Eusko Jaurlaritzak itzuli egingo ditu Alarma Egoeran ordaindutako isunak
Josu Erkoreka lehendakariorde eta Segurtasun sailburuak iragarri duenez, Eusko Jaurlaritzak itzuli egingo du, azkenean, lehen Alarma Egoeran kobratutako isunen dirua, irailaren 1eko EAEko Buletin Ofizialean kontrakoa argitaratu bazuen ere. Auzitegi Konstituzionalak etxeko konfinamendua Konstituzioaren aurkakoa izan zela ebatzi ondoren, epai hori aintzat hartuta, mugikortasunari lotutako murrizketak ez betetzeagatik irekitako espedienteak artxibatzeko eta ezarritako isunak baliorik gabe uzteko agindua eman zuen Segurtasun Sailak, baina soilik tramitean zeudenak (14.740). "Ordainketa azkar" bidez jada kobratuta zeuden 5.256 isun eta errekurtsoa jarri ondoren, santzioa behin betikoa zela erabaki zen 2.961 kasuetan ez zela dirurik itzuliko erabaki zen.
Eusko Jaurlaritzak zioen prozedura administratibo horiek jada "itxita" zeudela eta Auzitegi Konstituzionalak kaleratutako ebazpena oraindik irekita zeuden espedienteei eragiten ziela.
Irizpidea aldatu du orain Exekutiboak eta kobratutako isunen dirua itzultzea erabaki du, "diskriminazio egoerak saihesteko. Adibidez, zibismoz, jada ordaindu dutenen, eta jarrera zikoita erakutsiz, ordainketa ahal den gehiena atzeratu dutenen artean". Guztira, 1,6 milioi euro itzuliko dira Deia egunkarian egindako elkarrizketan zehaztu duenez.
Erkorekak azaldu duenez, "azterketa juridiko sakonaren ostean", Eusko Jaurlaritzak ondorioztatu du "ia marko zigortzaile guztia erabat desegitea" eskatzen duela epaiak, eta horregatik, espedienteak geldiarazteaz gain, jada ordainduta zegoena itzultzea erabaki duela Jaurlaritzak, bai azkar ordaindu zutenei baita espedientea tramitatu ondoren, errekurtsoa ezarri, santzioa berretsi eta ordaindu zutenei ere.
Segurtasun sailburuak gogor defendatu du isunak ez zirela "kapritxoa" izan, "araudia betetzeari baldintzatuta baitzegoen jendearen osasuna eta bizitza zaintzea", eta horregatik, juridikoki gertatu dena ikusita, lan horrek ez zuela "ezertarako balio izan" uste dute Segurtasun arduradunak eta sentsazio horrekin lan egitea gogorra dela adierazi du: "orain kalera irten behar dute euren funtzioak bete eta araudia betetzen dela bermatzera, eta ez dakigu ze punturaino gera daitekeen orain egiten dena ezerezean etorkizunean, guztia atzera bota dezakeen auzitegiak badaude. Desanimo faktore garrantzitsua da.
2020ko martxoaren 14tik ekainaren 21era egon zen ezarrita Alarma Egoera Espainiako Estatuan. Epe horretan 22.957 isun jarri zituzten EAEn udaltzainek eta Ertzaintzako agenteek, ezarritako neurri murriztaileak urratzeagatik.
Urtebete beranduago, 2021eko uztailaren 14an, Alarma Egoera legez kanpokoa izan zela ebatzi zuen Auzitegi Konstituzionalak. Epaileen arabera, Salbuespen Egoerak bakarrik ahalbidetu dezake konfinamendua, eta ez Alarma Egoerak. Modu horretan, Vox alderdiak Alarma Egoera atzera botatzeko aurkeztu zuen helegitea ontzat eman zuen Konstituzionalak.
Zure interesekoa izan daiteke
Honela geratu da La Guaira, 7,2 eta 7,5 graduko lurrikaren ostean
Tragediaren isla dira eroritako eraikinak, kalteak jasan dituzten azpiegiturak eta milaka biktima. Larrialdi-taldeek eremu kaltetuenetan lanean jarraitzen dute, kalteak neurtzen eta biktimak erreskatatzen.
