Eusko Jaurlaritzak murrizketak iragarriko ditu covid intzidentzia altua duten udalerrientzat
Pandemiaren bilakaerak joera kezkagarria hartu du berriz ere Euskal Autonomia Erkidegoan eta azken egunetako kutsatze kopuruak ikusita, murrizketa neurrietara itzultzea erabaki du Eusko Jaurlaritzak.
Exekutiboak jakitera eman duenez, 100.000 biztanleko 150 kasuko intzidentzia langa gainditu da EAEn, eta horrek covid-19aren transmisioa maila altuan dagoela esan nahi du.
Gobernuak baieztatu du zifra horrek agerian uzten duela "Euskadiko kutsatzeen goranzko joera eta lehenbailehen geldiarazteko beharra".
Hori dela eta, murrizketak iragarri dituzte covid-19a gogorren jotzen ari den udalerrientzat. Osasun sailburu Gotzone Sagarduik prentsaurrekoa emango du asteartean Gobernu Kontseiluaren ostean, jarraibide berrien inguruko informazioa emateko.
"Jendetzak saihestera eta joera hau geldiaraztea guztion lana dela ikustaraztera bideratuko dira neurriak", EITB Mediak jakin ahal izan duenez.
Datu guztiak biltzen dituen txostena eta gorriz dauden udalerrien zerrenda astelehen honetan argitaratuko dira, azken asteetako bideari jarraituz. Azaroaren 8ko azken txosten ofizialean, Agurain, Abadiño, Astigarraga, Azpeitia eta Zumarraga zeuden gorrian, baina aste honetan zerrenda handitzen joan da ziur aski.
Osasun Sailak prebentzio-neurriak betetzeko beharra azpimarratu du berriz ere; hala nola, pilaketak saihestea, eskuen higienea areagotzea, espazio itxiak aireztatzea, maskara etengabe erabiltzea eta, jakina, txertoa jartzea.
Nafarroa ere murrizketa berrietarako prestatzen ari da
Nafarroako Foru Erkidegoa ere alerta egoeran dago. Izan ere, EAErekin batera, Espainiako Estatuan intzidentzia metatu handiena duen erkidegoa da. Atzo, adibidez, 159 kasu berri atzeman ziren, azken hiru hilabeteetako kopururik altuena, eta bezperan 132.
Kutsatzeen gorakadak oraingoz ospitaleetan eragin handirik izan ez badu ere, Gobernua gaueko aisialdian covid pasaportea ezartzeko aukera aztertzen ari da.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.