Bizkaiak "eredu pertsonalizatuago bat" bilatuko du egoitzetan, 25 pertsonako taldeekin
Bizkaiko Foru Aldundiak 2023ra arte 185 milioi euroko inbertsioa aurreikusi du trantsizio egitasmo batean, adinekoen egoitzetan zein etxeetan "eredu pertsonalizatuago bat" lortzeko.
Unai Rementeria Bizkaiko ahaldun nagusiak, Sergio Murillo Gizarte Ekintzako diputatuak eta Teresa Laespada Enplegu diputatuak plan berria aurkeztu dute.
Rementeriaren ahotan, "epe luzeko zaintza behar duten pertsonen arreta hobetu, XXI. mendera egokitu, foru sistema modernizatu, teknologia uztartu eta hurbiltasuna areagotu nahi dugu".
Egoitzetan 25 pertsona arteko elkarbizitza unitateak aurreikusten ditu egitasmoak, "arreta pertsonalizatuago bat" errazteko, "etxean bezala izateko". Horretarako, ia 113 milioi erabiliko dituzte 2023ra arte.
2023an 25 pertsonako taldeak foru sarearen % 35ean ezartzeko helburua jarri dute, hau da, 3.000 adineko baino gehiagora iristea.
Orain arte 31 zentrok hasi dituzte tramiteak, unitateak sortzeko.
43 milioiko inbertsioarekin, eskualdeko lau lantalde jarriko dira martxan, elkarbizitza unitateak laguntzeko. Zerbitzu soziosanitario bereziak eskainiko dituzte.
Lehen lantaldea Birjinetxen jarriko da martxan, Bilboko egoitzak laguntzeko; ondoren beste hiru jarriko dituzte lanean, Enkarterri-Ezkerraldean, Uriben eta Barrualdean.
EtxeTIC
Gainera, eguneko zentroetan 'EtxeTIC' eredua ezarriko dute. Eguneko zentro baten arreta eta teknologien bidez etxez etxeko arreta uztartuko dira, menpekotasun egoeran diren pertsonentzako.
Bilboko Etxaniz zentroa izango da aurrena. Datozen asteetan 25 pertsonari ohiko arreta eskainiko die, eta beste 750 inguru etxean artatuko dituzte zentro inguruan.
Aldundiak 22,5 milioi bideratuko ditu eredua martxan jartzeko, 2023an menpekotasun egoeran diren 21.245 pertsonen % 50 modu horretan artatzeko.
Etxaniz zentroaren ostean, EtxeTIC ereduarekin bat egingo dute Zallak eta Etxebarrik.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.