Aita Marik 105 migratzaile erreskatatu ditu Maltako uretan
Aita Mari ontziak 105 migratzaile erreskatatu ditu goizaldean Mediterraneoan, Maltako uretan.
Gipuzkoako Itsas Salbamendu Humanitarioa gobernuz kanpoko erakundeak ohar bidez azaldu duenez, Lampedusa irlaren hegoaldean nabigatzen ari zirela, arrantza-ontzi baten abisua entzun dute irratiz, txalupa bat noraezean ikusi dutela ohartarazita.
Migratzaileenganaino iritsi direnean, Maltako agintariekin harremanetan jarri da Aita Mariko tripulazioa, baina erantzunik jaso ez dutenez, txalupan zihoazen pertsona guztiak erreskate-ontzira eramatea erabaki dute.
Migratzaile guztiak gizonezkoak dira eta tartean bi adingabe daude. Nekatuta eta hainbat kolperekin agertu dira asko. Osasun azterketa bana eta covid-19aren probak egingo dizkiete guztiei.
Aita Mari ontzia migratzaileak lehorreratzeko portu seguru bat bilatzen saiatuko da orain.
Bestalde, Sea Watch 3 ontzi alemaniarrak beste 412 migratzaile erreskatatu ditu inguru berean 48 ordutan.
Urtea hasi zenetik 1.179 migratzaile hil dira Mediterraneoan, eta 39.694 portu ez-seguruetara eraman dituzte kostazainek.
Migratzaileak erreskatatzeko dispositibo bat abian jar dezala eskatu die Itsas Salbamendu Humanitarioak Europako agintariei, "Libia finantzatzeari utzita".
Halaber, migratzaileentzako pasabide seguruak sor ditzatela galdegin dute.
Zure interesekoa izan daiteke
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.