Covid-19 ziurtagiria baimentzeko eskatu dio Nafarroako Gobernuak Auzitegiari
Nafarroako Gobernuak lehen urratsa eman du, covid-19 ziurtagiria baimentzeko neurria arautzen duen foru agindua aurkeztu baitio Nafarroako Auzitegi Nagusiari, Javier Remirez Foru Gobernuko bozeramaileak jakitera eman duenez.
Remirezen hitzetan, Nafarroako Gobernuak espero du justiziak ziurtagiria ezartzeko baimena ematea, eta neurria "egokia eta proportzionala" dela gaineratu du: "Oraingoz, ez dugu B planik; beraz, onartzen badute, ondo, eta bestela ere bai", erantsi du. Auzitegiek diotena bere egingo dutela nabarmendu du.
Baimenduz gero, neurria urtarrilaren 6ra arte egongo litzateke indarrean. 50 pertsona baino gehiago hartzeko edukiera duten jatetxeetan, gaueko aisialdian (diskoteketan eta dantzalekuetan, besteak beste), eta baita barnealdeko ekitaldi jendetsuetan ere eskatu nahi dute, jateko eta edateko aukera baldin badago.
Ziurtagiria nola eta nork eskatuko duen galdetuta, Remirezek esan du aipatutako establezimenduetako eta ekitaldietako arduradunen esku egongo dela horren ardura, eta Poliziak ere "ausaz" egingo dituela kontrolak.
EAEko Justizia Auzitegi Nagusiak antzeko neurrien ezarpenari uko egiteak beste aukera batzuk aztertzera eramaten ote dituen galdetuta, Nafarroaren kasuan pandemiaren hasieratik Auzitegiarekin izan duten esperientzia positiboa izan dela azpimarratu, eta beti "oreka egokia" bilatu dela azaldu du. Horregatik, oraingoan ere hala izango dela eta baimena emango dietela uste du.
Egunotan jakin denez, EAEko Auzitegi Nagusiak ez du baimendu covid-19 ziurtagiria ezartzea ostalaritzan eta gaueko aisialdirako lokaletan zuzenbide estatu batean helburuak ez dituelako bitartekoak arrazoitzen, eta, kasu honetan, oinarrizko eskubide ugari ukitzen dituelako.
Zure interesekoa izan daiteke
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.
Arabako eta Gipuzkoako etxebizitzetan lapurretak egin zituen gaizkile talde bat desegin dute
Estatu osoan indarra erabiliz 25 lapurreta egin izana egozten diete, eta Araban lapurreta bat egin ondoren atxilotu dituzte taldea osatzen omen zuten lau kideak.
Mugimendu sismikoak izan dira Andaluzian, denboralearen ondorioz
Intentsitate txikiko lurrikarak izan dira Cadizko mendilerroan eta Malagako hainbat udalerritan.
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.