Euskal Udalekuak elkarteak bere proiektua mehatxatzen duten erabaki politikoak salatu ditu, eta ekitaldi handi bat deitu du abuztuaren 29rako, Bernedon
Proiektuaren jarraipena arriskuan jartzen duten erabaki politikoak salatu dituzte. Egoera horren aurrean, euren ekimena defendatzeko eskura dituzten "baliabide guztiak" erabiliko dituztela adierazi dute, eta ekitaldi handi bat deitu dute abuztuaren 29rako Arabako udalerrian. Aldi berean, haur eta gazteei zuzendutako udako kanpaina berri bat prestatzen jarraitzen dute.
Navatz, Usi eta Anotz hustu dituzte, Ezkabarten piztu den suteren ondorioz
SOS Nafarroak jakinarazi duenez, 22:00ak aldera sutea egonkortzea lortu dute. 17:40 inguruan piztu da, eta haizearen ondorioz, berehala zabaldu da.
Mattin Aiestaran:"Baskoiek, iberiarrek eta Erdi Aroko euskaldunek abar hitza konpartitzen zuten"
Javier Velaza katedradunak eta Mattin Aiestaran adituak Irulegiko indusketetan "abar" hitzaren aurkikuntzaren garrantzia azaldu dute. Hizkuntza iberikoak, baskoiak eta euskaraz zaharrak (Erdi Arokoak) hiztegia konpartitzen zutela ondorioztatu dute.
28 urteko gazte bat itota hil da Arga ibaian, Uharten
Nafarroako Gobernuak jakinarazi duenez, istripuz uretara erori eta Dorraburuko presaren inguruan desagertu da.
Uda honetan Euskadiko errepideetan saihestu beharreko puntu kritikoak
Irteera Operaziorako dispositibo berezia bihar, ostirala, jarriko da martxan 15:00etan, orduantxe espero baitira uda honetako lehen auto-ilarak errepideetan. Eusko Jaurlaritzaren aurreikuspenen arabera, nazioarteko 2,27 milioi ibilgailuk zeharkatuko dute erkidegoa uda honetan, hau da, iaz baino % 6 gehiagok.
Nola baloratuko da euskararen ezagutza enplegu publikoan lege berriarekin?
Eusko Legebiltzarrak onartutako lege-aldaketak aukera emango du euskararen ezagutza lanpostua eskuratu ondoren egiaztatzeko, eta sistema berri bat ezarriko du hizkuntzaren ezagutza eskatuko duten lanpostuen kopurua kalkulatzeko.
Lehen zenbaki baskonikoa aurkitu dute Irulegin, "abar", eta gaur egungo "hamar" zenbakiaren aurrekaria izan daiteke
Aranzadi Zientzia Elkarteak egin du aurkikuntza, Irulegiko baskoien kanpamenduan (Arangurengo ibarra, Nafarroa). "Abar" inskripzioa, Irulegiko eskua agertu zen etxebizitza bereko biltegi-ontzi batean aurkitu dute, eta hamar zenbakiari erreferentzia egiten diola uste dute.
Hamabost lagun atxilotu eta hamar emakume askatu dituzte Gipuzkoan, gizakien trafikoaren aurkako operazio batean
Atxilotuak 10 emakume eta bost gizon dira. "XXI. mendeko esklabotza da; emakumeen eta nesken trafikoak gizakion duintasunaren eta gizateriaren beraren aurka egiten baitu", azpimarratu du Marisol Garmendia Espainiako Gobernuak EAEn duen ordezkariak.
Bihartik aurrera, isunak jarriko dituzte Donostiako hondartzetan erretzeagatik
Donostian, ordenantzak debekatu egiten du tabakoa erretzea eta bozgorailuak entzungailurik gabe erabiltzea hiru hondartzetan, hau da, Kontxan, Ondarretan eta Zurriolan. Isunak mailakatuak dira: 100 eta 200 euro artekoak oharra jaso ondoren jokabidea zuzentzen bada, eta 500 eta 750 euro artekoak kasurik egiten ez den zein araua behin baino gehiagotan urratzen den kasuetan.