Bi koladak bat egin ondoren labak auzoa ez suntsitzea espero dute La Lagunako bizilagunek
Atzo herri-gunean sartu ziren bi laba koladen bilakaera arreta handiz jarraitzen ari dira La Laguna (Los Llanos de Aridane) auzoko bizilagunak. Gaur kolada bakarra osatu dute, eta urruntzeko norabidea hartzen ari dela ematen du.
Auzoa hustu zuten, eta azken orduetan labapean desagertzeko zorian izan da, duela aste batzuk Todoqueri gertatu bezala.
Jarduera-sismikoa zertxobait igo da azken orduetan La Palma uhartean, eta 38 lurrikara zenbatu dituzte gauerdiaz geroztik, Institutu Geografiko Nazionalak (IGN) emandako datuen arabera. Gainera, Aridane eta Tazacorte udalerrietan, 50 bat etxebizitza husteko agindua eman dute, kostaldera hurbiltzen ari den isurketa dela eta.
Hain zuzen ere, Las Martelas auzoko (Los Llanos de Aridane) eta Marina Alta, Marina Baja, La Condesa eta Cuesta Zapata (Tazacorte) auzoetako bizilagunak etxetik irtenarazi dituzte gaur gauean. Gainera, atzo goizean, isurketa baten laba La Laguna auzoko (Los Llanos de Aridane) erdigunera iritsi zela ohartarazi zuten.
Orain arte, 7.000 pertsona baino gehiagok utzi behar izan dituzte euren etxeak erupzioak kaltetutako zonaldean, eta horiei itsasora iristear dagoen isurketaren bidean dauden auzoak gehitu behar zaizkie.
La Palmako Kabildoak jakitera eman duenez, Tazacortetik ebakuatutako bizilagunek eta El Remoko (Los Llanos de Aridane) eta Bombillakoek (Tazacorte eta Los Llanos artean), segurtasun perimetrotik kanpo daudenek, alegia, gaur egunean zehar etxera sartzeko aukera izango dute gauzak hartzera.
Gaur gauerdiaz geroztik, 38 lurrikara izan dira La Palma uhartean. Handiena, 4,3koa eta IV. intentsitatekoa, Villa de Mazon izan da, 37 kilometroko sakoneran, eta herritarrek sentitu dute. Horietako bederatzik 3. magnitudea gainditu dute, guztiak Fuencalon, 3,1 eta 3,7ko tartean.
Sumendiak guztira 866,1 hektarea estali ditu erupzioa hasi zenetik, eta 2.185 eraikin suntsitu ditu. Halaber, beste 76 eraikin mehatxupean daude, Copernicu satelite sistemak gaur gauerdian egin duen azken neurketaren arabera.
"Kanarietako herritarrak sumendiaren gainean bizi dira eta ebakuatzea beste biderik ez dago"
Carmen Romero La Lagunako Unibertsitateko Geografia Fisikoko irakasle titularrak nabarmendu duenez, Kanarietako bizilagunak sumendi baten gainean bizi dira, eta, zoritxarrez, ebakuazioa da sumendi-erupzio baten ondoren sortzen diren isurketen aurka dagoen babes bakarra.
Romeroren arabera, irailaren 19an La Palman piztu zen sumendiak orain arte uhartean sumendi batek eragin dituen kalte handienak sortu ditu, eta berretsi du Kanarietan bizi den sumendi-egoera ezin daitekela Etnakoarekin edo Vesubiokoarekin aldendu; Kanarietako artxipelagoan daudenak baino askoz handiagoak badira ere, sumendien goikaldean ez da inor bizi.
Albiste gehiago gizartea
San Adriango kobazuloan neandertalak bizi izan zirela berretsi du Aranzadik
40.000 urte baino gehiago dituzten piezak berreskuratu dituzte arkeologoek. Aranzadik bi hamarkada daramatza Gipuzkoan, Aizkorri mendilerroan, dagoen tunel horretan indusketak egiten. Historiako garai ugaritako aztarnak aurkitu dituzte.
