Sumendiak 46 milioi metro kubiko magma jariatu ditu dagoeneko, Teneguiak 1971n baino gehiago
Duela zortzi egun Cumbre Viejan (La Palma) hasi zen erupzioak arrakala motako sumendietako bilakaera normalarekin jarraitzen du. Adituen arabera, etenaldiak izan ditzake, astelehen honetan pare bat orduz gertatu bezala. Laba eta errautsa botatzeari utzi dio tarte horretan. Hala ere, sumendiak 46,3 milioi metro kubiko laba jariatu ditu dagoeneko, Teneguiak 1971n baino gehiago.
Miguel Angel Morcuende Pevolca batzorde teknikoaren zuzendariak eta Maria Jose Blanco batzorde zientifikoko bozeramaileak prentsaurrekoa eman dute. Prozesuan izango diren egoera aldaketek ez dute inor kezkatu behar, adituen arabera.
Blancok azaldu duenez, pultsu magmatikoak izan dira (desagertzen diren zutabe zuriak dira, eta altuera handia harrapatzen dute).
Bestalde, nahiz eta konoan leherketak eten, "berriz gerta daitezke, eta bat-batean", erantsi du.
Gas kopuruak behera egin du, eta labaren bidean aldaketak izan dira. Era berean, material gutxiago heldu da lurrazalera, Hierroko Tagoro sumendian 2011n gertatu bezala. Lurrikarak hegoalderago errepikatu dira, 3,2 graduko lurrikarak izan baitira Fuencalienten, 8 eta 13 kilometro arteko sakoneran.
Blancoren hitzetan, horrek esan nahi du uhartearen hegoaldean berriro material magmatikoa sartzen ari dela.
Adituaren esanetan, bi kolada aktibo daude: bata abiadura "oso motelean" doa eta bestea bitan zatituta dago. Azken horietako batek Todoqueko mendiarekin tupust egin du, eta, ondorioz, mantsotu egin da, baina azkenean inguratu "eta abiadura handiagoan doanarekin bat egingo du".
Laba Tazacorteko kostaldean itsasoratzea "litekeena da", zehaztu du Blancok. Hala ere, kolada nagusia mantsotu egin da; bestela, goizean bertan iritsiko zen itsasora.
"Ez dakigu helduko den, gaur goizean iritsi behar zela pentsatu genuen atzo. Ibilbidea ez dago argi, droneekin jarraipena egiten diegu, eta baita azterketa termografiko bat ere, laba nolakoa den jakiteko; etengabe jarraitzen ari gara, eta laba biguna denean, itsasora gerturatuko da, baina tenperatura eta likatasuna aldatzen dira", nabarmendu du.
Zentzu horretan, San Borondonen, Marina Altan, Marina Bajan eta La Condesan (Tazacorte) 300 bat pertsona etxean konfinatzeko erabakia neurri "prebentiboa" dela esan du adituak, gasek larruazalari, begiei eta arnas aparatuari kalte egin diezaieketelako.
Sumendiak laba, errautsak eta kea isurtzeari utzi dio goizean (Euskal Herrian 09:30 zirenean), baina handik bi ordu pasatxora (11:45ean), berriz ekin dio bere jardunari. Gainera, aktibitate sismikoa berreskuratu du, eta 16 lurrikara txiki izan dira uhartearen hegoaldean, Fuencaliente iparraldean, Espainiako Institutu Geografikoaren arabera.
Involcan Kanarietako Institutu Bolkanologikoak berretsi duenez, dardara bolkanikoa "ia desagertu da", baita jarduera leherkor estronbolianoa ere. Ez da lehen aldiz gertatu, eta fase berri baten hasiera ekarri ohi du.
Zure interesekoa izan daiteke
Basauri BEA futbol taldearen hurrengo hiru partidetara ez du epailerik bidaliko Bizkaiko Arbitroen Batzordeak
Epailerik gabe, beraz, partida ezingo da jokatu. 16 urteko arbitro emakume bat iraintzeagatik eta mehatxatzeagatik ezarri diote zigorra futbol taldeari.
