Iparraldeko Lehen Hezkuntzako ikasleek musukoa jantzi dute berriro ere
Gaurtik aurrera, maskara jantzi beharko dute berriz ere Ipar Euskal Herriko Lehen Hezkuntzako ikasleek geletan zein aire libreko espazioetan. Izan ere, Europa osoan bezala, koronabirusaren intzidentzia-tasa metatuak gora egin du Ipar Euskal Herria barne duen Pirinio Atlantikoak departamenduan ere (azken zazpi egunetan 88 covid-19 kasu detektatu dituzte 100.000 biztanleko), eta, ondorioz, covid-19aren transmisioa eteteko neurriak zorroztea erabaki dute agintariek.
Hala, hezkuntzako egiturek berriro ezarri beharko dute eskoletako protokoloaren bigarren arrisku-maila, eta, ondorioz, Lehen Hezkuntzako ikasleentzat derrigorrezkoa izango da maskara erabiltzea, barnealdean eta kanpoaldean.
Urriaren 11n, lehen arrisku-maila ezarri zuten Ipar Euskal Herrian, intzidentzia-tasa metatua 50etik beherakoa baitzen, eta 7 urtetik gorako haurrek maskara kentzea baimendu zuten. Orain, 88ko tasarekin, bigarren arrisku-maila ezarri dute berriro.
Musukoa janzteaz gain, taldeen arteko nahasketak saihestuko dira.
Hegoaldean ere, goraka doa intzidentzia metatua. Euskal Autonomia Erkidegoan eta Nafarroan, 100 kasuren bueltan dago 100.000 biztanleko intzidentzia-tasa metatua, baina osasun agintariek ez dute oraingoz horrelako neurririk iragarri. Josune Sagardui Eusko Jaurlaritzako Osasun sailburuak gaur bertan ETBn ohartarazi duenez, baina, egoerak okerrera egiten jarraitzen badu, ez dute baztertzen Gabonetarako neurriak hartzea.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.