Kutsatzeak goraka doazela azpimarratuta, 5 eta 9 urte arteko ume bat ZIUn egon dela iragarri du Sagarduik
Koronabirusaren intzidentziak gora egiten jarraitzen du Gotzone Sagardui Eusko Jaurlaritzako Osasun sailburuak Eusko Legebiltzarrean ohartarazi duenez. Koronabirusaren 14 eguneko intzidentzia metatua 90ekoa da EAEn, eta, gainera, 80 pertsona daude ospitaleko gela arruntetan eta 25, Zainketa Intentsiboko Unitatean (ZIU). Hain zuzen ere, 5 eta 9 urte bitarteko ume bat koronabirusarekin ZIUn egon dela iragarri du.
Sailburuak azpimarratu duenez, koronabirusak batez ere pertsona ahulenak eta gazteak kutsatzen ditu orain. Osasun sistemaren presioa oraindik handia ez bada ere, koronabirusak jendea ospitalera bidaltzen jarraitzen duela nabarmendu du. Gainera, astero heriotzak eragiten dituela gogorarazi du.
Sagarduiren esanetan, 12 urtetik gorakoen % 90ek txertoaren pauta osoa jaso dute, eta hori omen da pandemiari dagokionez iaztik aldatu dena. Horri gehitu behar zaio pertsona ahulenak errefortzu dosiarekin txertatzen ari direla.
Txertoa giltzarri izan da eta izaten ari da pandemiaren eboluzioan, Sagarduiren arabera, eta, hori dela eta, txertoa jartzeko deia berretsi du.
Amaitzeko, sailburuak esan du covid-19aren aurkako borroka Osasun Sailaren lehentasunen artean egongo dela hurrengo jarduketetan eta baita aurrekontuetan ere.
Osasun Sailaren 2022ko aurrekontuak aurkezteko Eusko Legebiltzarreko Osasun Batzordearen aurrean egin duen agerraldian eman ditu koronabirusaren bilakaerari buruzko datuak.
Albiste gehiago gizartea
EITBk aitortza jaso du EHUko Gizarte eta Komunikazio Zientzien fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz EITBri saria eman diote gizarteari egiten dion ekarpenagatik. Bertan egon da Andoni Aldekoa zuzendari nagusia, Arantza Ruiz albistegietako zuzendaria eta Lontzo Sainz, etxe honetako estrategia eta ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sute bat piztu da LEA fabrikan, eta Arabako hiriburu osotik ikus daiteke kea
Sute handi bat piztu da Gasteizko LEA fabrikan, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko lehioak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Oraindik orduak edo egunak beharko dira sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.
Alkolea pasaiako paumaren habia desagertu da, Donostian
Parkea Bizirik elkarteak parkearen egoera salatu du eta neurriak hartzeko biltzera gonbita egin die udal gobernuari eta oposizioari.
EAJk hautsi egin ditu lan deialdi publikoetan euskara blindatzeko PSE-EEkin abiatutako negoziazioak
Jeltzaleen iturriek aurreratu dute EAJk berak bakarrik egingo duela aurrera eta Enplegu Publikoaren Legea aldatzen saiatuko dela, euskara eskakizunak bermatzeko.