Kale-edana egiteko bilkura jendetsu bat desegin eta pertsona bat atxilotu dute Plentzian
Inguruko gainerako udalerrietan legez, aurten ere ez dira jaiak ospatuko Plentzian, covid-19ari aurre egiteko segurtasun arrazoiengatik. Hala ere, ehunka gazte hiribilduko portuaren inguruan elkartu dira ostegun honetan "ez-jaiak" ospatzeko asmoz. Ertzaintzak, Udaltzaingoaren laguntzarekin, kale-edana egiteko bilkura jendetsu bat desegin du bart. Poliziak ez du kargarik egin eta ez da aparteko gertakaririk izan, baina pertsona bat atxilotu dute desordena publikoak egotzita.
Atxilotua Getxoko ertzain-etxera eraman dute, epailearen aurrera eraman aurreko izapideak egitera, Eusko Jaurlaritzako Segurtasun Sailak jakitera eman duenez.
Astearte gauean izandako istiluak berriro ez izateko, Ertzaintzak eta Udaltzaingoak hainbat kontrol egin zituzten atzo herriko sarbideetan, bai errepidean, baita geltokian ere. Hala ere, horrek ez zuen galarazi ehunka pertsona biltzea Areatzaren eta portuaren inguruetan, kalean edateko. Horren aurrean, Ertzaintzak kale-edana egiteko bilkura jendetsuok desegin ditu bart. Ez da istilu aipagarririk izan, batutako neska-mutil gehienek inguruak hustu baitituzte agenteek eskatu ondoren. Hala ere, iturrien arabera, Brigada Mugikorreko agenteek foamezko jaurtigaiak erabili dituzte, kalean jarraitzen zuten talde txikiak sakabanatzeko.
"Ez-jaiak" ekiditeko kontrolak
Plentziako Udalak jakitera eman duenez, ostegunetik larunbatera arte, sarrera mugatuko zaie herrian bizi ez diren pertsonei, jende-pilaketak saihesteko eta koronabirusaren hedapenari aurre egiteko asmoz.
Hala, udalerrira sartzeko lehen kontrolak jarri zituzten atzo arratsaldean. Zehazki, Plentziako Udaltzaingoak ausazko kontrolak jarri zituen herriko bi sarbidetan, eta Ertzaintzak geltokia zaindu zuten. Udaletxearen atzean ere Ertzaintzaren furgoneta batzuk prestatu zituzten.
Plentzian ausazko kontrolak egiten ibili ziren 17:30etik aurrera, eta bakarrik sartu ahal izan ziren herrira bertan bizi diren pertsonak daramatzaten ibilgailuak, bertara sartzeko beharra egiaztatuta, eta larrialdi, segurtasun zein udal zerbitzuetako langileak.
Horrez gain, Ertzaintza eta Udaltzaingoa elkarrekin arituko dira egunotan metroaren geltokiaren inguruan, udalerrian sartzen diren pertsonak kontrolatzen, Plentziako Udalak udal bando batean azaldu duenez.
Neurri horiek herriko jaiak izan behar ziren egunetan ospakizun alternatiboak ez ospatzeko hartu dira, pandemiaren ondorioz bertan behera geratu baitira aurtengo festak.
Elixabete Uribarri Plentziako alkateak azaldu duenez, neurri horiek uda osoan ikusi diren "istilu tamalgarrien ondorioz" hartu dituzte. Gertakari horien artean, ondorengoak nabarmendu ditu: kale-edanak, hiri-altzarietan eragindako kalteak, erasoak, garbiketa-zerbitzuetako langileekin eta ertzainekin zein udaltzainekin izandako liskarrak, eta adin txikiko batek jasandako sexu-erasoa.
Albiste gehiago gizartea
40 gradutik gorako tenperaturak, Euskal Herriko hainbat herritan
Euskalmetek Zornotzan duen estazioan 41,6 ºC neurtu dituzte, Iurretakoan 41,5 eta Bilboko Zorrotza auzokoak, berriz, 40,8. Gipuzkoan, aldiz, termometroak 40,6 gradura iritsi dira Arrasaten. Araban eta Nafarroan ere, termometroak 40 ºC-tik gertu ibili dira.
Lodosako langile bat hil da Bartzelonako Ebroko lantegian
Langilea asteartean hil zen, eta enpresak "doluminak" helarazi dizkie haren senide eta lagunei. Lodosa Kirol Elkarteak ere doluminak eman dizkie haren ingurukoei, elkarteko jokalari ohia baitzen.
:eitb-banner?$eitb-banner$&fmt=webp-alpha&qlt=80)
Araban, Erriberagoitiko hainbat herrik basoa garbitu eta segurtasun perimetroa egin dute etxebizitzen inguruan
Lasierra Erriberagoitian (Araba) artadiz inguratutako herri bat da, dozena bat biztanlekoa. Orain dela bi urte, hiru hektareako segurtasun perimetroa egin zuten. Aldundiaren dirulaguntzarekin, astebetez zortzi langilek basoa garbitu zuten. Lan horiek mantentzeko, ordea, ganadua eta artzainak beharrezkoak direla adierazi dute herritarrek.
Juan Mari Aburtok Aste Nagusi zirraragarri, aske eta seguru baten alde egin du
Bilboko alkate Juan Mari Aburtok herritarrek Aste Nagusiaz askatasun eta segurtasun giroan gozatzea nahi du. Horren arabera, Jai Batzordea ikuspuntu ezberdinak batzeaz arduratzen da, "munduko jairik onenak" izateko. Gainera, errespetua eta bizikidetza eskatu ditu, Aste Nagusiaz harmonian gozatzeko.
Termometroak 44 ºC-ra iritsi dira Laudion, eta 40 ºC-tik gorako tenperaturak izan dira Zornotzan, Iurretan, Bilbon eta Arrasaten
Bero itogarriak ez du etenik emango asteburuan. Hala ere, alerta laranjak Arabara eta Nafarroara mugatuko dira.
Pasealeku Berriko igeriketa zeharkaldian parte hartzen ari zen gizon bat hil da
Igerilariak geldialdi kardiobaskularra izan du uretan, eta Kontxako hondartzara eraman dute. Larrialdi zerbitzuko kideak gizona suspertzen saiatu dira, baina ez dute lortu haren bizia salbatzea.
Juan Mari Aburtok ohorezko aurreskua dantzatu du aurten ere
Urtero bezala, Bilboko alkateak ohorezko aurreskua dantzatu du Begoñako Ama Birjinaren egunean. Beroa handia izan bada ere, alkateak ez du hutsik egin nahi izan.
Sei egunez aktibo egon den Zarrakazteluko baso-sutea, itzalita
Astelehenera arte ez zen lortu asteazkenean kontrolpean izan zuten sua inguratzea eta egonkortzea. Nafarroan sute-arriskua oso handia edo muturrekoa da oraindik.
Asteazkenetik desagertuta zegoen gizon baten gorpua aurkitu dute Legazpin
07:00ak baino lehentxeago, Legazpin gorpu bat agertu dela jakin du Ertzaintzak. Deba Urolako ertzain-etxeko agenteak eta mediku bat bertaratu dira, eta hilda zegoela baieztatu dute. EITBk jakin duenez, hilketa bat izan daiteke.
Bi atxilotu Bilboko diskoteka baten irteeran izandako borroka jendetsu baten ondorioz
Hogeita hamar bat pertsonak parte hartu dute gertakarietan. Osasun-langileek ospitalera eraman dituzte zaurituak, horietako bat atxilotu gisa.