Osakidetzak baheketa egingo du Mallorcatik, Saloutik eta Coniletik itzultzen diren gazteen artean
Gotzone Sagardui Osasun sailburuak iragarri duenez, Mallorca, Salou eta Coniletik iristen jarraitzen duten 16 eta 19 urte bitarteko gazteei baheketak egingo zaizkie.
Eusko Jaurlaritzaren Gobernu bileraren osteko prentsaurrekoan egin du iragarpena, eta, bertan, 16 eta 29 urte bitarteko biztanleei ostiraletik aurrera covid-19aren aurkako txertoa jasotzeko hitzordua eskatzeko aukera izango dutela aurreratu du.
Adin-tarte horretan, 436 pertsona kutsatu dira azterketa-amaierako bidaiei lotutako agerraldietan (297 Mallorcatik, 107 Saloutik eta 32 Coniletik).
Kopuru horien ondorioz, Osasun Sailak baheketak egingo dizkie 16 eta 19 urte bitarteko gazteei, baldin eta hiru herri horietatik iristen jarraitzen badute. Sailburuak, gainera, bihartik aurrera bere osasun zentroekin harremanetan jartzeko eskatu du, covid-aren "transmisioa lehenbailen geldiarazteko".
Horrez gain, Hernanin, Urnietan eta Astigarragan (Gipuzkoa) 342 herritar kutsatu dira.
Sagarduik azaldu duenez, agerraldi horietan kasuen % 33 eta % 35 artean delta aldaerari dagozkio.
Adinagatik "segurtasun sentsazioa" ez izateko ohartarazi die sailburuak gazteei, gaixotasuna larria izateko arriskua "benetakoa" dela azpimarratuta. "Zenbat eta positibo gehiago, orduan eta ospitaleratze gehiago, arriskua hor dago. Helburua ZIUn gaixo bakar bat ere ez egotea da", defendatu du.
Horren harira, EAEko ospitaleetara sartzen ari diren pertsonak aurreko olatuetakoak baino "nabarmen gazteagoak" direla esan du, 40 eta 60 urte artekoak. Gainera, sintomatologia arinagoa dutela eta ez dutela Zainketa Intentsiboetako Unitateetako arretarik behar azaldu du, "bilakaera positiboagoa" baitute.
Bestalde, argitu duenez, lehen mailako arretan ez dela eraginik atzeman covid-19arekin kutsatzeen gorakadagatik, atzemandako positibo gehienak baheketetatik eta kontaktu estu izatetik eratorriak baitira.
Zure interesekoa izan daiteke
Donostiako Kontxapuzoia 200 parte-hartzailerekin itzuli da, bularreko minbizia duten emakumeei laguntzeko
Kontxako hondartzan izan da espero zen Kontxapuzoia: 200 ausart uretara oldartu dira hotzari aurre egiteko eta Katxalin elkartearen mesedetan dirua biltzeko. Marmoken presentzia dela-eta iazko etenaldiaren ondoren, CD Fortunak antolatutako elkartasun ekitaldiak komunitatea bildu du Eguberrietako ohiko hitzordu honetan, babes eta elkartasun erakustaldi batean.
Donostian atxilotu dute, 17 ibilgailutan kalteak eragiteagatik
Ertzaintzak 30 urteko gizon bat atxilotu du bart, aparkatuta zeuden 17 ibilgailutan kalteak eragiteagatik, Eusko Jaurlaritzako Segurtasun Sailak jakitera eman duenez.
Gizon bat atxilotu dute Azkoitian, emakume bati sexu-erasoa egiten saiatzeagatik
Erasotzaileak bizikleta batean ihes egin du, eta handik gutxira bi lekukok geldiarazi dute, ibilgailuekin jarraitu dutelako, Eusko Jaurlaritzako Segurtasun Sailak jakinarazi duenez.
Olentzero eta Mari Domingiren magia Euskal Herriko etxeetara iritsi da
Ilusioa, urduritasuna eta irribarreak errepikatzen dira abenduaren 25ean Euskal Herriko etxeetan. Haurrek Olentzerok eta Mari Domingik gauean utzitako opariak ezagutu dituzte, emozioz beteriko goiz batean.
Bi gizonezko atxilotu dituzte Bilbon, jatetxe batean eta ileapandegi batean lapurtzen saiatzeagatik
Bi atxilotuek aurrekari polizialak dituzte horrelako gertakariengatik, eta ertzain-etxean daude epailearen esku utzi arte.
Arrain freskorik gabeko bost egun izango ditu Bizkaiak Gabonetan
Jaiegunen konbinazioak eta Mercabilbaoren urteko itxierak hornidurarik gabe utziko ditu arrandegiak abenduaren 26tik 30era bitartean.
Azken erosketak Gabonak baino lehen: saltzaileen eguna
Gaur Gabon gaua da, eta dendek unerik frenetikoena bizi dute. Presak, urduritasunak eta azken orduko eskaerek markatzen dute jardunaldia, saltzaileek bezero guztiei arreta emateko malabareak egiten dituzten bitartean. Gabonetako kanpainako egunik gogorrenean, mostradoreen beste aldera begiratu bat eman diogu.
Euskal Herriko hiri eta herrietan ibili dira Olentzero eta Mari Domingi, Eguberria iragarriz
Urteko gaurik magikoenetako bat da Gabon Gaua, neguko solstizioa eta argi berria ospatzeko unea. Eta Olentzero eta Mari Domingi gure herri eta hirietara jaisten dira une hauek guztiokin igarotzeko. Gauean opariak banatu aurretik herri eta hirietako kaleetan ikusi ahal izan ditugu.
Monte Perdidon izandako elur-jausiak agerian utzi du Pirinioetan elur-jausiak gertatzeko arriskua handia dela
Azken egunetako elurte gogorrek metro erdiraino utzi dute elurra Aragoiko Pirinioetan, elur-jausien arriskua areagotuz. Astelehenean mendizale batek Monte Perdidon grabatu zuen elur-jausi berri bat, eta Aragoiko Gobernuak arreta handia eskatu die mendialdeetako bizilagun eta bisitariei.
Behin behineko espetxealdia ezarri diote Barakaldon emakume bat hiltzeagatik atxilotutako gizonari
Homizidioa eta eraso sexuala delituak leporatu dizkio epaileak biktimaren lankidea zen 27 urteko gazteari.