Positiboek nabarmen egin dute gora Nafarroan, 267 izan dira azken egunean
Kutsatzeak nabarmen igo dira azken egunean Nafarroan, 267 positibo zenbatu baitituzte, Nafarroako Gobernuaren behin-behineko datuen arabera. Aurreko egunean baino ia 100 kasu gehiago dira horiek, bezperan 172 kasu hauteman baitziren.
20 kasu atzeman dira Mutiloan, eta hamabina Zizur Nagusian eta Iruñeko Donibane auzoan.
Azken asteetako goranzko joerak jarraitzen du, beraz, eta, ondorioz, pandemiari aurre egiteko neurriak aztertzen ari da Foru Gobernua. Atzo aurreratu zutenez, datorren astean sartuko lirateke indarrean neurri horiek, eta arrisku gehien sortzen dutenei erreparatuko diete gehienbat, hau da, txertoa hartu ez dutenei.
Agerraldia Foremen
Nafarroako Osasun Zerbitzuak zortzi positibo atzeman ditu asteazken honetan Foremeko langileen artean egindako baheketa batean; zentro hori da Nafarroako txertaketa gune eta PCR probak egiteko gune nagusia.
Zortzi pertsona horiek beste langile batzuek ordezkatu dituzte, eta, beraz, ez da etenik izan Nafarroako Gobernuak Forem nabean martxan dituen bi jarduera-ildoetan; txertaketa-prozesua eta proba diagnostikoak normaltasunez egiten dira.
Txertoa hartu ez duten biztanleentzako neurriak
Javier Remirez Nafarroako Gobernuko bozeramaileak asteazkenean adierazi zuenez, covid-19 kasuen gorakadaren aurrean Nafarroako Gobernuak planteatuko lituzkeen neurriek "ez liekete herritar guztiei eragingo, gaixotasuna larritasunez garatzeko arrisku handiena dutenei baizik, ospitaleratzen ari direnei, edo txertoa hartu ez dutenei".
Gobernu bileraren osteko prentsaurrekoan, Remirezek esan zuen covid pasaportea dela lantzen ari diren neurrietako bat, "eraginkorragoa delako eta txertaketa pauta osoa dutenak eta ez dutenak argi eta garbi bereizten dituelako". Remirezen hitzetan, Nafarroako Gobernua harremanetan dago "ostalaritza- eta kultura-sektorearekin, egoera hau bideratzeko neurririk onenak ebaluatzeko".
Horren arabera, gainera, 12 urtetik gorako biztanleen % 10ek ez dute txertoa jarrita eta "ZIU oheen % 60 hartzen dituzte". Halaber, txertaketaren garrantzia azpimarratu ondoren, "posible duten arren, txertatu ez direnei" dei egin zien berriro ere txertoa jartzera.
Zure interesekoa izan daiteke
Oiartzungo AP-8ko saihesbidea obrengatik itxiko dute igande eta astelehen gauetan
Mantentze-lanak Bilborako noranzkoan izango dira, 22:00etatik 06:00etara.
GOIDIaren biktimek Mazon espetxeratzeko eskatu dute
Carlos Mazonek dimisioa eman zuenetik astebete igaro denean, goi-geruzetako depresio isolatuaren biktimek herritarren garaipentzat jo dute, baina ez dela nahikoa nabarmendu dute. Valentziako Gorteen aurrean egindako protestan, Mazon espetxeratzeko eta haren gobernu osoaren dimisioa eskatu dute, Feijooren eta Abascalen arteko negoziazioak gaitzetsi eta Valentziaren etorkizuna valentziarrek hauteskundeetan erabaki behar dutela aldarrikatzeaz gainera.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
Amaitu dira AP-8ko auto-ilarak Orioko zubian, Bilboko noranzkoan
Kamioi baten eta auto baten arteko talkak 3,5 kilometrora arteko ilarak eragin ditu Orioko zubian, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.