"E-rezeta" Osakidetzaren errezeta elektronikoa Europan erabili ahalko da 2022an, proiektu pilotu batean
"E-rezeta" Osakidetzaren errezeta elektronikoa Europan ere erabili ahalko da 2022an; izan ere, Espainiako Gobernuko Osasun Ministerioak Euskadi hautatu du, beste bi autonomia-erkidegorekin batera, errezeta elkar eragingarri europarraren proiektua pilotatzeko.
Egitasmoaren helburua da Europar Batasuneko herritarrek EBko edozein herrialdetako edozein farmaziatan eskuratu ahal izatea euren medikazioa; horretarako, bizi diren herrialdetik errezeta elektronikoaren Internet bidezko transferentzia egiten dute, Joan diren herrialdera, Osakidetzak jakitera eman duenez.
Lehen fasean, 2022an, elkar eragingarritasuna aukeratutako herrialdeen artean gauzatuko da; pilotatzeaz arduratuko diren herrialdeak dira: Portugal, Finlandia, Polonia, Suedia eta Estonia. 2025erako, aurreikuspena da Osakidetzaren txartel elektronikoa Europar Batasuneko edozein herrialdetan baliatu ahal izatea.
Pilotatze-fase honetan, Europako Batzordeak aztertuko du Euskadiren eredua, Europa mailako plataformaren barnean sar dadin.
Euskadin, 2018ko urtarrilean ezarri zuten txartel elektronikoaren elkar eragingarritasuna; autonomia-erkidegoen arteko eragingarritasunari esker, aukera dago espainiar Estatuko edozein farmazia-bulegotan medikazioa eskuratzea, Osasun Txartel Indibiduala aurkeztuta. Guztira, 317.843 euskal herritarrek eskuratu dute medikazioa beste autonomia-erkidego batzuetako farmazietan.
Zure interesekoa izan daiteke
Israelgo taldeen aurkako partidak bertan behera uzteko eskatu du Palestinarekin Elkartasuna plataformak Gasteizen
Ehunka lagun atera dira gaur Gasteizko kaleetara, Baskoniak Hapoel Tel Aviven aurka jokatzear duen kanporaketa eta apirilaren 7an Maccabiren kontrakoa bertan behera uzteko eskatzeko. Palestinarekin Elkartasuna plataformaren arabera, Israel “genozidioa zuritzeko” erabiltzen ari da saskibaloia, eta, horregatik, manifestariek esan dute ez dela nahikoa Buesa Arena hustea: Israelekin harreman guztiak etetea aldarrikatu dute, baita kirol arlokoak ere.
Santanderreko pasabidearen egoeraz jakinarazteko abisua jaso zuen 112ko kudeatzailea ikertuko dute
Erabaki horren helburua da langileari defentsarako eskubidea bermatzea, iturri judizialek azaldu dutenez.
Osasun Ministerioak erkidegoekin adostu du bitartekari bat izendatzea medikuen Greba Batzordearekin negoziatzeko
Sindikatuek eta Ministerioak zehaztu eta onartu beharko dute nor izango den bitartekari hori.
Medikuen grebak 300.000 pazienteri eragin die Euskadin, Eusko Jaurlaritzaren arabera
Protestaren ondorioz, gainera, Osakidetzako itxaron-zerrenda kirurgikoa 15 egun luzatu da, 67 egunera arte.
Medikuek Aste Santuaren ondoren greba bertan behera utziko dutela uste du Osasun ministroak
Monica Garcia Osasun ministroaren arabera, Ministerioak agindutakoa bete du eta orain sindikatuei dagokie greba bertan behera uztea.
Minbizi ginekologikoa eta bular minbizia izango dira aurtengo EITB Maratoiaren kausa
EITBk BIOEF Berrikuntza eta Ikerkuntza Sanitarioko Euskal Fundazioarekin eta minbizi ginekologikoko eta bular minbiziko elkarteekin batera aurkeztu du maratoia. Urtero legez, EITBren elkartasun ekimenak bi ildo izango ditu: ikerketarako dirua biltzea eta gizartea sentsibilizatzea.
49 urteko emakume bat hil da Sestaon, sukaldean erredura oso larriak egin ostean
Biktima Iberia kaleko etxebizitza batean zauritu zen, eta Gurutzetako ospitalera eraman zuten, baina hil egin da.
Gutxienez 4 kilometroko auto-ilarak izan dira AP-8 autobidean Zornotzan, bi errei ixtea eragin duen istripu baten ondorioz
Zirkulazioak arazo handiak izan ditu Irunerako noranzkoan, 95. kilometroan. Istripuaren ondorioz, bi errei itxi behar izan dituzte.
Aste Santuan 1.674 hegaldi daude aurreikusita Bilboko Aireportuan, iaz baino 50 gehiago
Mugimendu handieneko eguna apirilaren 6a izango da, 175 hegaldi izango baitira bertan.
Epaileak espetxera bidali du, behin-behinean, Getxon ustez bikotekidea larri zauritu duen emakumea
Ikerketa oraindik zabalik badute ere, dirudienez, gertakariak ostegunean izan ziren, 22:00ak aldera, Algorta auzoan. Ustezko erasotzaileak 44 urte ditu; biktimak, berriz, 23.