Intzidentzia metatuak 100.000 biztanleko 100 kasuko langa gainditu du EAEn
LABI batzordeak desaktibatu egin zuen urriaren 5ean osasun larrialdi egoera Euskadin, eta horrenbestez, covid-19aren pandemiari aurre egiteko ezarritako murrizketa gehienak bertan behera geratu ziren. Hilabete beranduago, ia bikoiztu egin da gaitzaren intzidentzia metatua, EITB Mediak jakin ahal izan duenez.
Urriaren 11n 100.000 biztanleko intzidentzia metatua 56 kasukoa zen EAEn. Gaur, azaroak 6, ordea, 100 kasutik gora dago, arrisku ertain eta altuaren artean (50 eta 150 artean arrisku ertaineko maila ezartzen da eta 150etik gora arrisku altua).
Aste honetan, egunero, 200 covid-19 kasu berri atzeman ditu Osasun Sistemak. Atzo 218, esate baterako.
Dena dela, ospitaleetako egoera "nahiko lasaia" da oraingoz: 27 lagun daude covid-19agatik zaintza intentsiboetako unitateetan, duela hilabete 26 zirenean. Kopurua antzekoa da, beraz. Covidagatik plantan ospitaleratutakoen kopuruak, ordea, gora egin du azken aldian: duela hilabete 48 gaixo zeuden ospitaleratuta plantan eta gaur egun 72.
Une honetan 25 gela daude itxita EAEn, koronabirusaren kontrako protokoloa aplikatuta. Atzo bertan jakin zen, adibidez, Astigarragako herri eskolan agerraldia izan dela eta 7 gela itxi behar izan dituztela.
Asteazkenean, berriz, Aguraingo Udalak jarduerak bertan behera uztea, haurren jolastokiak ixtea eta liburutegiko eta igerilekuko aforoak murriztea erabaki zuen, covid-19aren zabalpenari aurre egiteko.
Eusko Jaurlaritzak, berriz, San Tomaseko merkatu eta azoka tradizionalak egiteko irizpide berriak kaleratu zituen atzo.
84 covid-19 kasu berri Nafarroan
Nafarroako Osasun Departamentuak 84 positibo atzeman zituen ostiralean, bezperan baino 10 gehiago. 1.963 proba egin zituzten, eta % 4,3k positibo eman zuten.
Kasu berri gehienak Iruñean atzeman zituzten: 29.
Pertsona bat hil zen, gainera, covid-19agatik. Une honetan 24 pertsona daude ospitaleratuta arrazoi horregatik, horietatik 7 ZIUn.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.