Euskararen aurkako azken epaia salatzeko elkarretaratzeak deitu ditu UEMAk larunbat honetan, udaletxeen aurrean
Euskarak "justizia" behar duela nabarmendu du Martin Aramendi Udalerri Euskaldunen Mankomunitateko (UEMA) lehendakaria, eta Auzitegi Gorenetik heldu dena, "ez da justizia, euskara bigarren mailara kondenatzen duen epaia baizik". "Horregatik, aukera guztiak aztertu, eta prest gaude EAEko udal legea dagokion lekuan defendatzeko, baita Europako auzitegietan ere, zerbitzu juridikoek horretarako aukera ikusiz gero", gaineratu du. Halaber, gogoratu du EAEko udal legea "mugarri" izan zela udalerri euskaldunentzat, "elebitasun simetrikoa gainditzeko eta euskara lehenesteko aukera eman zuelako".
Atzerapenarekin bada ere, iritsi dira Saharako haurrak Euskal Herrira
Agiriak tramitatzeko izan dituzten arazoen ondorioz, 15 egun beranduago iritsi dira Euskal Herrira Saharako 213 neska-mutikoak. Orain bertako familietan edota aterpetxeetan igaroko dute uda abuztu bukaera arte. Behar dituzten osasun frogak egiteaz gainera, elikadura hobetzea eta basamortuko 50 graduko tenperaturak ekiditea da Oporrak Bakean ekimenaren helburua.
Izaskun Ellakuriaga Bustintza kazetari bizkaitarra hil da
Hainbat hedabidetan aritu zen lanean, tartean Bizkaia Irratian edota 'Bertsolari' aldizkarian. Horrez gainera, erakunde ugariren komunikazio aholkularia ere izan zen, besteak beste, Gerediaga elkartekoa eta Durangoko Azokakoa.
"Torre Pachecoko migratzaileek ultraeskuinak egoera astindu aurretik zegoen bizikidetza itzultzea besterik ez dute nahi"
Asier Sanchez ETBk Torre Pachecon duen berriemaileak nabarmendu du, bertako meloi zelai batetik, poliziaren presentzia izugarria dela herrian, batez ere San Antonio auzoan. Bertan biltzen da magrebtar biztanleria. Ultraeskuindarrek beste elkarretaratze bat deitu dute gaurko, 20:00etan, baina ez dute horretarako baimenik. Torre Pachecoko bizilagunek atzoko egoera errepikatzea espero dute.
"Kezkatuta eta beldur handiarekin gaude. Nire semeak ez du etxetik irten nahi"
Joan den ostiralean 16 urteko gazte bat jipoitu zuten Torre Pachecon. Duela 23 urte Murtziako herria honetan bizi den emakume ondarroar baten eta marokoar baten semea da gaztea. Domingoren aurkako erasoa salatzeko manifestazio baketsu batera joan zen lagunekin, baina, sareetako bulo baten ondorioz, Domingoren erasotzailearekin nahastu zuten, eta pertsona talde batek lintxatu egin zuen. Amak herrian eta familian bizitzen ari diren amesgaiztoa kontatu digu.
Sareetako eduki arrazistek gora egin dute, diskurtso "oldarkorragoa eta sofistikatuagoa" erabilita
Sare sozialetan gorroto-diskurtsoa monitorizatzen duen behatokiak mota honetako 54.000 eduki baino gehiago atzeman zituen ekainean: % 81 Afrika iparraldeko pertsonei zuzenduta zeuden, eta plataformek mezuen % 29 baino ez zituzten ezabatu.
Albiste izango dira: udako helmugarik gogokoenak, abisu horia beroagatik eta elkarrizketa Domingori
Gaurkoan albiste izango direnen laburpena, bi hitzetan.
Hiru pertsona zauritu dira Cadreitan, zezen batek harmailetara salto egin eta gero
Zezen bat harmailetara igo zen errekortari baten atzetik, Cadreitan (Nafarroa). Animaliak errekortaria eta gradetan zeuden bi zauritu zituen. Ekitaldia aldi baterako bertan behera geratu zuten.
Udako helmugarik gogokoenak: Nora goaz euskal herritarrok oporretan?
Zenbaki handietatik haratago, hurbiltasunak pisu handia du uda sasoiko joan-etorrien mapa marrazterakoan, nahiz eta Mediterraneoak eta hirigune handiek erakargarritasunari eusten dioten.