Osakidetzak 2. motako diabetesa duten pazienteengana zabaldu nahi ditu glukosa monitorizatzeko gailuak
1. motako diabetesa duten 4.000 pazientek baino gehiagok erabiltzen dituzte glukosa etengabe monitorizatzeko 'Flash' gailuak Euskal Autonomia Erkidegoan. Gaur egun, gailu horiek 1. motako diabetesa duten 18 urtetik beherako pazienteentzat finantzatzen dituen lehen autonomia erkidegoa da. Gotzone Sagardui Osasun sailburuak aurreratu duenez, ordea, horien erabilera intsulina-terapia intentsiboen bidezko tratamenduan dauden 2. motako pazienteengana zabaltzeko asmoa du orain Osakidetzak.
Gipuzkoako Diabetes Elkarteak gaixotasun horri eskainitako Munduko Eguna dela eta larunbat honetan Donostian antolatu duten biltzarraren inaugurazio-hitzaldian egin ditu adierazpenak Sagarduik. Haren ustez, diabetesaren aurkako jardunean "funtsezkoa" da ohitura osasungarrien bidezko prebentzioa, erakundeen konpromisoarekin, kalitatezko arretarekin eta elkarteen jardunarekin batera.
Diabetesaren errealitatea ere, "benetako pandemiatzat" jo du sailburuak. Izan ere, mundu osoan hedatuta dagoen gaixotasuna da, eta "etengabe ari da hazten", baita Euskadin ere. Edonola ere, ondorioei dagokienez (konplikazioek eragindako morbimortalitatea kontuan hartuta), hobetze-zantzuak antzematen hasi dira.
Sagarduik azpimarratu duenez, prebentzioak "funtsezko garrantzia" du, diabetesaren kasuan bereziki, bizi-ohiturei "hertsiki lotuta" dagoen patologia izanik. Zentzu horretan, berretsi egin du Eusko Jaurlaritza elikadura osasungarria eta ariketa fisikoa sustatzeko garatzen ari den jarduketa-ildoetan sakontzearen aldeko apustua.
Lehentasun estrategiko hori euskal osasun publikoak eskaintzen dituen zerbitzuekin sinkronizatuta dago, bai Lehen Mailako Arretako profesionalek eskaintzen dutenarekin (prebentzioa, diagnostiko goiztiarra, tratamendua zein ikuskapena), bai Endokrinologiako zerbitzuekin (kasurik konplexuenen diagnostikoan eta tratamenduan bereziki). Diabetesari buruzko heziketa ematen duten erizainen zeregina ere aipatu du sailburuak, pazienteak bere gaixotasuna eraginkortasunez autokudeatu dezan lortzeko garaian.
Halaber, elkarteek diabetesa duten pertsonen bizitza hobetzera eta gizarte-sentsibilizazioko ekimenak bultzatzera zuzendutako bideak irekitzeko garaian betetzen duten "funtsezko zeregina" nabarmendu du Osasun sailburuak.
Zure interesekoa izan daiteke
Albistea izango dira: Bilbao Basketi harrera, Enplegu Publikoaren Legea eta petrolioaren prezioa
Hauek dira ostegun honetan, 2026ko apirilaren 30ean, titular nagusiek hartuko dituzten gaiak:
Udaletxea eta Aldundia lotuko ditu Surne Bilbao Basketen ospakizunak, estali gabeko autobus batean
Surne Bilbao Basketen Europako bigarren tituluaren ospakizuna kaleetara eramango da gaur Miribillan lortutako garaipenaren ondoren, Bilboko Udaletxean eta Bizkaiko Foru Aldundian egingo diren ekitaldietan.
Eusko Jaurlaritzak eta Osasun ministroak elkarri eskatu diote medikuen gatazkan pausoak emateko
Maria Ubarretxenak, Eusko Jaurlaritzaren bozeramaileak, uste du Osasun ministroarentzat "lehentasuna" izan beharko litzatekeela grebaren amaiera. Bitartean, Monica Garciaren ustez, Eusko Jaurlaritzak neurri batzuk har ditzake eta hartu behar lituzke, eta galdetu du ea "eskumenak inbaditu" behar dituen.
Medikuak kalera irten dira Bilbon eta Donostian, grebaren inguruko tentsioa gora doan bitartean
Greban dauden medikuek salatu dutenez, Eusko Jaurlaritzako Osasun Sailak presioak egin ditu aparteko orduak egiten jarrai dezaten, eta Ministerioari leporatu diote "ardura inoren gain uztea".
Aita Marik ateak irekiko ditu Itsas Salbamendu Humanitarioaren hamargarren urteurrena ospatzeko
Asteazken honetan, itsasontziak Euskadiko hainbat portu bisitatuko dituen birari ekin dio. Lehen geltokia Bilbo izango da, eta dagoeneko Itsasmuseumean bisitatu daiteke.
Mugikortasun iraunkorrari eta elikagaien industriari lotutako LHko bi titulu berri onartu ditu Eusko Jaurlaritzak
Onartutako curriculumak honako hauek dira: Mugikortasun Seguru eta Jasangarrirako Prestakuntzako Goi-mailako Teknikaria eta Oliba-oliogintzako eta ardogintzako Teknikaria.
EAEk diskoteketako atezainen gaineko kontrola gogortu du, araudian "hobetu daitezkeen alderdiak" zuzentzeko
Erregelamenduaren erreformak erraztu egingo du gaikuntzak baliogabetzea eta arau-hausteengatik jarduerak berehala etetea.
Espainiak antibiotiko kaxa handiak kendu eta txikiagoak merkaturatuko ditu, erabilera desegokiak saihesteko
Osasun publikoko arrazoiengatik hartu da erabakia, gaixoek etxean sobera dituzten botikak erabiltzeko "tentaziorik" izan ez dezaten.
Guardia Zibilak ziberiruzurren aurkako operatiboa zabaldu du Gasteizen
Goizeko lehen orduan hasi da operatiboa, Lakua auzoan, eta oraingoz ez dute atxiloketei ezta miaketei buruzko xehetasunik eman.
Udako eguzki-eklipsea prestatzeko entsegu egunak: Eguzkia abuztuaren 12ko posizioan izango da iluntzean
Gaur-biharretan, Eguzkiak abuztuaren 12a izango duen posizio bera izango du, 20:27 inguruan. Hori dela eta, fenomenoa ikusteko tokirik onena zein den egiaztatu ahal izango da.