Corellako 14 urteko adingabe bat saldu eta ezkontzera behartu zuten pertsonak epaituko dituzte
Kasua ikertu duen epailearen ustez, gertakariak gizakien salerosketaren delitu izan daitezke. Autoaren arabera, gaztea ezkontzera behartu zuten "5.000 euro, bost whisky botila eta janariaren truke" eta, ondoren, Kataluniako hainbat udalerritan eskean aritzera behartu zuten.
24. Korrikaren amaiera: festa erraldoia Bilbon, igandean
Martxoaren 29an Bilboko udaletxean amaituko da 24. Korrika, "Euskara gara" lelopean, eta egun osoan zehar jarduera desberdinez osatutako egitarau zabala izango da.
Euskal hiztunen "eguneroko errealitatearen lagin txiki bat": 883 urraketa, 2025ean
Hizkuntza Eskubideen egoerari buruzko txostena aurkeztu du Behatokiak. Ondorio nagusia da "araugintzan errotiko aldaketak" egin ezean, "atzerapausoak emateko arriskua gero eta nabarmenagoa" dela. Azaldu dutenez, zenbait lanpostu publikotan euskararen ezagutza ez izateak sistema osoaren euskaraz funtzionatzeko gaitasuna oztopatzen du.
Eusko Jaurlaritzak Trans Memoriaren Eguna izendatu du azaroaren 20a
Dekretua elkarte eta erakunde sozialekin lankidetzan egin da, besteak beste, Naizen, Errespetuz eta Loratuz Lotu elkarteekin. Besteak beste, aukeratutako dataren proposamenean eta adostasunean parte hartu dute.
Akusatutako irakaslearen ikasle ohia: "Guk ere lekuz kanpo zeuden iruzkinak entzun behar izan genituen 11-12 urte genituenean"
Oiartzungo Elizalde ikastetxean irakasle akusatuaren ikasle izan ziren hainbat emakume Gipuzkoako Probintzia Epaitegira hurbildu dira gaur biktimei babesa ematera. Horietako batek azaldu duenez, 11-12 urte zituztenean "iruzkin lizunak" egiten zizkien gizonak, eta epaiketan entzundakoaren aurka, ziurtartatu duenez, gizona bera zen gerturatzen zitzaiena eta "lekuz kanpoko iruzkinak" egiten zizkiena. Ikasgelan bideo pornoak jartzen zizkiela eta hitz-joko lizunak egiten zituela esan dute, eta "nazkagarria" eta "lotsagabea" zela.
Irungo institutu batean diruaren truke ikasleei sexu harremanak proposatzea leporatzen dioten irakasleak akusazioak ukatu ditu, eta lan jazarpena salatu du
Fiskaltzak 22 urteko kartzela zigorra eskatu du irakasle horrentzat, 13 eta 15 urteko hiru adingaberi diruaren zein oparien truke sexu harremanak izateko proposamenak egitea egotzita.
Epaileak Amaya Zabarteren kasua artxibatu du, jaurtigaia nork bota zuen egiaztatu ezin duelako
Donostiako epaileak behin-behinean artxibatu du 2024ko martxoan jasandako lesioagatik irekitako auzia, eta familiak helegitea aurkezteko aukera du orain.
Epailearen arabera, Estatuko administrazioarena zen El Bocaleko pasabidea mantentzearen ardura, eta ikerketapean jarri ditu Trantsizio Ekologikoko bi funtzionario
Epailearen ustez, Estatuko administrazioa da martxoaren 3an Santanderko hondartza horretan istripua izan zen pasabidearen "kontserbazio-egoera eta mantentzea egokia zela bermatzeko arduradun bakarra", eta pasabide horretako eta beste batzuetako lanak "amaitu gabe" daudela. Sei pertsona hil ziren eta bat larri zauritu zen, martxoaren 3an, itsaso ondoko pasabidea behera etorrita.
Alokairuen eskaintza, amilduta: Bilbon eta Donostian % 70 baino gehiago murriztu da
Iruñean alokairuen eskaintza % 47 jaitsi da, eta Gasteizen % 26, Idealistaren arabera. Bilbon, etxebizitza baten bila dabiltzanen lehiak % 864 egin du gora bost urtean.