Covid-19ari aurre egiteko aurreko ikasturteko neurri nagusiei eutsiko diete Euskadin
Jokin Bildarratz Eusko Jaurlaritzako Hezkuntza sailburuak adierazi duenez, irailean ikasgeletara itzultzeko aurreikusita dagoen segurtasun-protokoloa aurreko ikasturtean indarrean egon zenaren "oso antzekoa" izango da. Horrela, indarrean egongo dira maskara, burbuila sozial egonkorrak, aireztapena eta pertsonen arteko distantzia.
Bildarratzek Hezkuntzako Konferentzia Sektorialean parte hartu du, Pilar Alegria Hezkuntza eta Lanbide Heziketako ministroa buru zela. Bertan, Espainiako Gobernuak eta erkidegoetako arduradunek ikasturte berriari aurre egiteko moduaz hitz egin dute. Bileran neurri orokorrak adostu dituzte eta berritasun bakarra pertsonen arteko segurtasun tartean dago: 1,5 metrotik 1,2ra murriztu ahalko da, intzidentzia baxua denean.
Komunikabideei egindako adierazpenetan, sailburuak azaldu du ekainean bere sailak protokolo orokorreko proposamen bat prestatu zuela 2021/2022 ikasturterako. Proposamen horretan, covid-19aren aurkako neurriak zeintzuk izan behar ziren zehazten zen, betiere aurrez aurreko hezkuntza-jarduera bermatzeko helburuarekin.
Bildarratzek gaineratu duenez, dokumentu hori egiterakoan "zuhurtzia" izan zen nagusi, eta uste du irizpide horri eutsi behar zaiola orain ere, birusa presente dagoelako.
Protokolo horretan, aurreko ikasturtean egon ziren kontrol-neurri nagusiak jasotzen dira, hala nola maskara derrigorrezkoa izatea, Haur Hezkuntzan izan ezik; Lehen eta Bigarren Hezkuntzako bizikidetza-talde egonkorrak eta pertsonen arteko distantziak gordetzea.
Neurriok ikastetxeetara bidali aurretik, Osasun Sailarekin batera horiek "apur bat gehiago" doitzeko lanean ari direla onartu du. Aurreikusi dutenaren arabera, aste honen amaiera partekatuko dituzte neurriok ikastetxeetako arduradunekin.
Gazteen artean txertaketa "sustatzea" zentroak seguruagoak izan daitezen lagungarri izan daitekeela onartu du sailburuak, eta, txertoak "oso zeregin berezia" izango duela zehaztu duen arren, neurriak arindu behar diren ala ez erabakiko duen elementu bakarra ez dela azpimarratu du, aldaera berriak bezalako faktore gehiago kontuan hartu behar direlako.
"Pandemiaren bilakaera da protokolo bat edo bestea zehazten lagunduko diguna", azaldu du sailburuak. Era berean, iragarri du oraingoan ere aurreko ikasturtean kontratatu zituzten errefortzuak mantenduko dituztela.
Ildo horretan, ekainean Bildarratzek aurreratu zuen bere sailak datorren ikasturtean mantenduko zituela koronabirusagatik errefortzu gisa kontratatutako 1.064 irakasleak.
Asteazken honetako bilerari dagokionez, Bildarratzek "giro oso ona" azpimarratu du, baita "konfiantza" ere, eta esan du alde guztiek azpimarratu dutela datorren ikasturtean aurrez aurreko klaseen garrantzia, ikasleentzat "justizia sozial handiagoa" bermatzeko.
Albiste gehiago gizartea
Aurkikuntza arkeologiko oso garrantzitsua Iruñean: Barbazan dorrearen barruan dagoen Kalonjeen atea
Iruñean, arkeologia aurkikuntza bat da albiste. Katedral ondoan dago eta Joseba Asiron alkateak eta urbanismo batzordeak bisitatu berri dute. Aurkikuntza ikusgarri eta garrantzitsuaz mintzatu da Iñaki Sagredo arkeologoa. Nahi izanez gero, bisita gidatua egiteko aukera dago.
Giza Eskubideen Behatokiak kereila bat bultzatu du 1974ko Asturiagako segadagatik
Iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzagatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu-esplotazioa eta sexu-eraso saiakera bat egitea leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.