Gizon bat atxilotu dute Errioxan 9 urteko mutiko bat hil duelakoan
54 urteko gizon bat atxilotu dute bart Errioxako Lardero udalerrian, 9 urteko mutiko bat hil duelakoan. Oiondik 10 kilometrora gertatu da. Antza denez, haurra parkean lagunekin jolasean ari zela, gizonak engainatu egin du berarekin joateko. Ustezko hiltzaileak aurrekariak ditu hilketagatik.
Espainiako Gobernuak Errioxan duen Ordezkaritzak jakinarazi duenez, hainbat lekukok adierazi dute atxilotuak haurra engainatu eta berarekin eraman duela.
Larrialdi zerbitzuek 20:25ean jaso dute haurraren desagerpenaren berri. Minutu gutxira haurra hilzorian aurkitu dute, ustezko hiltzailea alboan zuela. Hain zuzen ere, atxilotua bizi den eraikinaren ezkaratzean aurkitu dute.
Osasun langileak haurra suspertzen ahalegindu badira ere, bertan hil da.
Atxilotutako gizona iaz irten zen espetxetik 1998an Logroñon emakume bat hiltzeagatik ezarri zioten zigorra bete ostean.
Ikerketa
Atxilotuak Guardia Zibilak Logroñon duen kuartelean igaro du gaua. Gehienez ere 72 ordu egingo ditu bertan, eta gero epailearen aurrera eramango dute, ikerketako iturriek Efe albiste agentziari adierazi diotenez. Datozen orduetan, atxilotua Larderora eramango dute atzo gertaturikoa berreraikitzeko.
Bestalde, Espainiako Gobernuaren Ordezkaritzak azaldu du urriaren 25ean guraso batzuek salaketa jarri zutela Guardia Zibilaren aurrean. Salaketaren arabera, Larderoko Villa Patro ikastetxean gizon batek berarekin joateko gonbidapena egin zion neskato bati, baina adin txikikoak ezetz erantzun zion. Hala ere, ikertzaileek ez omen dute nahikoa daturik ustezko egilea identifikatzeko, ezta atzo atxilotutakoa izan ote zitekeen baieztatzeko ere.
Hiru dolu egun
Larderoko Udalak ezohiko batzarra deitu du 15:00etarako, baina hiru dolu egun deitu ditu jada. Horrez gain, bertan behera utziko ditu astebururako aurreikusita zeuden ekitaldi guztiak.
Zure interesekoa izan daiteke
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.