Covid-19 agerraldi bat atzeman dute Astigarragako Herri Eskolan
Euskal Autonomia Erkidegoan 12 urtetik gorakoen % 90ek koronabirusaren aurkako txertoaren pauta osoa jaso duten honetan, covid-19ak batez ere pertsona ahulenak eta 12 urtetik beherakoak kutsatzen ditu orain. EITB Mediak jakin ahal izan duenez, koronabirus agerraldi bat atzeman dute Astigarragako Herri Eskolan.
Lehen Hezkuntzan gertatu da agerraldia, eta orain arte 33 pertsonak eman dute positibo covid-19a atzemateko proban.
Ondorioz, zazpi gela itxi eta 150 haur isolatu dituzte.
Xabier Urdangarin Astigarragako alkateak informazio gabezia salatu du Euskadi Irratian egin dituen adierazpenetan. Haren esanetan, hedabideen bidez jakin dute herrian 33 positibo izan direla. Kezkatuta agertu da positibo eman duten haurren inguruko helduak ere gaixotu daitezkeelako, baina txertoa dela-eta helduengan eragina txikiagoa izatea espero du. Bestalde, ahal dela, haurren arteko harremana murrizteko deia egin du alkateak.
Eusko Jaurlaritzako Osasun Sailak astelehenero berritzen duen koronabirusaren semaforoaren arabera, Astigarragak 254,75ko intzidentzia du eta eremu horian dago. Urriaren 25etik 31erako astean, 16 positibo hauteman zituzten.
Albiste gehiago gizartea
Kanoikadaren eztandak 'lehertu' egin du Donostiako Aste Nagusia
Elikagaien Bankuaren eta Amara Berriko Auzo Elkartearen kanoikadak hasiera eman dio musikaz eta 380 jarduera baino gehiagoz beteriko zortzi eguneko jaiari; eta, nola ez, Su Artifizialen Nazioarteko lehiaketaren 60. edizioa izango dugu aurten.
Adingabe bat atxilotu eta hamar ikertzen ari dira uztailaren 20an Azpeitian izandako istiluengatik
Desordena publikoak eragitea eta agintaritzaren agenteen aurkako atentatua egitea egozten diete guztiei. Atxilotua, 16 urtekoa, aske utzi dute, beharrezko polizia-eginbideak bukatutakoan.
Beroak hauspotuta, zimitz izurritea Gorraitzen
Gorraitz herrian sekulako amesgaiztoa bizi dutela salatu dute bizilagunek. Beroak hauspotuta, astebete baino gehiago da zimitz izurrite batek herria hartu duela. Egoera horren aurrean, fumigatzeaz gain, prebentzio-neurriak ere exijitu dituzte herritarrek. Bideoan, Javier de Arbizu eta Ane Irigoien bizilagunek azaldu dute egoera.
Gasteiztarrak jaien amaiera borobilaz gozatzen ari dira, Zeledoni agur esan aurretik
Kalejirek eta txarangek hiriko kaleak girotu dituzte egunean zehar, aurreko egunetan bezala, eguraldia lagun zutela. Goizaldean, egunerokora itzuliko dira, txokolatea eta bizkotxoak hartu ondoren.
Ehunka lagun bildu dira Bilbon Palestinaren alde
Bilbo-Palestina herri ekimenak elkarretaratzea egin du Plaza Biribilean, Palestina askatzea eskatzeko eta Netanyahu "gizateriaren aurkako krimenengatik" salatzeko.
Bizkaiko hondartzak, karabela portugesik gabe
Larunbat honetan Bizkaiko kostaldeko hondartza guztietan bainua hartzeko aukera izango dugu, marmokarik gabe.
Auto-gidari bat hil da Tolosan, autobus batekin talka eginda
Lurraldebusek aldi baterako eten du zerbitzua Ibaiondo kaleko 1. eta Larramendi kaleko 8. atarien pareko geralekuetan.
30 bat pertsona etxetik atera dituzte Elgoibarren, eraikin batean piztutako sute baten ondorioz
Sua 00:30 aldera piztu da, San Bartolome kaleko eraikin batean, eta ez da inor zauritu. Kaltetutako pertsona gehienak goizean itzuli dira etxera.
Mozketak N-1 errepidean, Ordizia parean, pantaila akustikoak jartzeko obrengatik
Obrek eragina izango dute eskuineko erreian eta Gasteizko noranzkoan sartzeko adar batean, larunbat goizetik igandera arte.
Gizon bat atxilotu dute Donostian, hainbat adingaberi sexu-erasoak egitea egotzita
Gizon horrek 27 urte ditu, eta epaileak behin behinean espetxeratzeko agindu du, adingabe batzuen sexu-askatasunaren aurkako delituak egotzita.