Amaia Mayor, SATSE sindikatua: "Lankide batzuek negarrez deitzen dute"
Amaia Mayor SATSE sindikatu bozeramaileak Radio Euskadiko Boulevard Informativo irratsaioan ohartarazi duenez, "aste honetan bertan positibo baten harremanei deitzeko 4 edo 5 egun behar izan dituzte aztarnariek". Mahai gainean datu zehatzik ez duela onartu du, baina, hala ere, zenbakiak eman ditu.
Mayorren hitzetan, "positibo batek 10-40 harreman ditu, 10.000 dei dira egun bakarrean". "Nola ez dira egongo ba atzerapenak, orduek ez dute gehiagorako ematen", azpimarratu du.
"Lankideek frustrazio oso handia dute, eta biztanleriaren zati batekin nahiko haserre daude, pandemian gaudela ez dutelako ulertzen", adierazi du sindikatuko bozeramaileak. "Txandak bikoizten ari dira, langileak falta direlako", salatu du.
"Osasun fisiko, mental eta bizitza pertsonalaren kaltetan, esfortzu ikaragarria egiten ari dira", nabarmendu du. "Urte osoan ez gara hitz egiteko eseri", deitoratu duenez, "arazoa ez da kontratazioa, erizainak falta dira, eta arazoa areagotuko da, asko erretiroa hartzen ari direlako". "Langabezian ez dago erizain bakar bat ere", adibide bezala jarri du, eta "atzerritik ekartzen ari gara".
"Osasun sistema osoa gainkargatzen da", ohartarazi du. Zentzu horretan, probak farmazietan saltzeko erabakia "anbulatorioetan bisitak" areagotzen ari dela erantsi du. Gainera, "ez zaigu pandemia kudeatzeko neurri egokia iruditzen, erraza ez den proba bat herritarren esku uzten ari direlako", esan du. "Arakatze, positiboen gorakada eta proben ondorioz anbulatorioak gainezka daude, eta lankideek negarrez deitzen digute", gaineratu du.
Azkenik, erizaintza sindikatuko bozeramaileak "arazoak saihesteko emakume haurdunei txertoa jartzeko", eskatu die. Era berean, "prebentzio neurriak mantentzea" eta "harreman sozialak lehenbailehen mugatzea", exijitu die herritarrei. "Bosgarren olatua oso gogorra izaten ari da", azpimarratu duenez. "Txertaketa hain aurreratua izanda, egoera honetan aurkitzea inork gutxik espero zuen", onartu du.
Zure interesekoa izan daiteke
Albiste izango dira: hantabirusaren azken ordua, AEBk errefusatu egin du Iranen erantzuna eta Alejandro Gonzalez-Iñarritu Bilbon
Gaurkoan Orain-en albiste izango direnen laburpena, bi hitzetan.
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.