Osasun Sailak gripean jarri du arreta eta iaz egon ez ziren katarroak badaudela ohartarazi du
Jose Luis Quintas Eusko Jaurlaritzako Osasun sailburuordeak aurten gripeak izango duen birulentziaz ohartarazi du, eta nabarmendu du hasiak direla iaz egon ez ziren katarro edo hotzeriak atzematen. Hala, "erne eta erantzukizunez" jokatzeko deia egin du gripearen kontrako txertaketan, batez ere zaurgarriena den biztanleriarentzat.
Quintasek Radio Euskadiko "Boulevard" saioan egindako elkarrizketa batean adierazi duenez, gripea "oldarkorra" izango da jende nagusiarentzat eta patologiaren bat duten pertsonentzat. "Horrek ospitaleratzeetan izango du eragina, eta covid-19ak sortutakoekin batuko da", erantsi du.
Covid-19aren bilakaeraz galdetuta, Osasun sailburuordeak baieztatu du 14 eguneko intzidentzia metatua "modu jarraituan, motelean eta oso txikian" igotzen ari dela (tasa 81,24 kasukoa da; astelehenean 76,10 kasu ziren) eta hazten jarraitzea espero dutela. Dena dela, aipatu du beste adierazle batzuk egonkortu edo jaitsi egin direla, hala nola tasen arrazoia (intzidentzia zazpi egunetara), R0 indizea (1,05) edota ospitaleratzeak. "Sintoma ona da hori", aitortu du. Hala, Quintasek ez du uste olatu berririk izango denik: "Intzidentzia izaten jarraituko dugu, igoko da ala ez, agerraldiak egongo dira, eta horretara ohitu beharko dugu".
Hori horrela, "epe laburrean" behintzat ez du murrizketa gehiago aurreikusten. Zehaztu duenez, "baliteke, eta (Osasun) sailburuak sinatutako dekretuan jasotako neurrien artean, eta bilakaerak horrela jarraituz gero, murrizketaren bat gehiago hartzea". Quintasen aburuz, Gabonak "erdi normalak" izango dira.
Janssenen txertoa jaso zutenei errefortzu dosia ematearen harira Osasun Batzordeak hartu duen erabakiaz, Quintasek esan du Osakidetza azaroan zehar hasiko dela ematen. Gainera, garrantzia kendu dio beste etxe bateko (Pfizer ala Moderna) txertoa jartzeari: "Beti egin izan den gauza bat da, haurren txertaketan eta gripean bertan markak eta txertoak nahasten ditugu. Frogatuta dago txertaketa mota horrek immunitatea indartzen duela; ez dago inolako arazorik".
Azkenik, Lehen Arretan eskaintzen ari den aurrez aurreko kontsulta kopuruari dagokionez, sailburuordeak adierazi du % 50ekoa dela, baina handiagoa ere izan zitekeela. "Agendan herritarrek eskatutakoak baino leku gehiago dago", zehaztu du. Era berean, aitortu du pandemian zehar gora egin dutela nerabeen artean patologia batzuetan, elikadura-nahasmendu eta pertsonalitate-nahasmenduetan, atzemandako "diagnostiko larriak". Quintasen ustez, "pandemiaren eraginez hartu behar izan diren murrizketen ondorio izan dira".
Zure interesekoa izan daiteke
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".