin ditu Orioko zubian, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.