Bilbotik irten den hegaldi batek Coruñako aireportuan lur hartu du, bonba mehatxu faltsu baten ondoren
Bilbotik irten eta Coruña helmuga zuen Volotea konpainiaren hegaldi batek alarma guztiak piztu ditu gaur goizean Coruñako Alvedro aireportuan, azkenean faltsua izan dela baieztatu den bonba mehatxu bat tarteko. Horrela jakinarazi dute Espainiako Gobernuaren Ordezkaritzak eta Guardia Zibilak.
V7 3538 hegaldia 06:45ean irten da Bilboko aireportutik eta 07:25ean lur hartu du Coruñan.
Bonba mehatxua tarteko larrialdi plana aktibatu dute Alvedroko aireportuan. Gertaera argitu den bitartean, ordea, zabalik jarraitu du.
AENAk jakinarazi duenez, hegazkina aireportuko gune bereizi batera eman dute eta bidaiariak bertatik atera eta gela batera eraman dituzte.
Guardia Zibilak hegazkinaren kabina, bodega eta maletak miatu ditu. Horrez gain, bidaiari guztiak atxikitu eta banan-banan miatu dituzte txakurrekin. Horrela azaldu dio Mikel Mata bidaiariak Euskadi Irratiari. Dena dela, miaketa horietan ez dute ezer aurkitu.
Volotea konpainiak zabaldu duen informazioaren arabera, 105 bidaiari eta tripulazioko sei kide zihoazen eta guztiak ere onik daude.
Larrialdi zerbitzuak ez ezik, suhiltzaileak eta Polizia ere bertaratu dira. Guardia Zibilak hartu du bere gain ikerketa eta orain abisua nork eman duen ikertzen ari dira.
SOS Deiak larrialdi zerbitzuak jaso du abisua eta jakinaren gainean jarri ditu bi aireportuak eta Guardia Zibila.
Bonba mehatxu faltsua ikertuko dute
Francisco Javier Jambrina Coruñako Guardia Zibilaren koronelak ziurtatu duenez, bonba mehatxu faltsuaren egilea bilatuko dute, Ertzaintzarekin elkarlanean.
Maria Rivas Espainiako Gobernuaren ordezkariordearekin batera prentsaurrekoa eman du Jambrinak. "Ikerbidea abiatuko da, desordena publiko delitu bat eman delako", zehaztu duenez.
Ertzaintzak mezua bere aplikazioaren bidez jaso zuen, eta sinesgarritasun gutxi eman zion, baina, hala ere, koordinazio zentroari jakinarazi zion. Hark Aireko Segurtasun Agentziari abisua eman zion, eta agentziak hegazkinari.
Guardia Zibilak hegazkineko kabina eta sotoa miatu zituen, lehergailurik topatu gabe, baita bidaiariak ere.
Jose Miñones Espainiako Gobernuak Galizian duen ordezkariak zuhurtzia eskatu du gertakariaren aurrean.
Zure interesekoa izan daiteke
Emakume bat ikerketapean dago, Bilbon adingabe bat bahitzen saiatzeagatik
Adingabea lagunekin ari zen jolasten, eta banku batean eserita zegoen emakume bat hurbildu zitzaien. Senidea zela esanda, adingabea besotik heldu eta berarekin eramaten saiatu zen. Gurasoen lagun batzuek gertatutakoa ikusi zuten, eta adingabeari galdetu zioten emakumea ezagutzen ote zuen.
EHUk uste du lehendakariak ez diola "behar besteko balioa eman unibertsitate publikoari" ikasturte hasierako ekitaldian egoteari muzin eginez
Horixe adierazi du Ixone Fernandez de Labastida Arabako Campuseko errektoreordeak Radio Vitorian egindako elkarrizketa batean, Imanol Pradales lehendakariak ikasturte hasierako ekitaldietan Mondragon, Deustu eta EHU txandakatzeko hartu duen erabakiaren harira.
Heriotzen kopurua jaiotzena baino ia bi aldiz handiagoa da EAEn
Heriotzak 6.253 izan ziren urteko lehen hiruhilekoan, aurreko urtean baino % 0,8 gutxiago, eta jaiotakoak bainoa 3.008 gehiago.
Espainiako Abokatu Kristauen Fundazioak hiru urteko espetxe-zigorra eskatu du Bernedoko udalekuen auzian ikertutako 15 kiderentzat
Gasteizko Instrukzio Epaitegiak gaur hartuko die deklarazioa 15 ikertuei, eta testuinguru horretan egin du iragarpena herri-akusazio gisa ari den elkarteak. Bestalde, euskal udalekuetako kideek adierazi dute ez dutela prozesuaren berri emango, adingabeen eskubideak babesteko.
Lanbide Heziketak ia 8.000 plaza gehiagorekin ekin dio ikasturteari, bi gradu bikoitz berrirekin
Ia 75.000 plaza eskaini dira eta oraingoz 51.000 ikasle pasatxok eman dute izena (matrikulatzeko epea urriaren 16ra arte egongo da zabalik). Ikasturte hasierako ekitaldian lehendakariak azpimarratu duenez, egungo LHa "Txapeldunen Ligan" dago eta hezkuntza sistema hobetzeko "ardura partekatua, autokritika eta autoestima" eskatu ditu.
Txinak konfrontazioa baztertu du AAren inguruko eztabaidan, eta "ongira bideratutako" teknologia defendatu du
Pekinek adimen artifizial ireki eta inklusiboaren nazioarteko araubidea eskatu du, eta ohartarazi du mehatxu-diskurtsoek eta "asmo txarreko lehiak" haren gobernantza oztopatzen dutela.
Uda beteko tenperaturak astea hasteko : gaur 30 graduak gaindituko dira aste erdian udazken giroari bide eman aurretik
Nafarroako hainbat tokitan, Iruñean eta Erriberan kasu, termometroak 35 graduraino iritsiko dira gaur. Bihar goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera.
Normandiako Lehorreratzetik Markinara: Abelek Bigarren Mundu Gerrako kamioneta bat du egurra garraiatzeko
Bigarren Mundu Gerrako kamioneta bat dabil Markina-Xemeingo mendietan. Abel Ibarluzea jabeak egurra garraiatzeko eta beste baserriko beste zenbait lanetarako erabiltzen du. Garai batean, Euskal Herrian ohikoa zen AEBko armadaren gerra-ibilgailu hauek ikustea. Gaur egun, Abelena da geratzen den bakarrenetako bat.
Gizon bat hil da Oiartzungo AP-8ko zerbitzugunean izandako zirkulazio istripu batean
61 urteko gizonak furgonetarekin izan zuen istripua atzo gauean, zerbitzugune baten barruan.
Imsersoren bidaiak gaurtik aurrera egongo dira eskuragarri Hego Euskal Herriko pentsiodunentzat
Nafarrentzat gaur abiatuko da plaza eskuratzeko epea, eta EAEko pentsiodunentzat, asteazkenean. Guztira, ia 900.000 plaza eskainiko dira penintsulako kostaldera eta uharteetara joateko edo bospasei eguneko bidaiatxoak egiteko.