Andre Maria Zuriaren plaza itxi dute Gasteizen, pilaketak saihesteko
Bigarren urtez jarraian, Udaltzaingoa eta Ertzaintza Andre Maria Zuriaren plazako sarrera-irteerak kontrolatzen ari dira, eta gauza bera egingo dute hilaren 9an, Zeledonen jaitsieraren eta igoeraren aurreko eta ondorengo orduetan; izan ere, pandemiaren ondorioz, bertan behera utzi dituzte ekitaldi horiek.
Andre Maria Zuriaren jaiak atzeratzeaz gain, hainbat segurtasun eta osasun neurri hartu dituzte birusaren transmisioa mugatzeko. Gasteizko Udalak eta Eusko Jaurlaritzak dei egin diete herritarrei "arduraz" jokatzeko eta hiriko kaleetan pilaketak saihesteko.
Kontrolak hainbat sarbidetan
Gasteizko Udalak jakitera eman duenez, gaur, abuztuak 4, agenteek Andre Maria Zuriaren plaza eta inguruko kaleak zainduko dituzte 16:30etik 19:00etara. Kontrolguneak jarriko dituzte hainbat tokitan: Mateo de Moraza kalea, Aihotz plaza, Arkupeko ibilbidea, Hedegile kalea, Zapatari kalea, Diputazio kalea, Prado kalea, Loma Jeneralaren plaza, Posta kalea eta Andre Maria Zuriaren sarbidea Plaza Berritik.
Autobusek, taxiek, larrialdietako ibilgailuek eta baimena duten ibilgailuek zirkulatu ahalko dute, eta eremu horietan bizilekua dutenen edo ostalaritza-establezimenduetarako sarrera-irteerak ere baimenduko dituzte.
Bestalde, segurtasun-hesiaren barruan dauden establezimenduek ezingo dituzte terrazak jarri bide publikoan 15:00etatik 19:00etara.
Neurri berdinak errepikatuko dituzte abuztuaren 9ko 23:00etatik abuztuaren 10eko 01:30era.
Iaz bezala, abuztuaren 5ean ere, Udaltzaingoak San Migelgo balkoirako sarrera kontrolatuko du, edukiera errespetatzeko eta eliza barruan nahiz Andre Maria Zuriaren horma-hobiaren aurrean pilaketak saihesteko.
Kale-edanak saihestu
Gainera, Udalak herritarrei gogorarazi die nahitaezkoa dela musukoa erabiltzea aire zabaleko eremuetan, betiere pertsonen artean 1,5 metroko gutxieneko distantzia gorde ezin bada. Era berean, azpimarratu du debekatuta dagoela bide publikoan edari alkoholdunak kontsumitzea, terrazetatik kanpo. Horren harira, prebentzio-lana areagotuko da ohiko kale eta pilaketa-lekuetan, batez ere Erdi Aroko hirigunean.
Ekitaldi ofizial bakarrak Udalak antolatutako kontzertuak eta jarduerak izango dira, eta Udalak berak kontrolatuko ditu ekitaldi horietako edukiera eta gutxieneko distantzia.
Gorka Urtaran hiriburuko alkateak dei egin die herritarrei gaur egungo "egoera pandemikoaz jabetzeko" eta datozen egunetan "zuhurtziaz" eta "zentzuz" jokatzeko.
Albiste gehiago gizartea
Irungo Udalak martxan du Itzulera Operazioa, hirian ibilgailuen trafikoa arinduko duena
Joan den ostegunean jarri zuen martxan ekintza plana Udalak. Helburu nagusia da Irunera iritsi nahi duten tokiko ibilgailuei sarbidea lehenestea.
Arabako Foru Aldundiak Gorbeiako jarduerak murriztuko ditu oreinen orroaldi garaian, irailaren 8tik urriaren 10era
Debekatuta egongo da ibilgailuen trafiko osoa, zuraren, egurraren, larreen, luberritzeen edo baimendutako ikerketa zientifikoen aprobetxamenduekin lotutako berariazko baimena duten kasuetan izan ezik.
Espainian kiskaltzen ari diren suteen ondorioz milaka lagun etxetik aterarazi dituzte
Egoera kezkagarria da Espainiako Estatuan, sute asko baitaude piztuta. Azken orduetan 7.000 lagun baino gehiagok gaua etxetik kanpo pasa dute eta bi pertsona hil dira suteen ondorioz, bat Madrilen eta bestea Leonen.
Baso-suteen erdia baino gehiago nahita eragindakoak izaten dira
Azken orduetan hainbat pertsona atxilotu dituzte baso-sute ezberdinen erantzule gisa, Avilako suhiltzaile bat, kasu, 2.200 hektarea baino gehiago erre baitzituen, antza, lana lortu asmoz.
Zarrakazteluko sutea freskatzen eta kontrolatzen jarraitzen dute
Gauean bertan lan egin duten suhiltzaileei txandaka egiten zaie lan 8:00etatik. Suhiltzaileek freskatze-lanak eta puntu beroen kontrola egingo dituzte asteazken goizean.
Gasteizko kaleetan bizi diren berrogeita hamar bat maliar, asiloa noiz tramitatzeko zain
Maliko 50 bat asilo-eskatzaile kalean bizi dira, Arabako hiriburuan, izapideak hasteko hitzordua lortu bitartean. Arabako Bolikostarren Elkarteak aldi baterako bizitegi-irtenbideak eskatu ditu.
Kontrolpean da Errioxan piztu eta Bastidara iritsi zen sutea
Errioxako San Pelaio mendian piztu zen sua, eta ordubete pasatxoan egin zuen salto Arabara, haizearen eraginez.
Errioxan piztutako baso-sute bat Arabara iritsi da
Errioxako Gimileo herrian piztu da sua, baina Araban sartu da makaldi batetik. Hori dela eta, Guardiako suhiltzaileak bertaratu dira, sua itzaltzeko lanetan laguntzeko.
Dozena bat baso-sute baino gehiago Espainia kiskaltzen ari dira, eta gutxienez bi hildako utzi dituzte
Sute gehienak Gaztela eta Leonen (5.000 pertsona baino gehiago daude etxetik kanpo) eta Ourensen (Galizia) piztu dira, baina Tres Cantosen (Madril), Navalmoralejon (Toledo) eta Tarifan (Cadiz) ere sute handiak izan dira.
Elkarretaratze jendetsua egin dute Pobesen Viloriako hilketa salatzeko
Kartzelara bidali du epaileak Vilorian 34 urteko gizon bat hiltzeagatik atxilotutako gaztea. Erriberagoitiko udalak ezarritako hiru dolu-egunetako lehena da gaurkoa, eta gaur iluntzean elkarretaratzea egin dute herritarrek.