Espainiako Gobernuak ezarritako etxeko konfinamendua baliogabetu du Konstituzionalak
Pandemiari aurre egiteko Espainiako Gobernuak iaz ezarritako etxeko konfinamendua legearen kontrakoa izan zela ebatzi du Auzitegi Konstituzionalak. Sanchezen Gobernuak 2010ko martxoaren 14an mugatu zuen pertsonen zirkulazio askea, lehen alarma egoeraren baitan. Voxek lege dekretu horren kontrako helegitea aurkeztu zuen Konstituzionalean, eta beraz, partzialki bada ere, helegite hori aintzat hartu du goi auzitegiak. Zehazki, pertsonen eta ibilgailuen mugikortasuna mugatu zituen puntuak baliogabetu dituzte, baita Osasun Ministerioari merkataritza alorreko erabakiak hartzeko eskumena ere.
Erabakia oso emaitza estuarekin hartu dute epaileek (11tik sei bozkatu dute alde, eta beste bostek, kontra). Honakoek boto partikularra eman dute: Juan Jose Gonzalez Rivas Auzitegiko presidenteak, eta Andres Ollero, Juan Antonio Xiol, Candido Conde-Pumpido eta Maria Luisa Balaguer magistratuek.
Hainbat bilkuren eta eztabaidaren ostean hartu dute erabakia. Encarnacion Roca presidenteordearen aldeko botoak mugiarazi du balantza epaile kontserbadoreen mesedetan.
Gainerako bost magistratuek (hiru aurrerakoi eta bi kontserbadore), aldiz, uste dute Espainiako Gobernuak ondo jardun zuela etxeko konfinamendua ezartzeko orduan.
Zehazki, lege dekretuaren 7. artikuluko 1,3 eta 5 puntuak baliogabetu ditu auzitegiak, pertsonen zein ibilgailuen zirkulazio askea mugatzen zutenekoak.
Halaber, egoera hartan Osasun Ministerioari emandako eskumen bereziek konstituzioa urratu zutela ebatzi dute. Hala nola, merkataritza, kultura eta ostalaritza alorrean murrizketak hartzeko gaitasuna.
Horrenbestez, Pedro Gonzalez Trevijano magistratuaren irizpidea nagusitu da. Treviajnok Voxek eskatuta aztertu zuen gaia, eta alarma egoera konstituzioaren kontrako zela ebatzi.
Epaia datozen egunetan kaleratuko dute, baita egon diren boto partikularren argudioak ere.
Espainiako Gobernuak beste erabaki bat espero zuen
Ebazpen horrek ezustean harrapatu du Espainiako Gobernua, eta alarma egoera "legezkoa" eta "bizitzak salbatzeko nahitaezkoa" izan zela nabarmendu dute Moncloako iturriek.
Santiago Abascal Voxeko presidenteak, berriz, pozik hartu du Konstituzionalaren ebazpena. Horren ustez, "agerian geratu da historiako eskubide urraketa handiena konstituzioaren kontrakoa izan zela". Era berean, azpimarratu du bere alderdia izan zela kontra bozkatu zuen bakarra eta helegitea aurkeztu zuen bakarra.
Ildo horretan, Espainiako Gobernuak zehaztu du eskuin muturreko alderdiak lehen alarma egoera ezartzearen alde bozkatu zuela Kongresuan egindako bozketan.
Zure interesekoa izan daiteke
Uharteko bizilagunak haserre, herriko apaizak Ceutako migrazio-krisiari buruz egindako adierazpenengatik
Uharteko (Nafarroa) biztanleak haserre daude Javier Aizpun herriko parrokoarekin, X sare sozialean (lehengo Twitter) migratzaileak Ceutara iristeari buruz zabaldu zituen mezuengatik. Kritiken ostean, apaizak barkamena eskatu du eta bere kontua ezabatu du. Argitalpenetako batean, apaizak zioen "Rabat bonbardatu" egin behar dela, Marokoren aurkako neurri gogorrak ezartzearen aldeko hainbat mezurekin batera. Aizpunek adierazi zuen, halaber, suarekin erantzun beharko litzaiekeela Ceutan sartzen saiatzen diren migratzaileei, eta Maroko "errekonkistatzea" proposatu zuen, haren hitzetan, "jatorrizko Espainia" berreskuratzeko, Erromatar Inperio garaiko Hispaniari erreferentzia eginez.
Nola ikusiko da eguzki-eklipsea zure herritik? Kontsultatu hemen fenomeno historikoari behatzeko mapak
Ilargiak erabat ezkutatuko du Eguzkia 2026ko abuztuaren 12an: Euskal Herrian 2183. urtera arte ez da berriro ikusiko horrelako fenomenorik. Eguzki-eklipse osoa ilunabarrean hasiko da, eta egunak "bi ilunabar" izango ditu. Eklipsea Orain.eus-en bidez zuzenean jarraitu ahal izango da.
Perez-Iglesias: "Eklipsea ikusiko den lekuetan milioi bat bisitari izango dira"
Eklipsea etxetik gertu eta urrun joan gabe ikusteko gomendioa egin du sailburuak. Milaka betaurreko banatu dituzte iada mugarritzat jo duen fenomenoa ikusteko. Pozik agertu da eklipseak zientzia plazara eramateko balio izan duelako.
Kolon eta ondesteko minbiziaren baheketak erdira murriztu du hilkortasuna Euskadin
Biogipuzkoako eta EHUko ikertzaileak buru ditu ikerketak eta JAMA Network Openen argitaratu dute. Horren arabera, kolon eta ondesteko minbiziaren baheketaren programak % 50 murriztu du hilkortasuna 50 eta 69 urtekoen artean, bi hamarkadatan.
2.200 bat emakumeri eraso die gizon bikotekideak edo bikotekide ohiak, Euskadin, 2026ko lehen seihilekoan
Emakunderen arabera, % 7 igo da 2025aren aldean. Familia barruko indarkeriaren biktimen kopurua % 20 hazi da Araban, eta erasoa jasan duten biktimen kopurua % 10 igo da Gipuzkoan.
Bi pertsona zauritu dira A-8an, trafiko-istripu batean, Muskiz parean, Kantabriarako noranzkoan
Istripua bi kilometroko auto-ilarak eragin ditu. Kantabriarako zirkulazioa 236. irteeratik bideratzen ari da.
Guardia zibil batek bikotekide ohia hil du Llanesen, hura ere agentea
Hilketaren ondoren, ihes egiten saiatu da erasotzailea, eta ahalegin horretan, inguruan zeuden beste agente batzuk tiroka erantzun diote. Bertan zendu da.
Lizarran hildako gizonaren bikotekide ohiak azaldu du indarkeria fisikoa eta psikologikoa pairatu zituela hainbat urtez
Gizona balkoi batetik erorita hil zen, Poliziarengandik ihesi zihoala, azken horiek indarkeria matxistagatik abisua jaso ondoren.
Donostiako Udalak eraso sexisten aurkako Aste Nagusirako kanpaina aktibatu du: puntu morea Boulevardean egongo da
Ane Oyarbide Berdintasun zinegotziak adierazi duenez, "elkarbizitza, errespetu eta askatasun gunea izan behar du Aste Nagusiak, pertsona guztientzat".
Uharteko parrokoak barkamena eskatu eta sareak utzi ditu
Ohar baten bidez argitu duenez, Iruñeko eta Tuterako elizbarrutia ez dago ados Javier Aizpunek zabaldutako mezuekin, eta aita santuaren hitzak aipatuta, "giza duintasunak pasaporterik ez" duela esan du.