La Palmako sumendiaren bigarren kolada itsasotik gertu dago, erupzioa gertatu eta hilabetera
Gaur hilabete bete da Cumbre Vieja, gaur egun munduan gehien kontrolatzen den sumendietako bat, erupzioan sartu zenetik La Palma uhartean. Erupzioak "indartsu jarraitzen du", eta bigarren kolada ordu gutxi barru iritsiko da itsasora, David Calvo Kanarietako Institutu Volkanologikoko (Involcan) bozeramaileak astearte honetan azaldu duenez.
Gauean, laba-material asko iritsi da bigarren kolada horretara, eta, beraz, azkarrago egin du aurrera. Eguerdian, labarretik 30 bat metrora zegoen, Tazacorten. Calvoren hitzetan, bizilagun gehiago irtenarazi beharko dituzte etxetik.
Erupzioaren bilakaerari dagokionez, Involcaneko bozeramaileak esan du "egonkor" jarraitzen duela, "laba asko" isurtzen duelako eta gasak botatzen jarraitzen duelako, eta badirudi "denbora luzerako" jarraituko duela horrela.
Astelehenean, 10.000 tona sufre dioxido erregistratu zituzten, eta sumendia baretzen hasi dela esateko 400 edo gutxiago erregistratu behar dira, adituaren esanetan.
Horrela, labak 763 hektarea harrapatu eta 1.956 eraikin suntsitu ditu, Segurtasun Nazionaleko Departamentuak astearte honetan emandako datuen arabera.
Adituen aburuz, sumendiak 75 milioi metro kubiko laba baino gehiago kanporatu ditu hogeita hamar egunetan.
La Palmako aireportua martxan dago astearte honetan, baina atzerapenak daude uharteen arteko hegaldietan, errauts-hodei bolkanikoek 4.200 metroko altuera duen zutabea osatzen baitute. Tenerifeko aireportua ere normaltasunez ari da lanean, baina atzo bertan behera utzi zituzten hegaldiak eta batzuk desbideratu egin zituzten.
Sumendien arriskuagatiko Babes Zibileko eta Larrialdiei Aurre Egiteko Plan Bereziaren zuzendaritzak El Pasoko biztanleei gomendatu die gaur 14:00etatik 21:00etara ez ateratzeko kalera, airearen kalitaterako kaltegarriak diren baldintza meteorologikoak ikusita, itsasotik datorren kalima eta haizea sartzea espero baitute.
Bien bitartean, gaur bertan behera utzi dituzte aurrez aurreko eskolak Tazacorteko bi ikastetxetan, laba kostaldera irits daitekeelako, eta atzo, astelehena, Los Llanos de Aridaneko 4.500 ikaslek eta ia 600 irakaslek eskolei ekin zieten, hilabete klaserik gabe pasatu eta gero.
Geografia Institutu Nazionalak emandako datuen arabera, gauerditik La Palma uharteko jarduera sismikoa zertxobait murriztu da aurreko egunekoarekin alderatuta; izan ere, 14 mugimendu erregistratu dituzte astearte honetako lehen orduetan.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.