Nafarroako Auzitegi Nagusiak abuztuaren 12ra arte luzatu du etxeratze agindua
Nafarroako Justizia Auzitegi Nagusiak baimena eman du asteazken honetan abuztuaren 12ra arte gaueko etxeratze agindua beste astebetez luzatzeko, covid-19aren eragina altua den Nafarroako udalerrietan. Neurria asteburuetan eta udalerri bakoitzean herriko jaiak ospatu beharko liratekeen egunetan aplikatuko da.
Nafarroako Justizia Auzitegi Nagusiko iturriek jakitera eman dutenez, administrazio-auzietarako aretoak "egokitzat" jo du neurria. Hala, aretoaren arabera, "kutsatzeen datuak apur bat hobetu diren arren, ospitaletan eta ZIUetan dauden gaixoen kopuruak gora egin du, eta, beraz, neurri egokitzat jotzen da".
Auzitegiak "kutsaduren gorakada ekiditeko neurri eraginkorra" dela uste du, "prebentzio neurriak lasaitzen diren uneetarako, hala nola, musukoa erabiltzen ez denean eta distantzia soziala mantentzen ez denean". Gainera, "egoeraren larritasuna dela eta, beharrezkoa" ikusten du, "muturreko arriskuan jartzen dauden udalerrien kutsatzeko erritmoa" kontuan hartuta.
Era berean, Nafarroako Justizia Auzitegi Nagusiak ohartarazi du ostalaritzako lokalen itxiera 01:00etara aurreratzea ez dela oraindik nahikoa izan "gaueko zirkulazioa mugatzea proposatzen den herrietan birusaren hedapena kontrolatzeko".
Horren harira, Auzitegiak gogorarazi du neurria "proportzionatua" dela, kutsatzeen katea murrizteko behar den gutxieneko kopuruan hartzen delako, eta, aldi berean, ez duelako erabateko mugikortasuna eragozten.
Zure interesekoa izan daiteke
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin diren mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
2 kilometroko auto-ilarak Orioko zubian, istripu baten ondorioz
Kamioi baten eta auto baten arteko talkak ilarak eragin ditu AP-8an, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Ia 28.000 korrikalarik hartuko dute parte eta milaka izango dira ikustera hurbiltzen direnak ere. Donostiako Udalak garraio publikoa erabiltzeko gomendatu du. 09:45etik aurrera, ETB1en eta eitb.eus-en jarraitu ahal izango da zuzenean.
"Irabazi arte", "Generación Click" eta "Los Williams" saioek Telebista Akademiaren Iris sarietako izendapena jaso dute
Sariak banatzeko ekitaldia 2026ko otsailaren 16an egingo dute, Madrilen, Teatro Real antzokian.