Uholdeak espero dira EAEn
Eguraldi iragarpena bete da, eta, aurreikusita zegoen bezala, lehenengo elur malutak izan dira Euskal Herriko hainbat txokotan. Euri zaparradak ere mardulak izaten ari dira, Gipuzkoan eta Bizkaian, batez ere. 09:00etan, 500-600 metroan zegoen elur kota, eta 1.100 inguruan izango da eguna amaitzerako. Eguerdian desaktibatu da elurragatiko alerta EAEn, eta une honetan euriagatiko alerta laranja dago indarrean, biharko 09:00ak arte. Azken egunotako euriari, gainera, tenperaturak eta elur-maila igotzeak ekarriko duen urtzearen ura gehituko zaio arratsaldean eta uholdeak izan daitezke ohiko tokietan gauean.
Aurreikuspen horiekin, Uholdeei Aurre Egiteko Euskadiko Larrialdietarako Plan Bereziaren alerta-fasea aktibatu zuen atzo Eusko Jaurlaritzak, eta gaur goizean zehar aztertzen joan dira egoki dagoen edo areagotu egin behar den alerta maila hori. Hala, 15:00etatik aurrera mailaz igotzea erabaki dute.
Eguerdian Josu Erkoreka lehendakariordea eta Arantxa Tapia Garapen Ekonomiko, Jasangarritasun eta Ingurumen sailburua URAren egoitzan (Gasteiz) bildu dira euren taldekideekin, Plan Bereziaren bilakaera aztertzeko, eta hor hartu dute erabakia.
Okerrena gauerako eta goizalderako espero da.
Elurra Nafarroan eta Iruñean
Bestalde, AEMETek alerta gorria ezarri du Nafarroako Erdialderako elurragatik. 600 metrotik gora 25 zentimetroko lodiera pilatzea espero da.
Iruñean elurra egin du, Sakanan, Leitza aldean....
Ipar Euskal Herrian ere, elurrak eta euriak arazoak eragitea aurreikusi dute, eta Pirinio Atlantikoetako Prefekturak abisu horia ezarri du euriagatik eta alerta laranja elurragatik, biharko 12:00ak arte.
Eguraldiari buruzko informazio gehiago nahi izanez gero, kontsultatu eitb.eus webgunean eta bidali argazkiak.
Albiste gehiago gizartea
Pertsona bat hil da eta bi zauritu dira, horietako bat larri, AP-15 autobidean, Erriberri parean izandako istripu batean
Kamioi batek kontrako erreian sartu eta biktima zihoan autoa jo du, Foruzaingoak jakinarazi duenez.
Albistegien denboraldi berria hasi du Euskal Telebistak
Irudi berria, dekoratu berriak eta aurpegi berriak izango dituzte "Egun On Euskadi", "Gaur Egun" eta "Teleberri" albistegiek denboraldi berri honetan. Egiazkotasuna, zorroztasuna eta hurbiltasuna izango dituzte oinarri.
Eusko Jaurlaritzak zortzigarren urtez ospatu du Euskal Diasporaren eguna
Markina-Xemeingo ekitaldiak omenaldia egin dio zesta-puntari; hain zuzen ere, euskararen izena mundu osoko pilota lekuetara eran duten pilotariei.
Erraldoien dantza ikusgarriek Iruñeko katedrala hartu dute, burguen batasuna lortu zuen ituna ospatzeko
Gaur 602 urte izenpetu zuen Karlos III.a Erregeak. San Zernin, Nabarreria eta San Nikolas izeneko burguak batzeko ituna, Iruñea hiria sortuz. Ospakizun ugari antolatu dituzte, tartean, gaur egin den erraldoien ikuskizuna katedralean.
EAEko Justizia Auzitegi Nagusiak berretsi egin du Gipuzkoan 6 urteko haur bati eraso egin zion gizonari ezarritako 20 urteko kartzela-zigorra
2025 hasieran, 20 urte baino gehiagoko kartzela-zigorra ezarri zion Gipuzkoako Auzitegiak gizonari, eta ia bi urtekoa adingabearen amari, erasoak baimentzeagatik. Errekurritu egin zuten epaia baina EAEko auzitegi gorenak berretsi egin dizkie zigorrak.
Nola egokitu hiriak beroaldietarako eta muturreko tenperaturetarako?
Udak gero eta beroagoak eta luzeagoak dira Euskal Herrian EITB Datak argitaratutako datuen arabera. Bilbon eta antzerako hirietan muturreko tenperaturak izan dituzte. Mundu osoan hiriak beroaldiak hobeto igarotzeko egokitzen ari dira eta natura hirietan sartzea da urbanisten gomendio nagusia.
24 urteko gizon bat espetxeratu dute, Usurbilen emakume bati lapurreta egin eta ondoren hura hiltzen saiatzeagatik
Ertzaintzak jakinarazi duenez, joan den larunbatean izan ziren lapurreta eta hilketa saiakera. Igandean atxilotu zuten ustezko erasotzailea, Usurbilgo borda batean.
Gutxienez 4 kilometroko auto-ilarak AP-8an, Zarautzen, Donostiarako noranzkoan
Kamioi bat irauli egin da, eta istripua eragin du errepidean. Ertzaintzak errail bat moztu du Donostiara noranzko errepidean.
Eusko Jaurlaritzak "eskola inklusibo, ekitatibo eta kalitatezkoaren" aldeko mahaia jarri du abian, ikasturte hasieran
Imanol Pradales lehendakariak eta Begoña Pedrosa Hezkuntza sailburuak Etxebarri BHI berrian abiatu dute Eskola Segregazioaren aurkako Itun Sozialaren mahaia, ikasturtearen hasiera ofizialarekin bat eginez.
Eskola-segregazioaren aurkako mahaiak markatu du 2025-2026 ikasturtearen hasiera
Imanol Pradales lehendakariak eta Begoña Pedrosaa Hezkuntza sailburuak eman diote hasiera ikasturteari, Etxebarriko (Bizkaia) BHIn. Ondoren, mahaiaren lehen bileraren buru izan dira. Bileran hezkuntza-komunitateko hainbat eragilek, EAJ, PSE-EE, EH Bildu eta PPren ordezkariek eta sindikatuek hartu dute parte, ELA eta Steilas sindikatuek izan ezik.