"Euskadin agintaritzarekin izandako liskarrak ez dira beste leku batzuetatik bereizitako fenomenoa"
Josu Erkoreka lehendakariorde eta Segurtasun sailburuak Radio Euskadiko Boulevard saioan adierazi duenez, Donostian izandako istiluak ez dira ekintza koordinatuen ondorio, eta ez dira "beste leku batzuetatik bereizitako fenomenoa". Erkorekaren berbetan, asteburuko "harrapaketa ekintzek marra gorri bat gainditzen dute", baina baztertu egin du arrazoi politikoengatik eratorritakoak izan litezkeenik.
Ertzaintzak 40 pertsona atxilotu zituen joan den astean Donostian, istiluengatik, eta, identifikatutakoekin batera, 62-63 pertsona ikertzen ari dira Gipuzkoako hiriburuan bizi izandako indarkeria kasu horiek direla eta, zehaztu du sailburuak.
Larunbatean istiluen indarkeria areagotu zen, eta hainbat komertziotan lapurretak egin zituzten. Gertaera horiekin lotuta 10 pertsona atxilotu zituzten, eta, aste osoan, guztira, 40 dira atxilotutakoak; dagoeneko gehienak aske daude.
Erkorekak zehaztu duenez, atxilotuen % 60k delitu arruntekin lotutako aurrekariak dituzte, edo covid-19ari aurre egiteko segurtasun-arauen kontra egitearekin.
"Ez dago beste aurrekaririk. Ezin dugu esan gertakariok estrategia planifikatu baten edo beste asmo sozial edo politiko baten ondorio direnik. Nik ez nuke orain gertatzen ari dena kale borrokarekin lotuko", azpimarratu du.
Sailburuak gogoratu duenez, mota horretako istiluak izan dira Euskadin uda osoan: "Botiloia praktikatzen ari zen jendea edo alkohola maila onargarriaren gainetik kontsumitzen ari zena, eta agintaritzaren agenteei aurre egiten diena. Ez da Euskadin bakarrik gertatu den fenomenoa, Bartzelonan ere ikusi dugu ".
Ertzaintzaren Donostiako operatiboa nahikoa dela defendatu du sailburuak. "Egia da udan gaudela eta langileen ehuneko bat oporretan dagoela, baina hori ez da eragozpen nahikoa izan antolatzeko. Ez da erraza esatea indar gehiagorekin ekidin zitekeenik, salbu eta kaleak poliziez betetzen badituzu".
Oposizioak bitarteko gehiago eskatu dizkio Ertzaintzarako, eta, horri erantzunez, honako galderak egin ditu sailburuak, baita erantzun ere: "Zertaz ari dira? Tanketak sartuko ditugu? Proportzionaltasun-printzipioak gidatu behar du Ertzaintzaren jarduna".
Erkorekak gaineratu duenez, zaila da toki jakin baterako dispositiboak planifikatzea: "Donostian, astean zehar, istiluak Alde Zaharrean izan ziren, eta ostiralean tokiz eta moduan aldatu ziren". Hala ere, Ertzaintza "edozein gertakariri erantzuteko moduan" dagoela azpimarratu du.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.