Lau urteko espetxe-zigorra ezarri diote Donostiako Egia auzoan adingabe bati sexu-erasoa egiteagatik
24 urteko gazte bati lau urteko espetxe-zigorra ezarri diote Donostiako Egia auzoko parke batean, 2019ko urtarrilaren 7an, 15 urteko adingabe bati sexu-erasoa egiteagatik. Gainera, kartzela-zigorra bete ondoren beste bi urtez zaintzapeko askatasunean izango da.
Epaiaren arabera, gertakariak 21:45 aldera jazo ziren. Akusatuak eta biktimak ez zuten elkar ezagutzen aldez aurretik, eta Hernaniko (Gipuzkoa) geltokian elkartu ziren, Donostiarako trena hartzeko. Ategorrietako geltokira iritsi arte elkarrizketa bat izan zuten, baina bakoitza bere aldetik joan zen.
Jarraian, Matigotxotegi futbol-zelaiaren ondoan dagoen parkera joan zen adingabea, eta eserleku batean jezarri zen. Gutxi geroago, auzipetua eseri zen toki berdinean. "Sexu sena asebetetzeko asmoarekin, bizkarretik heldu eta bularrak ukitu zizkion arroparen gainetik", nahiz eta adingabeak gainetik kendu eta "ez egiteko esan".
Ebazpenak zehaztu duenez, hala eta guztiz ere, gizona "gainera etorri zitzaion, lurrera bota eta gainean jarri zen". Horregatik, neska "garrasika hasi" zen, akusatuak "eragozteko" eskua ahoan jarri eta isiltzeko esaten zion bitartean.
Adingabeak jaramonik ez zionez egin, erasotzaileak lepotik heldu zion bi besoekin, "itolarria sentitzera helduz". Halako batean, biktima berriz askatu zen, baina aldamenean berriro jarri zitzaion eta "hankartea" ukitu zion, nerabea eskua kendu, zutunik jarri eta "ihes egitea" lortu zuen arte.
Gizona zigortzeko, sententziak biktimaren adierazpenei "sinesgarritasuna" eman die, prozedura osoan "ez delako aldatu", "koherentea" izan delako eta "kontraesanik" izan ez duelako.
Gainera, adingabearen lekukotza, haren amarena, udaltzainena eta adituenaren "balorazio bateratua" egin du epaiak, biktimaren bertsio nagusiaren "fidagarritasuna indartzen" dutelako.
Sententzia oraindik ez da irmoa; izan ere, Euskal Autonomia Erkidegoko Auzitegi Nagusiaren (EAEAN) aurrean apelazio helegitea aurkeztea posible da.
Albiste gehiago gizartea
Bi txirrindulari ospitaleratu dituzte Nafarroan, pronostiko erreserbatuarekin, auto banak harrapatuta
58 eta 51 urteko bi gizonek kolpe larriak jasan dituzte eta Nafarroako Unibertsitate Ospitalera eraman dituzte bi zirkulazio-istripuren ondorioz, bata Eguesibarren gertatu da eta bestea Berriobeitin.
26.000 ikasle itzuliko dira eskolara astelehen honetan Ipar Euskal Herrian
Ikasleen %13k Seasko murgiltze ereduan ikasiko dute. Aurten, berrikuntza gisa, gaskoia erakutsiko diete Samatzeko ikasleei astean hiru orduz.
Cabrales gazta irabazlearengatik 37.000 euro ordaindu eta, ospatzen ari zela, lurrera erori zaio
Asturiasko Cabrales gazta batengatik 37.000 euro ordaindu dituzte, horrelako batengatik inoiz ordaindu den kopururik handiena. Lehiaketa Encarnacion Bada gaztagileak irabazi du, eta Ivan Suarez El Llagar de Colloto Oviedoko jatetxeko ostalariak erosi du.
Protestarako deia egin dute Yala Nafarroak eta BDZ Nafarroak, Israel taldea Vueltan aritzearen aurka
Vueltako hainbat etapatan antolatutako protesta ekintza baketsuekin bat egingo dute Yala Nafarroa plataformak eta BDZ Nafarroa mugimenduak. Izan ere, Vueltako pelotoia Nafarroan barrena ibiliko da datorren asteartean, Sendavivan hasi eta Larra-Belaguan amaituko den hamargarren etapan.
Bilboko Aireportuko suhiltzaileen kamioi bat Sondikako haur-parke batera erori da
Eusko Jaurlaritzako Segurtasun Sailak jakinarazi duenez, ezbeharra 06:20 aldera gertatu da, eta ez da inor zauritu. AENA enpresa publikoa istripuaren nondik norakoak aztertzen ari da, suhiltzaileak ere kudeatzen baititu.
212 urte, Ingelesek eta Portugaldarrek Donostia erre zutenetik
Urtero legez ekitaldi ugarirekin oroitu dute gertakaria. Goizean, esaterako, Donostiako Udalak lore eskaintza egin du Itxas atean goizeko elizkizunaren ostean, 1813 hartan hil ziren donostiarren omenez.
Suteen okerrena igaro da: Espainia alerta eta jarraipen fasera igaro da
Amaitutzat jotzen da Espainiako historia hurbilean baso-suteen gertakaririk tragiko eta suntsitzaileenaren faserik zailena: 300.000 hektarea baino gehiago erre dira, lau lagun hil dira eta 48 zauritu.
Palestinari elkartasuna adierazi diote Bilbon
Ongi Etorri Errefuxiatuak elkarteak bilkura egin du Bilbon. Palestinako herriari babesa adierazi diote bertan, eta haren aldeko aldarrikapenak egin dituzte.
Etxauriko gainean, Ziritzan, piztu den sutea kontrolpean dago
Haizeak sua bizitu duen arren, ez da arriskutsua izan inguruko etxebizitzentzat, nahiz eta Na-700 errepidea itxi behar izan duten bi noranzkoetan.
Mozkortzearen ondorioak simulatzen dituen alkoholik gabeko lehen garagardoa sortu dute
Erresuma Batuko laborategi batek mozkorturik egotearen efektua lortzen duen alkoholik gabeko lehen garagardoa egin du: Sentia Spirits. Ondoezak ez du luze irauten, edan eta hogei minutu edo ordu erdira desagertzen baita horren eragina, eta ez du biharamunik uzten.