Labak itsasoan izango duen eragina aberasgarria izango da epe luzera
La Palmako sumendiaren laba gauean iritsi da itsasora Tazacorte udalerriko kostaldean, eta kezka handia eragin du uhartean. Hala, La Palmako Kabildoak etxetik ez ateratzeko gomendioa egin die Tazacorten konfinatuta dauden biztanleei.
Labak itsasoan izango duen eraginak ere kezkatuta ditu agintariak. CSICeko bolkanologo eta Bartzelonako Geozientziak taldeko zuzendari Joan Martik esan duenez, hasiera batean itsasoko floran eta faunan eragin kaltegarria izango badu ere, epe luzera, eragina aberasgarria izango da.
Adituaren arabera, 2011n El Hierron gertatu zen urpeko erupzioan gertatu zen moduan, laba itsas ekosisteman sartzeak eragin negatiboa izango du lehen momentuan, materiala oso tenperatura altuan sartzen baita urpean. Era berean, elementu kimikoak sartzen dira.
Dena dela, aurrera begira, ekosistema lehen zena baino gehiago ugaldu eta aberastuko da, Joan Martinen esanetan.
Laba Tazacorteko kostaldean sortzen ari den deltaren harira, uhartea "apur bat" haziko dela adierazi du bulkanologoak, baina ez dela uharte berririk sortuko.
Kezka dago, aldi berean, labak itsasoko ura ukitzen duenean askatzen diren gasen inguruan. Bartzelonako Geozientziak taldeko zuzendariak, ordea, lasaitasunareko deia egin du.
Erreakzio bidez sortzen diren gas horien kopuruak txikiak dira eta "oso azkar" barreiatzen dira. Hori dela eta, agintariei kasu eginez gero herritarrek ez dutela arazorik izango esan du Joan Martik.
Dena dela, astelehen honetan bertan Involcan Kanarietako Institutu Bolkanologikoak ohartarazi duenez, laba itsasora iristeak arnasteko zailtasunak eragin ditzake, batez ere aurretik arnas aparatuko gaitzak dituztenei. Gainera, larruazaleko eta begietako narritadura sor ditzakete, gas eta likido azidoak arnastu edo ukituz gero.
Zure interesekoa izan daiteke
San Juan ontziaren uretaratzea, zuzenean
Jarraitu zuzenean Albaolatik Itsas Kultur Faktoria (Pasai San Pedro), San Juan ontziaren uretaratzea, munduko itsas ondarearen historian mugarri izango den gertaera.
Gazteek inoiz baino gutxiago edaten eta erretzen dute, baina Euskal Herrikoak cannabisaren kontsumoaren buruan daude
ESTUDES txostenak egiaztatu duenez, alkoholaren, tabakoaren eta cannabisaren kontsumoak behera egin du Euskadiko nerabeen artean, azken 25 urteetako mailarik baxuenetara. Hala ere, Euskadi kalamuaren kontsumoaren buruan dago 14-18 urte bitarteko adingabeen artean, eta Estatuko mozkorraldien tasarik handiena ere badu.
Albiste izango dira: Eskola jazarpenaren aurkako eguna, klima aldaketari buruzko goi bilera eta abisu horia itsasaldeko arriskuagatik
Gaurkoan Orain-en albiste izango direnen laburpena, bi hitzetan.
Adimen Artifiziala, bullyinga egiteko tresna berria: “Hezkuntza digitalean hezi behar ditugu haurrak”
Azken urtean, ziberjazarpena gauzatzeko adimen artifizialaren erabilerak nabarmen egin du gora, hainbat ikerketaren arabera. Gelakideren baten argazki, bideo edo audio bat manipulatuz bideo faltsuak sortzeko erabiltzen da AA, eta sare sozialen bidez zabaltzen dira. Mikel Cerezo gizarte hezitzaile eta adikzioetan adituak adierazi du orain "duela urte batzuk baino askoz bizkorrago" hedatzen direla edukiak, eta ondorioak suntsitzaileak izan daitezkeela.
Dani Alvarezek Euskal Kazetariak Saria jaso du
Dani Alvarez EITB taldeko kazetariarentzat izan da Kazetarien Euskal Elkargoaren aurtengo Euskal Kazetariak Saria. Bilboko BBK aretoan egindako sari-banaketa ekitaldian, pozik agertu da Alvarez, eta esan du "ohore" bat dela aitortza hau jasotzea. EITBren parte-hartzea duen "Natur Bizia" ikus-entzunezko lana ere nabarmendu dute Ingurumen Kazetaritza atalean.
Hiru adingaberi sexu-erasoak egin zizkien masajistari 26 urteko kartzela-zigorra ezarri diote
Gipuzkoako Auzitegiak jada agindu du gizona espetxeratzea. 14 urteko kartzela-zigorra ezarri dio 16 urtetik beherako adingabeei egindako bi sexu-eraso delituengatik (zazpi urte, biktima bakoitzeko), 10 urtekoa, 16 urtetik beherakoari egindako sexu-eraso jarraituagatik, eta, bi urtekoa, haurren sexu-ziberjazarpenagatik. Gainera, beste neurri batzuen artean, espetxetik ateratzen denean 17 urte egin beharko ditu zaintzapeko askatasunean, eta, orotara 40.000 euroko kalte-ordaina eman beharko die hiru biktimei.
Euskalmeten arabera, urria "oso lehorra" izan da: ohiko prezipitazioen erdia egin du
Arabako zenbait eremutan, mende honetan izan den "urririk beroena eta lehorrena" izan dute, eta batez besteko tenperatura ohi baino 1,2 ºC gorago egon da.
NEIKERrek animalia-osasunaren inguruko ikerketa indartu du, segurtasun handiko laborategia berrituta
Euspen Biologikoko 3. mailako laborategia handitu dute, eta laborategi eta gela espezializatu berriak jarri dira. Horrek arrisku handiko patogenoak aztertzeko eta biosegurtasunean aurrera egiteko gaitasuna optimizatzen du, animalien ongizatearen nazioarteko estandarrak errespetatuz.
Horrelakoa da NEIKERren Euspen Biologikoko 3. mailako laborategia (NCB3)
NEIKER Nekazaritza Ikerketa eta Garapenerako Euskal Erakundeak erabat berritu du Euste Biologikoko 3. Mailako Laborategia (NCB3), P3 laborategi gisa ere ezaguna, Derioko egoitzan. Aurrerapen hori funtsezkoa da tuberkulosia eta hegazti gripea eragiten dituzten arrisku handiko agente patogenoen azterketan, besteak beste.
Segurtasun Sailak abisu bereziak ezarriko ditu kostaldean ostegunean eta ostiralean, olatuengatik
Abisu horiek asteazken honetarako daudenei gehitu behar zaizkie; gaur indarrean dira abisuak baso-suteengatik, haize-bolada bortitzengatik eta, arratsaldeko hirurak eta bostak bitartean, kostaldean, olatuengaik, bi metrorainoko olatuak izango baitira.